Ekonomia shqiptare, e varur nga konsumatori familjar/ Kontribuon me 80% në PBB, norma e tretë më e lartë në Europë, mesatarja globale në 63%
Të dhënat më të fundit nga Instituti i Statistikave në lidhje me Prodhimin e Brendshëm Bruto të vendit tonë gjatë 2020-ës, vitit të pandemisë, japin një panoramë të qartë edhe të strukturës së ekonomisë, sipas metodës së shpenzimeve. Kështu, të dhënat tregojnë se, konsumi i familjeve është padiskutim “lokomotiva” e ekonomisë sonë, me një kontribut në Prodhimin e Brendshëm Bruto prej gati 80%, dhe në rritje të lehtë gjatë vitit të pandemisë, krahasuar me vitin pararendës, paçka se në total, shpenzimet e familjeve shqiptare kanë rënë me rreth 223 milionë euro. Mesatarja globale e peshës së konsumit të familjeve në ekonomi fiksohet pranë rreth 63% për vitin 2020. Me konsumin e familjeve që kontribuon me rreth 80% në ekonominë e vendit, Shqipëria është jo vetëm ndër vendet e para në botë në këtë drejtim, por edhe e 3-ta në Europë pas Moldavisë dhe Malit të Zi, gjithashtu pranë rreth 80%. Disa prej ekonomive më të zhvilluara të botës, të paktën në nivel mirëqenie për frymë, këtë normë e kanë nën 50%, dhe 5 shtetet me peshën më të ulët pranë rreth 23%-33% janë: Singapori, Luksemburgu, Katari, Irlanda dhe Brunei. Varësia e lartë e ekonomisë shqiptare ndaj konsumit të familjeve tregon ekspozimin ndaj krizave të konsumit. Situata ku ndodhet ekonomia globale sot, dhe ajo shqiptare sinjalizon rënie të konsumit si pasojë e rritjes së çmimeve, çka do të ketë padiskutim impakt në rritjen ekonomike të vendit.
Vendin e dytë në strukturën e PBB-së sipas shpenzimeve e mban Formimi Bruto i Kapitalit Fiks, me një peshë në 22.75%. Ky indikator në terma më të thjeshtuar i referohet investimeve të sektorit privat, pra diferencës mes aseteve të reja që kanë për qëllim rritjen e kapacitetit prodhues dhe aseteve të shitura. Ashtu si me rastin e konsumit të familjeve, edhe ky indikator ka rënë gjatë 2020-ës në terma absolutë, me rreth 3.5 mld lekë, por nga ana tjetër ka rritur kontributin në prodhimin ekonomik të vendit, duke u ngjitur nga 22.31% në 22.75%.
Në vend të tretë ndërkohë, sa i përket kontributit në Prodhimin e Brendshëm Bruto renditet konsumi i administratës publike, me 11.87%. Ajo që bie në sy nga shifrat është kontrbuti negativ që japin eksportet. Diferenca mes eksporteve dhe importeve në vendin tonë në një vit i heq ekonomisë rreth 14.54%. Gjatë 2020-ës, ky kontribut negativ është thelluar edhe më tej, duke i`u afruar shifrave të vitit 2017, kur eksportet neto kishin një kontribut negativ prej -15.05%. Që prej vitit 2012, ky indikator kishte regjistruar një rënie graduale dhe progresive, thuaje çdo vit, dhe pandemia duket se na ka rikthyer disa vite pas.
Sondazh
Sa vlen tregu i vezëve në Shqipëri? 28 mln euro xhiro vjetore dhe vetëm 370 mijë euro fitime, analiza e 20 kompanive
Aktiviteti i kompanive të cilat operojnë me rritjen e pulave dhe prodhimin e vezëve kohët e fundit po përballet me rrezikun që vjen nga gripi i shpendëve. Ky......
“Fatura” e luftës në Shqipëri, 0.4% e PBB-së/ BERZH ul projeksionet për rritjen ekonomike, Shqipëria më pak e zhvlerësuara në rajon
Banka Europiane për Rindërtim dhe Zhvillim është e para ndër institucionet ndërkombëtare që ka përditësuar projeksionet sa i përket rritjes ekonomike që prej......
Universiteti, tendenca drejt "zanateve"/ Mjekësia, inxhinieria, informatika, biznesi, me rritjen më të lartë të regjistrimeve, socialet me rënie
Të dhënat e Institutit të Statistikave tregojnë se në vitin akademik 2021-22 kanë vazhduar studimet në të gjithë programet e arsimit të lartë 123,880 studentë.......
Familjet shqiptare, 223 mln euro më pak konsum/ Impakti i pandemisë, konsumi ra mesatarisht me 242 euro në vit për familje gjatë 2020-ës
Viti i pandemisë, ai 2020, i ka hequr familjeve shqiptare rreth 27 miliardë lekë në formë konsumi. Të dhënat më të fundit nga Instituti i Statistikave në......
Energjia elektrike, rekord kreditimi/ Shkurti, 6 herë më e lartë se mesatarja historike, kredia e re për sektorin
Të dhënat më të fundit nga Banka e Shqipërisë në lidhje me kreditimin sipas aktiviteteve tregojnë se disa prej tyre kanë prekur rekorde. Kështu, shifrat e......
Shqiptarët, ata që kursejnë më shumë në rajon?! Banka Qendrore e Austrisë: Rreth 30% e shqiptarëve kursejnë rregullisht mbi 300 euro në muaj
“Scan Intelligence Unit” ka analizuar të dhënat e raportit të Bankës Qëndrore të Austrisë, i cili ka në fokus kryesor integrimin ekonomik të Europës. Ky raport......
Çmimi i arit “fryn” rezervën e Shqipërisë/ Rezerva e Bankës së Shqipërisë “kapërcën” për herë të parë nivelin e 5 mld euro
Rezerva Ndërkombëtare e Bankës së Shqipërisë ka prekur një rekord të ri historik gjatë muajit shkurt të këtij viti, duke “thyer” për herë të parë nivelin e 5......
Pandemia ndryshon strukturën e ekonomisë/ “Real estate” i zë vendin industrisë përpunuese. Administrata publike, industrisë gjithsej
Tashmë, me publikimin më të fundit të Institutit të Statistikave në lidhje me vlerësimin paraprak të Prodhimit të Brendshëm Bruto gjatë vitit 2020, kemi një......
