7 koncesionet e planifikuara për 2022-shin/ “Kolaudimi” do t`i rikthehet privatit, do firmoset “Milot-Fier”, edhe siguria rrugore dhe lagjet e Elbasanit me koncesion
Projekt-buxheti i vitit të ardhshëm parashikon edhe 7 kontrata të reja koncesionare apo të skemave të partneritetit publik privat (PPP). Të 7-ta këto kontrata të reja koncesionare kapin vlerën e 214 mld lekëve, ose e përkthyer në valutë, 1.75 mld euro. Kjo shumë, vetëm për 7 kontrata është thuajse sa 1/3 e vlerës së mbi 200 kontratave koncesionare aktualisht aktive në vend. Por, cilat shërbime do të jepen me koncesion vitin e ardhshëm? Bie në sy qysh në krye të herës, ai i kontrollit teknik të automjteve, ose i njohur ndryshe si kolaudimi. Ky koncesion i ri, i planifikuar për vitin 2022 mban titullin “Dhënia me koncesion/PPP e infrastrukturës së bazës së të dhënave dhe mbikqyrjes së qendrave të kontrollit teknik të mjeteve rrugore”. Pra, kemi të bejmë me një shërbim mbikqyrje, dhe jo me një koncesion që do të ofrojë shërbimin në vetvete, por që ka një vlerë kontrate mjaft të lartë, prej 20.2 miliardë lekësh, ose rreth 165 milionë euro. Pra, mesa duket, rreth 1 vit pas përfundimit të kontratës koncesionare me kompaninë SGS për kontrollin teknik të automjeteve, qeveria shqiptare ka vendosur t`ia kalojë pjesërisht privatit këtë shërbim.
Ky koncesion mban vlerën e dytë më të lartë mes koncesioneve të planifikuara për vitin e ardhshëm. Në vend të parë gjejmë një tjetër kontratë koncesionarer, atë për “Dhënien me koncesion të një segmenti rrugor Milot-Fier në Autostradën Adriatiko Joniane”. Kjo kontratë do të ketë një vlerë prej 178.2 mld lekësh, ose rreth 1.45 mld euro. Gara për ndërtimin e këtij segmenti rrugor është hapur rreth dy vite më parë, për të dështuar në fund të vitit 2020. Disa muaj më parë, Kryeministri Rama deklaroi se gara do të rihapet, dhe mesa duket qeveria planifikon ta bëjë diçka të tillë brenda vitit të ardhshëm, për të finalizuar më tej edhe marrëveshjen koncesionare.
Kontrata koncesionare me vlerën e tretë më të lartë, sipas planifikimit për vitin e ardhshëm është ajo për ndërtimin dhe mirëmbajtjen e “Triportit në Vlorë”, me një vlerë prej rreth 5.6 miliardë lekësh. Në vend të 4-tët ndërkohë ndjek një koncesion tjetër i planifikuar, por i paspecifikuar në detaj, dhe që i referohet “rritjes së sigurisë rrugore”, me një vlerë prej 5 miliardë lekësh, ose rreth 41 milionë euro.
Ndërtimi i Aeroportit të Sarandës gjithashtu është planifikuar si koncesion për vitin e ardhshëm, me një vlerë prej 4.3 mld lekësh. Në sy bie edhe koncesioni për “Përmirësimin e infrastrukturës rrugore dhe rekreative të blloqeve të banimit në disa lagje të qytetit të Elbasanit”, me vlerë 882 milionë lekë.
Koncesioni “Për ofrimin e shërbimit të infrastrukturës së çelësave publik PKI” është i fundit në listën e 7 koncesioneve të planifikuara për vitin e ardhshëm, sipas vlerës së kontratës, prej rreth 200 milionë lekësh. Ky shërbim i cili do të jepet me koncesion nga qeveria shqiptare vitin e ardhshëm i referohet sigurisë kibernetike.
Klikoni këtu për relacionin e projekt-buxhetit 2022
Sondazh
Pagat u rritën 5 herë më pak se në rajon, - Raporti i Institutit të Vienës për 2020-ën, rritja reale në vendin tonë, 0.8%. Në rajon, 4%
Pagat reale në Shqipëri gjatë 2020-ës, pra vitit të pandemisë, janë rritur me një normë prej 0.8%. Rritja reale e pagave mat rritjEn e pagave të zhveshur nga......
Shqipëri vs Gjermani, si ndryshojnë çmimet? Produktet e bulmetit dhe pijet alkoolike i paguajmë më shtrenjtë
Sipas të dhënave të Zyrës Gjermane të Statistiave (Destatis), niveli i çmimeve në Shqipëri është sa 53% e nivelit të çmimeve në Gjermani. Shifrat tregojnë se......
Çmimet u rritën më pak se në Europë, - Në Shqipëri, inflacioni në 2.6%, ndërsa në BE, 3.6%
Metodologjia e Eurostat sinjalizon një normë inflacioni në 2.6% gjatë muajit shtator të vitit 2021 në vendin tonë, ndërkohë që Istituti i Statistikave e......
Qeveria mori 150 mln euro të paplanifikuara! Vetëm nga të ardhurat tatimore deri në shtator, falë sigurimeve shoqërore dhe TVSH
Qeveria shqiptare ka mbledhur 5.8% më shumë të ardhura tatimore gjatë 9-mujorit të parë të vitit. Por si përkthehet kjo përqindje? Në 18.9 mld lekë, ose rreth......
Sa taksa i paguajmë shtetit? Mesatarisht, 86.5 euro çdo muaj, na kthehen mbrapsht vetëm 30 euro si investim
Taksat janë burimi kryesor i të ardhurave të një shteti, që shkojnë për mbarëvajtjen e administratës si dhe për shpenzime kapitale, pra investime. “Scan......
Industria fasone tejkalon krizën, -Eksportet afër rekordit historik në shtator, importet me rekord
Muaji shtator i vitit 2021 duket se paraqet të dhëna jo pak interesante sa i takon Tregtisë së Jashtme të mallrave. Gjatë këtij muaji, sipas të dhënave të......
Çmimet “mashtrojnë” tregtinë e jashtme, - Eksportet dhe importet rriten me mbi 30% gjatë shtatorit, por u nxitën nga inflacioni
Tregtia e jashtme vijon të zgjerohet me ritme të shpejta. Kështu, shifrat zyrtare të Institutit të Statistikave për shtatorin tregojnë se eksportet arritën......
Raporti i urisë, Shqipëria humbet një pozicion, - Indeksi 2021, renditet e fundit në rajon
Shqipëria bie me një pozicion nga viti i kaluar në Indeksin Global të Urisë të publikuar së fundmi. Ky ndryshim është i ndikuar nga pandemia, e cila ka bërë që......
