Europa Postuar më 25 Mars 2024, 09:50

Franca ngre alarmin për terror në nivelin më të lartë!

Nga SCAN TV
Franca ngre alarmin për terror në nivelin më të lartë!

Qeveria franceze po ngre në nivelin më të lartë paralajmërimin e alarmit për terrorizëm pas të shtënave në Moskë, tha të dielën kryeministri Gabriel Attal pas një takimi me zyrtarë të lartë të sigurisë dhe mbrojtjes me presidentin Emmanuel Macron.

Attal tha në një postim në X se vendimi, i cili vjen disa muaj përpara se Parisi të presë Lojërat Olimpike, u mor "në dritën e marrjes së përgjegjësisë nga Shteti Islamik për sulmin (në Moskë) dhe kërcënimet që rëndojnë mbi vendin tonë".

Sistemi i alarmit për terror në Francë ka tre nivele dhe niveli më i lartë aktivizohet në vazhdën e një sulmi në Francë ose jashtë saj ose kur një kërcënim i njërit konsiderohet të jetë i pashmangshëm.

Ai lejon masa të jashtëzakonshme sigurie, siç janë patrullimet e shtuara nga forcat e armatosura në vende publike si stacionet e trenave, aeroportet dhe objektet fetare.

Edel Strazimiri / SCAN

Sondazh

Poll
Shqipëria 25 Mars

Si ka nisur kjo javë për valutat kryesore?

Monedha europiane duket se vijon rënien e saj edhe këtë fillim jave duke u blerë sot me 102.6 lekë dhe duke u shitur me 103.4 lekë në raport me javën që lamë......

Live TV

Të fundit
Të gjitha lajmet

Më të vizituarat