Gusht, “bum” i kredisë për pasuri të paluajtshme - Nga 430 milionë lekë në korrik, arriti 2.9 miliardë lekë në gusht
Pas një rënie të vazhdueshme në pjesën e parë të vitit, kredia për blerje pasurish të paluajtshme ka shënuar një bum në kuptimin e plotë të fjalës në muajin gusht. Nga 430 milionë lekë, apo rreth 4 milionë euro në muajin korrik, kredia për sektorin e pasurive të paluajtëshme ka kërcyer në gusht në 2.9 miliardë lekë, apo afërisht 28 milionë euro.
Të dhënat vijnë përmes Bankës së Shqipërisë, e cila ka rifreskuar të dhënat mbi flukset mujore të kredimarrjes së koorporatave financiare private për 8 muajt e parë të vitit. Ndërkaq, rritja e sektorit të pasurive të paluajtëshme ka ndikuar në përmirësimin e kredisë për gjithë sektorin privat. Në total, kredia e re për këtë sektor rezulton në 21.5 miliardë lekë në muajin gusht, rreth 6 miliardë lekë më shumë se në korrik, por duke lënë pas edhe qershorin, i cili ishte një tjetër muaj me fulse të larta kreditimi në nivelin 20 miliardë lekë.
Grupi “Tregtia me shumicë dhe me pakicë; Riparimi i automjeteve dhe motoçikletave” është një tjetër që ka shënuar flukse të larta kreditimi. Ky grup është kredituar nga sistemi bankar me një total prej 10 miliardë lekësh në gusht, me rritje të dukshme nga korriku, kur flukset e huasë së re ishin përkatësisht 6.1 dhe 6.5 miliardë lekë. Në rritje për gushtin është edhe kredia e re për grupin Transporti dhe magazinimi, me flukset që janë rritur në 1.1 miliardë lekë nga 447.7 miliardë në korrik. Ky sektor kishte shënuar një rritje të fortë të kreditiin në muajin qershor, në nivelin 2.7 miliardë lekë.
Ndërkaq, sektori me rënien më të dukshme është ai i ndërtimit, kompanitë e të cilit janë kredituar nga sistemi bankar me një total prej 1.9 miliardë lekësh, nga 2.4 miliardë në muajin korrik. Për tre muajt e mëparshën, fukset e kredisë së re për këtë sektor qëndruan mbi nivelin e 3 miliardë lekëve.
Rënie të dukshme të flukseve ka shënuar edhe sektori i industrisë përpunuese, kredia e re për të cilin nga mbi 2 miliardë lekë në korrik, ka zbritur në 1,3 miliardë në gusht.
Lorenc Rabeta/SCAN
Sondazh
Tatimet nxjerrin buxhetin me rekord suficiti - 48 mld lekë në 8-mujor. Kompensohet humbja e doganave
Buxheti i shtetit ka rritur arkëtimet me 12.9 për qind përgjatë periudhës Janar-Gusht 2023, ku të ardhurat janë regjistruar në 425 miliardë lekë. Referuar......
Gjermania po përpiqet të rikthehet në rolin e motorit ekonomik të BE-së por PBB-ja e saj po vijon tkurrjen!
Një parashikim i ri pret që prodhimi i përgjithshëm ekonomik gjerman të tkurret këtë vit, kryesisht për shkak të një rikuperimi më të ngadaltë se sa pritej në......
Sektori i energjisë diellore me 200 mijë punëtor të rinj në 2022 – Synohet të arrijë në 1.2 milion deri në vitin 2027
Fuqia punëtore në sektorin e prodhimit të energjisë diellore në Bashkimin Evropian u rrit me pothuajse 200,000 njerëz në vitin 2022, në 648,000. Kjo përkthehet......
Sondazhi: Nju Jorku mbetet qendra kryesore financiare në botë, Londra mbetet në vendin e dytë!
Nju Jorku ka mbetur lehtësisht qendra më e mirë financiare në botë me Londrën ende të dytën dhe duke fituar pak terren, por gjithashtu përballet me një luftë......
Eksporti i vajit të ullirit drejt Italisë – Denaj: Rreth 5200 ton kanë shkuar në 8 muaj krahasuar me 60 litra një vit më parë
Nëpërmjet një njoftimi të publikuar në faqen zyrtare, Ministrja e Bujqësisë dhe Zhvillimit Rural, Anila Denaj ka bërë me dije se Shqipëria ka eksportuar rreth......
Kontinenti i tetë i zhdukur për 375 vjet më në fund është evidentuar totalisht në hartë!
Kontinenti i ri është 94 % nën ujë, me vetëm një grusht ishujsh, të ngjashëm me Zelandën e Re. Pas gati 375 vjetësh, gjeoshkencëtarët zbuluan një kontinent që......
Pse prodhuesit e automjeteve elektrike si Tesla mund të bien nën hetimin BE-së për subvencionet kineze?!
Markat jo-kineze të makinave elektrike, të tilla si Tesla dhe BMW, mund të shqyrtohen si pjesë e një hetimi të vazhdueshëm për subvencionet e Kinës që Bashkimi......
Çmimet e naftës rriten në nivelin më të lartë në më shumë se një vit!
Çmimet e naftës u rritën në nivelin e tyre më të lartë në më shumë se një vit gjatë orëve të tregtimit aziatik, pasi stoqet e naftës së papërpunuar në një......
