Kosovë/ Vendoset reciprociteti ndaj Serbisë, serbët bllokojnë rrugët në veri!
Pasi qeveria e Kosovës vendosi zbatimin e masave të reciprocitetit me Serbinë në qarkullimin e automjeteve, serbët në veri reaguan duke bllokuar rrugët.
Serbët lokal bllokuan rrugët në veri të Kosovës me kamion dhe mjete të tjera, duke e bërë ta pamundur qarkullimin në dy pikat kufitare Kosovë-Serbi, në Jarinjë dhe Bërnjak. Bllokadat pasojnë vendimin e qeverisë së Kosovës për vendosjen e reciprocitetit ndaj Serbisë në dokumentet e udhëtimit dhe targat e automjeteve. Këto vendime nxitën reagimin e ashpër të Beogradit zyrtar, që e akuzoi Prishtinën për vendime: "kundër qytetarëve serbë”. Kryeministri i Kosovës, Albin Kurti, tha se presidenti serb, Aleksandër Vuçiq dhe drejtori i Zyrës për Kosovën në qeverinë serbe, Petar Petkoviq, "janë përgjegjësit kryesorë për situatën në veri të Kosovës”.
Pas bllokadës së rrugëve në veri nga serbët lokal, Policia e Kosovës njoftoi se ka mbyllur pikëkalimet kufitare Jarinjë dhe Bërnjak për qarkullimin e udhëtarëve dhe automjeteve, për shkak të bllokadave të vendosura në rrugë dhe ka njoftuar qytetarët që të përdorin rrugë alternative. Menjëherë pas bllokimit të rrugëve në veri, kryeministri Kurti iu drejtua qytetarëve. "Ende pa filluar lëshimi ynë i dokumenteve të hyrje-daljeve në vendkalimet kufitare me Serbinë, strukturat ilegale serbe në veri filluan me bllokim rrugësh dhe të shtëna armësh. Atyre ju paraprinë deklaratat, takimet dhe mbledhjet e frikës dhe kërcënimit në Beograd dhe në Rashkë. Aty u planifikuan dhe u nxitën këto veprime agresive që po ndodhin sot”, shkroi kryeministri në një postim në Facebook.
Nga e hëna datë 01.08, qeveria e Kosovës vendos reciprocitet për Serbinë, ku të gjithë shtetasit e Serbisë që do të hyjnë në Kosovë, do të pajisen me një dokument të përkohshëm që do të zëvendësojë dokumentet e identifikimit personal. Që nga viti 2011 Serbia vepron në të njëjtën mënyrë me qytetarët e Kosovës. Po ashtu nga e hëna më 1 gusht, mbaron afati prej dy muajsh për të gjithë qytetarët e Kosovës që kanë makina me targa të lëshuara nga Serbia për t'i regjistruar ato me targat e Kosovës RKS. Që nga fillimi i tetorit të vitit të kaluar Kosova dhe Serbia zbatojnë një marrëveshje të përkohshme,sipas së cilës targave të makinave u vendosën fletë ngjitëse aty ku shihen simbolet shtetërore të të dyja palëve. Marrëveshja e përkohshme u arrit në fund të shtatorit 2021 pas disa ditë trazirash në veriun e Kosovës, ku grupe serbësh bllokuan rrugët për të kundërshtuar vendimin e qeverisë së Kosovës për vendosjen e reciprocitetit për përdorimin e targave. Ishte vendosur një afat gjashtë mujor për një marrëveshje përfundimtare rreth çështjes së targave dhe më 13 maj palët dështuan të pajtohen rreth saj.
Beogradi zyrtar edhe kësaj radhe kundërshtoi ashpër masat e reciprocitetit të vendosura nga Kosova dhe akuzoi Prishtinën për "veprime kundër qytetarëve serbë të Kosovës”. Presidenti i Serbisë Aleksandër Vuçiç, tha të dielën se "situata për popullin tonë në Kosovë është shumë e ndërlikuar”, ndërsa i luti shqiptarët, bashkësinë ndërkombëtare dhe serbët e Kosovës që të ruajnë paqen. "Nëse nuk duan të ruajnë paqen, unë po ju them se Serbia do të fitojë”, tha Vuҫiq në një konferencë me gazetarë në Beograd.
