Bizneset digjitale, detyrim për raportim - Direktiva e BE/ Sistemi i bëhet funksional në vitin 2027
Administrata Tatimore ka përmbyllur fazën paraprake të harmonizimit të legjislacionit për zbatimin e Direktivës DAC7, një akt i rëndësishëm i Bashkimit Evropian që synon rritjen e transparencës fiskale në ekonominë digjitale. Kjo direktivë vendos detyrime të reja raportimi për platformat digjitale lidhur me të ardhurat që realizojnë individët dhe bizneset përmes tyre.
Por ccfarë është Direktiva DAC7? Direktiva DAC7 (Directive on Administrative Cooperation 7) është pjesë e paketës së Bashkimit Evropian për bashkëpunimin administrativ në fushën e tatimeve. Ajo detyron platformat digjitale si tregjet online, platformat e shërbimeve, aplikacionet e qiradhënies apo ato të shitjes së produkteve, të mbledhin dhe të raportojnë pranë autoriteteve tatimore informacion mbi shitësit dhe të ardhurat që ata gjenerojnë përmes platformës.
Qëllimi kryesor i DAC7 është të sigurojë që të ardhurat e krijuara në ekonominë digjitale të tatohen në mënyrë të drejtë, duke shmangur evazionin fiskal dhe duke reduktuar informalitetin.
Çfarë ndryshon për platformat dhe shitësit? Me zbatimin e DAC7, platformat digjitale do të kenë detyrimin të: identifikojnë shitësit aktivë në platformë; mbledhin të dhëna mbi transaksionet dhe të ardhurat e realizuara; raportojnë këto informacione periodikisht pranë Administratës Tatimore.
Këto të dhëna do t’u shërbejnë autoriteteve tatimore për të verifikuar përputhjen e deklarimeve tatimore dhe për të garantuar barazi fiskale mes subjekteve që operojnë në tregun tradicional dhe atij digjital.
Sipas Administratës Tatimore, objektivi është që harmonizimi i plotë ligjor të përfundojë deri në vitin 2026, ndërsa sistemi i raportimit të jetë funksional jo më vonë se viti 2027. Ky proces përbën një hap të rëndësishëm në përafrimin e administrimit tatimor shqiptar me standardet e Bashkimit Evropian dhe në modernizimin e kontrollit fiskal.
Zbatimi i Direktivës DAC7 pritet të rrisë transparencën, të garantojë konkurrencë të ndershme dhe të forcojë besimin në ekonominë digjitale, duke kontribuar njëkohësisht në zgjerimin e bazës tatimore dhe në formalizimin e aktivitetit ekonomik online.
Grekët, “të mbingarkuar” me punë - Një në pesë persona punon mbi 47 orë në javë
Të dhënat e Autoritetit Statistik Grek (ELSTAT) nga Anketa e Forcës Punëtore për tremujorin e tretë të vitit tregojnë se puna për më shumë se një punëdhënës......
3,4 miliardë lekë për Shkodrën - Buxheti 2026, Beci: 80% më shumë investime dhe shërbime
3,4 miliardë lekë do të jetë buxheti i Bashkisë Shkodër për vitin 2026. Me 30 vota pro, 12 kundër dhe 1 abstenim, Këshilli i Bashkisë Shkodër miratoi......
Subjektet nën lupën e Inspektoratit të Punës - Qindra kontrolle, evidentohen dhjetëra shkelje gjatë muajit nëntor
Gjatë muajit nëntor, Inspektorati Shtetëror i Punës ka intensifikuar kontrollet në tregun e punës, me qëllim garantimin e respektimit të legjislacionit dhe......
Çmimi për prodhuesit e energjisë - Vendimi për vitin 2026, shteti do ua blejë me 10 lekë/kWh
Energjia elektrike e prodhuar nga prodhuesit me përparësi do të blihet nga shteti me çmimin 10 lekë /kWh edhe gjatë vitit 2026. Enti Rregullator i Energjisë......
Trump pezullon lotarinë amerikane DV1 - Vendimi, pas sulmit me armë në Universitetin Brown
Presidenti amerikan Donald Trump ka vendosur të pezullojë skemën e lotarisë së Kartës së Gjelbër, pas të shtënës masive në Universitetin Brown, ku humbën......
9 kompani farmaceutike ulin çmimet në SHBA - Kompanitë do të përjashtohen nga tarifat e vendosura nga Trump
Disa nga prodhuesit më të mëdhenj farmaceutikë me bazë në SHBA dhe në Europë nënshkruan një marrëveshje me Presidentin Donald Trump, për ti shitur......
Ajri i ndotur në Shkup - Tejkalohet pragu kritik në disa zona, autoritetet njoftojnë masa
Ministria e Mjedisit Jetësor dhe Planifikimit Hapësinor ka njoftuar se në disa pika matëse në Shkup është tejkaluar gjatë dy ditëve radhazi pragu kritik për......
Risi në tregun e punës, çfarë do të ndryshojë nga 1 Janari? - Portal online që bashkon ofertat publike dhe private për aplikim të thjeshtë
Qeveria ka vendosur që të gjitha vendet e lira të punës në administratën publike të publikohen edhe në portalin online të Agjencisë Kombëtare të Punësimit......
