FMN: Ulet rritja globale, por shmanget recesioni - Viti 2023 do të shënojë një rritje deri në 2.8%
Viti 2023 do të shoqërohet nga një rritje globale deri në 2.8% duke bërë të mundur shmangien e recesionit sidomos në rajonet kryesore ekonomike. Është ky parashikimi i Fondit Monetar Ndërkombëtar që konfirmoi reduktimin e perspektivave të ekonomisë botërore për shkak të inflacionit të lartë
Fondi monetar ndërkombëtar rivlerësoi në rënie parashikimet për rritjen gjatë 2023-shit, por pret që rajonet kryesore ekonomike të shmangin recesionin. Perspektivat e ekonomisë botërore për këtë vit janë pakësuar për shkak të inflacionit të lartë, rritjen e normave të interesit dhe pasigurive që vijnë nga falimentimi i dy bankave të mëdha amerikane. Këto janë dhe arsyet kryesore sipas FMN-së.
Instituti parashikon aktualisht një rritje globale prej 2.8%, në rënie të lehtë në krahasim me parashikimin e janarit – minus 0.1 pikë përqindjeje; dhe me 3% në vitin 2024. Përmirësohen ndjeshëm nga ana tjetër parashikimet për sa i përket Shteteve të Bashkuara të Amerikës, ku ekonomia pritet të shënojë një rritje prej 1.6% gjatë këtij viti, dhe 1.1 % në vitin 2024.
FMN pranoi se mundësia e një "uljeje të vështirë", në të cilën rritja e normave të interesit dobëson rritjen, mjaftueshëm për të shkaktuar një recesion, ishte "rritur ndjeshëm", veçanërisht në vendet më të pasura të botës.
FMN, një organizatë prej 190 vendeve huadhënëse, parashikon inflacion global prej 7% këtë vit, nga 8.7% në 2022, por në rritje nga parashikimi i janarit prej 6.6% për vitin 2023.
Fondi parashikon një shans 25% që rritja globale të bjerë nën 2% në 2023. Kjo ka ndodhur vetëm pesë herë që nga viti 1970, më së fundi kur Covid-19 prishi tregtinë globale në 2020. Ai gjithashtu parashikon një shans 15% për një "të madh skenar negativ", i shoqëruar shpesh me një recesion global, në të cilin prodhimi ekonomik global për person do të binte.
Për 20 vendet që përdorin euron, FMN pret një rritje të dobët prej 0.8%. Por edhe kjo shënon një përmirësim të lehtë krahasuar me parashikimin e janarit. Megjithëse Europa ka vuajtur nga ndërprerja e gazit natyror rus gjatë kohës së luftës, klima çuditërisht e ngrohtë ka reduktuar kërkesën për energji. Përveç kësaj, vende të tjera, përfshirë Shtetet e Bashkuara të Amerikës, kanë qenë më të shpejtë se sa pritej në furnizimin me gaz natyror në Europë për të zëvendësuar atë rus.
Kina, ekonomia e dytë më e madhe në botë, pritet të rritet me 5.2% këtë vit, e pandryshuar nga parashikimi i janarit i FMN-së. Kina po rimëkëmbet pas përfundimit të një politike drakoniane zero-COVID që i kishte mbajtur njerëzit në shtëpi dhe frenonte aktivitetin ekonomik.
Në Mbretërinë e Bashkuar, ku inflacioni dyshifror po shtrëngon buxhetet e familjeve, ekonomia pritet të tkurret me 0.3% këtë vit. Por edhe ky është një përmirësim i rënies prej 0.6% që FMN kishte parashikuar për Britaninë në janar.
Dorina Kurtaj / SCAN
Sondazh
Bitcoin është një vit larg një ngjarjeje të madhe teknike - Historia sugjeron fillimin e një “fundi" ciklik!
Bitcoin është gati një vit larg një ngjarjeje teknike kyçe e cila mund të jetë katalizator për një rritje të zgjatur të vlerës së kriptomonedhës. Në prill ose......
Sanduiçi më i shtrenjtë në botë: Kushton 214 dollarë dhe është i mbuluar me ar!
Disa Rekorde Botërore Guinness kërkojnë vetëm: shumë djathë, shumë gjalpë dhe pak ar. Që nga viti 2014, Serendipity3 i Nju Jorkut ka shpallur Rekordin Botëror......
Gjoba nga 10-60 mijë euro për vandalizëm të monumenteve dhe artit!
Italia ka njoftuar se do të nxisë një ligj që vendos gjoba me pesë shifra ndaj vandalëve që dëmtojnë monumentet ose objektet e tjera kulturore, për të ndihmuar......
Bursat europiane, të qëndrueshme - Tregjet presin inflacionin në SHBA dhe fitimet e korporatave
Tregjet europiane janë hapur në rritje të lehtë në sesionin e sotëm, ndërsa e gjithë vëmendja është fokusuar te raporti mbi inflacionin në SHBA, që do të......
Nafta, e qëndrueshme pranë 85 USD - FMN parashikon ngadalësim të ekonomisë globale në terma afatmesëm
Nafta po tregtohet e qëndrueshme edhe në sesionin e sotëm, pasi investitorët po presin të dhënat mbi inflacionin në SHBA, që do të publikohen më vonë gjatë......
Dollari zgjeron humbjet - Investitorët presin të dhënat mbi inflacionin në SHBA
Dollari amerikan po qëndron në rënie të lehtë edhe në sesionin e sotëm, përballë monedhave kryesore ndërkombëtare, pasi investitorët po presin të dhënat mbi......
Escobar në Tiranë, në fokus zgjedhjet lokale të majit!
Gabriel Escobar, Zëvendës Ndihmës Sekretari amerikan i shtetit për Çështjet Europiane dhe i Dërguari i Posaçëm për Ballkanin Perëndimor, vijon të mërkurën......
Ndryshon drejtimi i kursit këmbimit, dobësohet Dollari amerikan ndërsa valutat e tjera rikuperojnë pikë!
Dollari amerikan ndryshe nga fillimi i javës ka humbur pikë këtë mëngjes teksa është blerë këtë të mërkurë me 103 lekë dhe është shitur me 104 lekë sipas......