Nga ana tjetër, në Prishtinë kryeministri Albin Kurti mblodhi të dielën (31.07) Këshillin e Sigurisë Kombëtare, ku tema e vetme ishte diskutimi për zbatimin e vendimeve të qeverisë, ndërsa hodhi poshtë çdo mundësi për destabilizimin e situatës.
"Ne nuk do t'ua marrim dokumentet njerëzve që vijnë nga Serbia në Kosovë. Ne do t'ua shtojmë një fletë-deklarim. Pra, ata vijnë me dokumentet e lëshuara nga Serbia. Ne nuk ua marrim ato. Ne ua lëshojmë një fletë-deklarim sepse ka 11 vjet që Serbia vepron njësoj me çdo qytetar të republikës sonë kur e kalon kufirin dhe shkon në Serbi”, tha kryeministri Kurti gjatë një konference me gazetarë në Prishtinë. Që nga viti 2011 Kosova dhe Serbia kanë nënshkruar një marrëveshje mbi lëvizjen e lirë në bazë të së cilës dokumentet e të dyja palëve zëvendësohen me një fletë-deklarim të përkohshëm. Por, Beogradi zyrtar ngul këmbë se kjo marrëveshje nuk ka të bëjë me serbët, që jetojnë në katër komunat në veri të Kosovës. Drejtori i Zyrës për Kosovën në qeverinë e Serbisë, Petar Petkoviq, ka deklaruar se nëse Prishtina nuk tërhiqet nga dy vendimet e saj të fundit, atëherë zyrtarët serbë në Kosovë do të nisin formimin e Asociacionit të Komunave me shumicë serbe. Ky Asociacion kundërshtohet nga Prishtina zyrtare që kërkesën e Beogradit e cilëson si kërkesë për Asociaion njëetnik, gjë që nuk e lejon Kushtetuta e Kosovës. DW
E . S / SCAN
Sondazh
Si ka nisur ky muaj për valutat kryesore?!
Dollari amerikan e ka nisur këtë javë negativisht teksa ka regjistruar rënie në raport me javën që lamë pas duke u blerë sot me 113.4 lekë dhe duke u shitur me......
Kina sinjalizon se mund të humbasë objektivin e saj vjetor të rritjes ekonomike!
Kina ka sinjalizuar se mund të humbasë objektivin e saj vjetor të rritjes ekonomike, pasi kufizimet Covid rëndojnë mbi ekonominë e dytë më të madhe në botë. ......
Cila është situata aktuale e zjarreve në vend?!
Drejtori i Gatishmërisë dhe Përgjegjës ndaj Emergjencave pranë Agjencisë Kombëtare të Mbrojtjes Civile (AKMC), Robert Hysenllari informon mbi situatën e......
Si ky shtet aziatik po i kthen parkingjet shumëkatëshe në ferma bujqësore!
Eyleen Goh drejton një fermë nga kuverta e sipërme e një parkimi makinash në Singapor. Dhe ky nuk është një operacion i vogël - ajo furnizon shitësit me pakicë......
Gjermania ka krijuar një qelq-qeramike transparente që shkëlqen kur deformohet!
Shkencëtarët gjermanë kanë krijuar një qelq-qeramike transparente dhe të fortë që ndriçon nën stresin mekanik. Një material i tillë mund të bëhet bazë për......
10 automjetet SUV-të më të fuqishëm në botë – Një makinë elektrike zë vendin e parë
Në njërin skaj të spektrit, SUV-të ofronin aftësinë e pakrahasueshme për të shkuar larg edhe në rrugë jo të përshtatshme për të gjitha makinat. Nga ana tjetër,......
Vrimat të çuditshme zbulohen nga shkencëtarët në fund të Oqeanit Atlantik!
Shkencëtarët e hutuar vendosën të konsultohen me komunitetin e internetit për të zbuluar se çfarë ose kush, sipas mendimit të tyre, krijoi një seri vrimash......
Kina do të ndërtojë tunelin ujor më të madh në botë prej gati 9 miliardë dollarë!
Kina ka filluar punën për ndërtimin e kanalit ujor më të madh në botë që do të transportojë sasi masive uji nga Diga e Tre Grykave në Pekin, si pjesë e një......
