Ibrahimaj në takimin e OECD: Digjitalizimi i shërbimeve publike, minimizoi efektet negative të pandemisë
Ministrja e Financave dhe Ekonomisë, Delina Ibrahimaj, ka marr pjesë në konferencën e nivelit të lartë mbi Evropën Juglindore me temë “Zhvillimi i kapitalit njerëzor - Formimi i së ardhmes së bashku”, organizuar nga OECD, me mbështetjen e Bashkimit Europian, e cila u mbajt në Paris, Francë.
Ibrahimaj ishte pjesë e panelit me temë “Transformimi i Talenteve në Evropën Juglindore: Zhvillo Njeriun e sotëm për Kapitalin e së Nesërmes”, së bashku me zv.Ministren dhe Drejtoreshën e Përgjithshme për Zhvillimin e Bashkëpunimit dhe Ndihmën Humanitare në Ministrinë Federale për Europën dhe Punët e Jashtme të Austrisë, Désirée Schëeitzer; Ministrin e Zhvillimit Ekonomik dhe Turizmit të Malit të Zi, z. Goran Đurović; Sekretarin e Shtetit të Ministrisë së Ekonomisë të Serbisë, Dragan Stefanović; Zv.Ministren e Punëve të Jashtme të Bullgarisë, Velislava Petrova; dhe Sekretarin e Shtetit në Ministrinë e Punëve të Jashtme të Rumanisë, Cornel Feruță.
Diskutimet në këtë panel u përqendruan në sfidat dhe mundësitë e ndryshme të zhvillimeve teknologjike në ekonomitë e vendeve të Ballkanit Perëndimor dhe tregjet e tyre të punës, si dhe mbi nevojën për të prodhuar aftësi që përputhen me nevojat e tregut të punës.
Në fjalën e saj, Ministrja foli për dixhitalizimin e shërbimeve publike në Shqipëri dhe theksoi rëndësinë e hartimit të politikave, të cilat lejojnë shfrytëzimin e përfitimeve të revolucionit dixhital, në mënyrë që të maksimizohen përfitimet nga teknologjia e re dhe të minimizohen pengesat e pashmangshme afatshkurtra.
Ministrja Ibrahimaj tha se kriza e pandemisë COVID 19 përshpejtoi procesin e transformimit dixhital në vendin tonë, si në sektorin privat, ashtu edhe shërbimet e ofruara nga qeveria.
Ministrja bëri një prezantim të progresit të shënuar nga qeveria në reformën e dixhitalizimit dhe ndikimit të saj në fushat kryesore të vendit, ndërsa theksoi faktin se dixhitalizimi i shërbimeve qeveritare nisi më herët që nga janari 2020, ku të gjitha aplikimet për shërbime publike ishin të disponueshme online përmes portalit “e-albania”.
Vetëm Ministria e Financave dhe Ekonomisë ofron gjithsej 474 shërbime online.
Ministrja Ibrahimaj informoi se që nga data 1 maj 2022, 95% e shërbimeve publike dhe kërkesave nga të gjithë qytetarët dhe aplikacionet e biznesit janë të disponueshme vetëm online me nënshkrim elektronik dhe të monitoruara në kohë reale.
Në total, janë 2.5 milionë qytetarë dhe biznese të regjistruara, të cilat marrin shërbime ditore, ku mesatarisht brenda një dite pune shërbehen rreth 2000 qytetarë dhe ofrohen rreth 50000 shërbime.
Ministrja Ibrahimaj deklaroi se ambicia e Qeverisë është që brenda vitit 2023 procesi i punës brenda administratës të kalojë pa letër, përmes një sistemi të centralizuar.
Ministrja theksoi se Pandemia COVID 19 imponoi sfida të rëndësishme në zhvillimin dhe zbatimin e politikave qeveritare.
Në mbyllje të fjalës së saj, Ministrja tha se qeveria është e përkushtuar të vazhdojë me progresin në proceset e dixhitalizimit, duke besuar se kjo rrit standardet e jetesës së qytetarëve dhe e vendos Shqipërinë në hartë, së bashku me vendet dhe ekonomitë e zhvilluara, duke qënë një hap më afër në rrugën drejt integrimit europian.
SCAN
Sondazh
Rregulli i ri i vizave: Aplikimet për Shengen do të bëhen dixhitale për miliona udhëtarë!
Procesi i gjatë i vizave Shengen është vendosur të kalojë plotësisht online në vitet e ardhshme. Sistemi i ri dixhital i propozuar nga Komisioni Europian javën......
Rritet çmimi i naftës në bursa - BE, ende në përpjekje për të ndaluar importin nga Rusia
Çmimi i naftës ka arritur pikën më të lartë, si pasojë dhe nxitja e vazhdueshme e Bashkimit Europian për të ndaluar importin nga Rusia e që do shkaktonte......
Reforma, harta e re e ujësjellësve - Do krijohen 15 kompani/ Tirana “merr” Vorën dhe Kamzën. Çmimet e ujit do unifikohen
Pas miratimit në qeveri, të vendimit që parashikon riorganizimin e shoqërive të ujësjellës-kanalizimeve, është zbardhur harta që përcakton sesi do të jetë......
Kush preket nga sistemi i ri i taksimit? - Ndryshimet ligjore, Lera: Filtra për të vetëpunësuarit në furnizimin e shërbimeve
Një pjesë e mirë e të vetëpunësuarve në profesione kryesisht të lira do të taksohen mbi të ardhurat njësoj si të punësuarit e tjerë, ndërsa deri më tani......
Buxheti, në ditë “të arta” - 4 mujori/ Çmimet e rritura “furnizojnë” arkën, 285 milionë euro më shumë
Ky vit po ecën me ritme pozitive për buxhetin e shtetit, i cili ka “përfituar” ndjeshëm nga rritja e çmimeve, duke bërë që të jetë në periudhën “më të artë” të......
Çmimet “fryjnë” tregtinë e jashtme me gati 1 miliardë euro - Defiçiti prek shifra rekord!
Rritja e çmimeve në nivel global vijon të “fryjë” shifrat e tregtisë së jashtme. Të dhënat zyrtare nga Instituti i Statistikave për muajin prill të këtij viti......
Shitjet e shtëpive në Turqi rriten me 38.8% në prill - Rusët janë blerësit e huaj kryesorë!
Shitjet e shtëpive në Turqi u rritën 38.8% në prill të vitit në 133,058 shtëpi, treguan të martën të dhënat nga Instituti i Statistikave Turke, me më shumë se......
SHBA aleatëve: Fonde për Ukrainën. Washingtoni kërkon më shumë mbështetje financiare për Kievin
Sekretarja amerikane e Thesarit Xhenet Jellen i bëri apel aleatëve të Shteteve të Bashkuara të Amerikës që të shtojnë ndihmën financiare për Ukrainën, duke......
