Individët dhe bizneset po shtojnë përdorimin e euros - Rreth 21% e familjeve deklarojnë të ardhura në valutë
Flukset shumë të larta të eurove në treg po bëjnë që familjet dhe bizneset shqiptare të rrisin përdorimin e monedhës së përbashkët europiane, pavarësisht se Shqipëria zbaton prej rreth 6 vitesh politikën e deeurozimit. Banka e Shqipërisë ka anketuar 1203 familje dhe 1,352 biznese për të kuptuar ç’peshë zë monedha e përbashkët europiane në aktivitetin e tyre, duke konkluduar se përdorimi i euros është rritur gjatë këtij viti nga individët ashtu edhe nga bizneset, veçanërisht kompanitë e mëdha.
Sipas Bankës së Shqipërisë, euroizimi i të ardhurave të familjeve vijon të mbetet i ulët, por me prirje rritëse. Kështu rreth 21% familjeve (220 familje nga 1055 familje të përgjigjura) deklarojnë se kanë të ardhura në valutë (kryesisht në euro) në raporte të ndryshme ndaj totalit të të ardhurave mujore. Kjo peshë ka mbetur e pandryshuar krahasuar me gjashtëmujorin e kaluar, por është rritur me 3.6 pikë përqindje krahasuar me një vit më parë.
Ndërkaq, euroizimi i veprimtarisë së ndërmarrjeve paraqitet përgjithësisht i ulët për të gjitha madhësitë e ndërmarrjeve, por vijon të ruajë një peshë më të lartë tek ato të mëdha. Kështu, rreth 13% e ndërmarrjeve të vogla dhe 18% e atyre të mesme deklarojnë se e kryejnë veprimtarinë plotësisht, ose kryesisht në valutë, duke shënuar rënie respektivisht me 1.1 pikë përqindje dhe 4.6 pikë përqindje krahasuar me periudhën e kaluar. Ky tregues është rreth 35% për ndërmarrjet e mëdha, në rritje me 1.5 pikë përqindje krahasuar me periudhën paraardhëse.
Huamarrja në valutë, kryesisht në euro, rezulton më e përdorur nga ndërmarrjet e mëdha dhe ato të mesme (përkatësisht 39% dhe 38%) dhe më pak nga ndërmarrjet e vogla (rreth 37.7%). Sidoqoftë, krahasuar me gjashtëmujorin e mëparshëm, pesha e ndërmarrjeve me hua në monedhë të huaj është rritur me 6 pikë përqindje për ndërmarrjet e vogla, por ka rënë për ndërmarrjet e mesme dhe ato të mëdha (përkatësisht me 2.7 pikë përqindje dhe 1.6 pikë përqindje).
Lorenc Rabeta/SCAN
Sondazh
Më shumë individë që përfitojnë pension familjar - Financohen nga buxheti i shtetit. Tirana mban peshën më të madhe
Numri i personave që përfitojnë pension familjar është rritur ndjeshëm në gjysmën e parë të vitit duke rënduar më shumë në buxhetin e shtetit. Sipas të dhënave......
Më pak lëvizje brenda vendit - Ranë me 18% në vitin 2022. Martesa i shpërngul femrat gati dy herë më shumë se meshkujt
Sipas të dhënave të publikuara nga INSTAT gjatë vitit 2022 kanë migruar gjithsej 34,844 individë nga të cilët 13,928 ishin meshkuj dhe 20,916 ishin femra.......
Inteligjenca artificiale do të sjellë globalizim të ri - Sektorë si mjekësia dhe shëndetësia do të forcohen më shumë
Rendi i gjërave përmes inteligjencës artificiale, i cili ka një ndikim të rëndësishëm si në hartën gjeopolitike ashtu edhe në globalizim, është gati të......
Mania për armët gjermane - Cilat vende po blejnë më shumë?
Këtë vit, prodhuesit gjermanë të armëve shënuan eksporte rekord, kryesisht për shkak të dërgesave në Ukrainë. Në tre tremujorët e parë, qeveria e Berlinit......
TAP do të rrisë kapacitetet e gazit - ERE miraton dokumentin. Edhe qeveria rrit presionin e lejuar
Enti Rregullator i Energjisë ka miratuar dokumentin, që i hap rrugë rritjes së kapacitetit të gazsjellësit Trans Adriatik. Ai është miratuar nga edhe nga enti......
Vendet europiane rrisin kufirin e shpejtësisë në autostradë - Italia dhe Çekia lejojnë deri në 150 km në orë
Dy vende europiane po shqyrtojnë rritjen e shpejtësisë maksimale të lejuar në autostrada dhe rrugët lidhëse. Çekia dhe Italia në fakt propozojnë rritjen e......
SHBA tërheq miliona airbag nga tregu - Po në Europë?
Autoritetet amerikane mund të tërheqin 52 milionë inflatorë airbagë-sh pas aksidenteve vdekjeprurëse. Jastëkët e ajrit po përdoren në miliona automjete nga 11......
Kombet e pasura premtojnë 8.8 miliardë euro për fondin global të klimës së OKB-së!
Çështja e mbështetjes financiare për kombet më të varfra do të luajë një rol të madh gjatë Konferencës së ardhshme të OKB-së për Ndryshimet Klimatike, COP28.......
