Reziston paraja fizike, rriten veprimet në arkë - BSH: 694 miliardë lekë cash qarkulluan në sportelet fizike në vetëm tre muaj
Pavarësisht zhvillimit të shërbimeve digjitale bankare, sportelet fizike të bankave vijojnë të mbeten një pikë e rëndësishme për kryerjen e transaksioneve në Shqipëri. Të dhënat për tremujorin e tretë të vitit 2025 tregojnë se përdorimi i parasë cash në arkë mbetet i lartë, si nga bizneset ashtu edhe nga individët.
Transaksionet në arkë njohin rritje të ndjeshme në tremujorin e tretë të vitit 2025, të nxitura kryesisht nga aktiviteti i bizneseve, ndërsa individët vijojnë të ruajnë një volum të lartë veprimesh, por me vlera më të moderuara.
Sipas të dhënave, në periudhën korrik–shtator janë realizuar mbi 1.8 milionë transaksione cash, me një vlerë totale prej rreth 694 miliardë lekësh. Nga këto, bizneset përbëjnë rreth 49% të numrit të transaksioneve, por mbajnë mbi 65% të vlerës totale, që tregon se qarkullimi më i madh i parasë fizike vijon të realizohet nga aktivitetet ekonomike dhe tregtare.
Në veçanti, bizneset kanë kryer rreth 883 mijë transaksione në arkë, me një vlerë prej 453 miliardë lekësh, duke shënuar një rritje tremujore prej mbi 12% në vlerë krahasuar me tremujorin e dytë. Rritja pasqyron shtim të qarkullimit, sidomos në muajt e verës, të ndikuar nga sezoni turistik dhe konsumi.
Brenda transaksioneve të bizneseve, depozitimet cash zënë rreth 71% të vlerës, ndërsa tërheqjet rreth 29%, duke sinjalizuar flukse të forta hyrëse në sistemin bankar.
Nga ana tjetër, individët kanë realizuar mbi 933 mijë transaksione, me një vlerë rreth 241 miliardë lekë. Në terma vlerash, rritja krahasuar me tremujorin e dytë është më e moderuar, rreth 1%, që tregon stabilitet të përdorimit të parasë fizike, por pa zgjerim të ndjeshëm.
Edhe për individët, depozitimet dominojnë, duke përbërë afro 58% të vlerës, ndërsa tërheqjet rreth 42%.
Në tërësi, të dhënat e tremujorit të tretë tregojnë se cash-i mbetet mjet i rëndësishëm në ekonomi, me peshë më të madhe në vlerë te bizneset dhe me frekuencë të lartë përdorimi te individët. Shifrat konfirmojnë se, pavarësisht kalimit gradual drejt pagesave elektronike, arka bankare mbetet një kanal kryesor për qarkullimin e parasë, veçanërisht për depozitimet dhe tërheqjet cash, si për bizneset ashtu edhe për qytetarët.
Sigurimet, shqiptarët paguajnë vetëm kur detyrohen - AMF: Motoriku dhe jeta e debitorit, dominojnë. Zero kontrata për 9 lloje produktesh të tjera
Kur vjen çështja te sigurimet, shqiptarët vijojnë të paguajnë vetëm për ato që janë të detyrueshme, me sigurimin MTPL të brendshme që mban një rekord.......
Reforma kadastrale, “kyç” për investimet e huaja - Reduktohen kostot e transaksioneve dhe nxit interesin e investitorëve
Reforma që synon rritjen e transparencës dhe eficiencës së shërbimeve kadastrale, vlerësohet si një ndër më kryesoret për përmirësimin e klimës së biznesit......
Kryeadministratorja e AAPSK: Ripërdorimi social i pasurive të konfiskuara, instrument kundër pabarazive dhe diskriminimit
Kryeadministratorja e Agjencisë për Administrimin e Pasurive të Sekuestruara dhe Konfiskuara (AAPSK), Risena Xhaja, mbajti sot fjalën përshëndetëse në......
Dekarbonizimi i sektorit energjetik - Raporti i Komunitetit të Energjisë: Progresi në masën 60%
Komuniteti i Energjisë ka publikuar raportin vjetor të zbatimit për vitin 2025, ku vlerëson progresin e Shqipërisë në procesin e dekarbonizimit të sektorit......
Shqipëria ka 3.8 autobusë për 1,000 banorë/ Vendi kryeson rajonin dhe renditet ndër shtetet me raportin më të lartë në Europë
Transporti publik është një nga faktorët më të rëndësishëm për mbarëvajtjen e qyteteve, sidomos në qytetet e mëdha ku ka një fluks të lartë qytetarësh dhe......
Zvicra, “optimiste” për vitin 2026 - Ulja e tarifave amerikane përmirëson perspektivën ekonomike
Qeveria zvicerane ka përmirësuar parashikimin për rritjen ekonomike në vitin 2026. Kjo vjen pas marrëveshjes me Shtetet e Bashkuara për uljen e tarifave të......
Punësimi në sektorin e energjisë, dyfishi i normës globale - Industria punësoi 76 milionë njerëz vitin e kaluar, me 2.2% rritje
Një raport i ri nga Agjencia Ndërkombëtare e Energjisë (IEA) tregon se në vitin 2024, ritmi i rritjes së punësimit në sektorin e energjisë ishte dy herë më i......
Transformim urban në Radhimë - Investim 102 mln lekë për rrugë, hapësira publike dhe viewpoint-e panoramike
Fondi Shqiptar i Zhvillimit ka shpallur hapjen e garës për transformimin urban në hapësira publike kryesore për rigjenerim urban të fshatit Radhimë, Vlorë.......
