"Konsumoni produkte vendase!" - Çelet panairi "FOOD & FEST", festa më e madhe e biznesit shqipfolës
Ledina Elezi/SCAN
Është çelur panairi "FOOD & FEST" ku një numër i madh kompanish prodhuese dhe importuese nga Shqipëria, Kosova dhe Maqedonia e Veriut, po ekspozojnë dhe promovojnë produktet e tyre për konsumatorët. Festa më e madhe e biznesit shqipfolës që organizohet nga Dhoma e Tregtisë dhe Industrisë në bashkëpunim me Bashkinë Tiranë, pritet të zgjasë deri të dielën.
Zëvendësministri për Bujqësinë dhe Zhvillimin Rural, Dhimitër Kote, theksoi se në kushtet kur sektori bujqësor po rritet, deri në fund të vitit 2025 fermerët do të mbështeten nga skema direkte e investimeve në bujqësi.
"Vetë skema mbështetëse që është sivjet për investimet në bujqësi, është një skemë që shkon te këta fermerë me 15 mln euro për të mbështetur ata që ndërtojnë sera, me 50% grant, për të mbështetur ata që ndërtojnë rrjeta për të mbrojtur produktet bujqësore."
Nga ana tjetër, Kryetari i Aleancës së Biznesit në Kosovë, Agim Shahini, bëri thirrje që të konsumohen produktet vendase, sepse kjo është ndihma më e madhe që konsumatorët mund t’i japin bizneseve.
"Ekonomia kombëtare në Kosovë dhe Shqipëri vuan nga moskonsumimi i produkteve të brendshme, ndaj shfrytëzoj rastin këtu, të bëj thirrje që të gjithë konsumatorët kudo që janë dhe kudo që na dëgjojnë, të konsumojnë produkte kombëtare, 100% shqip."
Ndërkohë, Kryetari i Dhomës së Tregtisë dhe Industrisë në Tiranë, Nikolin Jaka, u ndal në rëndësinë që ka ky panair për të gjithë fermerët dhe bizneset që marrin pjesë.
"Te jenë të gatshëm që sot, jo vetëm të shesin produktet e tyre, por të mundësojnë edhe lidhjen e kontratave për të mundësuar eksportin e këtyre produkteve nga Shqipëria, për të bindur këta turistë, sepse turisti është ambasadori më i mirë."
Me qëllim mbështetjen e fermerëve, Bashkia Tiranë do të rrisë buxhetin e saj për bujqësinë u shpreh Nënkryetarja e Bashkisë Tiranë, Keti Luarasi.
"Këtë vit, në planet tona strategjike, bujqësia do të ketë një buxhet të shtuar. Po punojmë, kemi bërë gati për të prezantuar në Këshillin Bashkiak politikën e ushqimit në Tiranë."
Sipas saj, agroturizmi do të jetë një objektiv strategjik dhe një pikë shumë e rëndësishme në buxhetin e Bashkisë Tiranë.
Sondazh
Kredia studentore me risi - Të rinjtë nëpër fakultetet mund të aplikojnë nëpërmjet e-Albania
Hamit Yzeiraj/SCAN Të rinjtë që janë në ciklin universitar të cilët e shohin të nevojshme marrjen e një kredie studentore për të përmbushur shpenzimet......
Francë-Shqipëri, takimi i parë i Këshillit të Inovacionit/ Projekte strategjike për përgatitjen e Shqipërisë për anëtarësim në BE
Bashkëpunimi ndërqeveritar mes Shqipërisë e Francës ngjitet në një nivel të ri. Sipas një njoftimi të dalë nga ministria jonë e ekonomisë “Në zyrat e......
“Javën e ardhshme, negociatat për grup kapitullin e parë” - Lajmi konfirmohet nga kryeministri hungarez pas takimit me Edi Ramën
Ernilda Luzi/Scan Javën e ardhshme Shqipëria do të hapë negociatat për grup kapitullin e parë me Bashkimin Europian. Lajmi u konfirmua nga Kryeministri......
OSHEE, dy shërbime vetëm online - Nga 15 tetori, Malaj: Ja dokumentet që mund të merren pa shkuar në qendrat e klientit
Ola Mitre / SCAN Nga data 15 tetor vërtetimi i debive dhe aplikimi për lidhje të re të energjisë për fuqi të kërkuara deri në 20 kW, do të ofrohen......
Në “lupë” llogaritë e dyshimta jashtë vendit - Tatimet planifikojnë masa për të luftuar evazionin fiskal
Elisabeta Dosku/ SCAN Administrata tatimore do të fokusohet më shumë në i identifikimi e mosdeklarimit në lidhje me juridiksionet offshore të kompanive......
Cilat janë arsyet e udhëtimit të shqiptarëve? - RCC: Vetëm 10% e tyre, për biznes. 76% për qëllime turistike
Armela Duka/SCAN Të dhënat e publikuara nga Barometri i Ballkanit 2024 tregojnë se në nivel rajonal, udhëtimet për qëllime turistike mbeten kategoria......
Si do të mbrohet siguria e fëmijëve në TIK-TOK? - Nisma e re, aftësim digjital dhe më shumë ndërgjegjësim
Elisabeta Dosku/ SCAN Përmbajtjet që cenojnë sigurinë e fëmijëve në platforma online, siç eshtre TikTok do të jenë në qendër të një projekti të ri që......
Në 8 muaj regjistrohen 748 ankesa për Prokurimet Publike - Në gusht depozitohen 6.3 milionë lekë në buxhetin e shtetit
Diamila Leka/ Scan Në periudhën 8 mujore, pranë komisionit të Prokurimeve Publike janë paraqitur në total 748 ankesa nga operatorët ekonomikë. Sipas të......
