Çmimet e larta rrisin investimet në ullishte - Prodhuesit spanjollë të vajit të ullirit joshin kapitalin privat
Firmat me kapital privat po kthejnë vëmendjen e tyre tek fermat e ullirit në Spanjë dhe Portugali, vende që përdorin teknika të reja bujqësore për të rritur prodhimin, pasi shohin fitime të mëdha në një kohë që çmimet janë dyfishuar që nga fillimi i 2023.
Menaxheri i fondit spanjoll “Beka Finance” ka lançuar fondin e parë me partnerin industrial portugez Bolschare për të investuar në kultivimin super intensiv të ullinjve dhe bajameve. I inkurajuar nga bastet e saj për çmime më të larta, “Beka” pret kthime deri në 20% nga fondi i ri, krahasuar me 11% fillestare gjatë 10 viteve që u ofroi investitorëve. Sipas drejtorit menaxhues të “Beka Finance”, Fernando de la Vega, ka gjithnjë e më shumë interes për të investuar në këtë sektor, pasi një fermë e mirëmenaxhuar është biznes i mirë. Ai pret që çmimet e vajit të ullirit të mbeten mbi parashikimet fillestare të fondit.
Investimet po bëhen për të krijuar ullishte moderne, superintensive në një vend ku shumica e fermave ende kultivohen nga prodhues të vegjël që korrin me dorë dhe punojnë kolektivisht për të prodhuar vaj ulliri ekstra të virgjër.
Në Spanjë, çmimi i vajit të ullirit ekstra të virgjër është dyfishuar që nga fillimi i vitit, duke arritur në 8.20 euro për litër në shtator, pasi prodhimi është përgjysmuar, kryesisht për shkak të thatësirës.
Në disa supermarkete spanjolle, 1 litër është shitur për më shumë se 10 euro që nga gushti. Ndërsa konsumi në Spanjë dhe Itali ka rënë për shkak të çmimeve më të larta, kërkesa në Shtetet e Bashkuara të Amerikës mbetet e fortë, sipas deklaratës së prodhuesit kryesor në botë të vajit të ullirit, Deoleo.
Fondi Iberik i Agrobiznesit “Beka & Bolschare” i bazoi parashikimet e tij fillestare në një çmim mesatar historik për vajin e ullirit në Spanjë prej 2.70 euro për litër.
Spanja, prodhuesi më i madh në botë i vajit të ullirit dhe përcaktuesi i çmimeve, mbështetet kryesisht tek reshjet dhe jo nga vaditja për të ujitur ullinjtë e saj. Thatësira e vazhdueshme do të gjenerojë një korrje të ngjashme në vitin 2024, sipas vlerësimeve të disa prodhuesve të vajit të ullirit në Spanjë.
Parashikimi më konservator i “Beka Finance” është se çmimet e vajit të ullirit do të jenë mbi 7 euro për litër deri në fund të vitit, edhe nëse reshjet përmirësohen. Në të gjithë skenarët e tij, çmimet vitin e ardhshëm do të jenë mbi 5 euro për kilogram.
Fondi kanadez “Fiera Comox”, i specializuar në bujqësi, ra dakord për një marrëveshje blerjeje aksionesh me “Cibus Capital” për të blerë prodhuesin spanjoll të vajit të ullirit Innoliva këtë muaj. Sipas kompanisë “Innoliva”, fondet e kapitalit privat janë të interesuar për ullishte moderne që përdorin teknologjinë për të rritur ullinj me densitet super të lartë.
“Innoliva” zotëron rreth 8 mijë hektarë terren në Spanjë dhe Portugali, duke përdorur teknika që e lejojnë atë të mbjellë 2 mijë pemë të vogla për hektar, krahasuar me më pak se 200 pemë në plantacionet tradicionale. Kompania gjithashtu mbështetet në sistemet inteligjente të ujitjes dhe vjeljen mekanike të ullinjve për të qenë më produktiv dhe efikas. Fondi “Beka” ka investuar edhe në 1200 hektarë ullishte në Portugali, ku ka siguruar ujitje nga një rezervuar artificial.
Dorina Kurtaj / SCAN
Sondazh
Google mbush 25 vjeç! - “E keqja e domosdoshme” e teknologjisë së përditshmërisë
Përdorimi i algoritmeve nga gjigandi i motorëve të kërkimit Google për të fuqizuar motorin e tij të kërkimit, rezultoi të ishte një transformim në industri......
Guajana, ekonomia me rritjen më të shpejtë në botë! - Deri në vitin 2028 rritja mund të kalojë pragun 100%
Ekonomia me rritje më të shpejtë në botë mund të jetë në rrugën e duhur për t'u zgjeruar me më shumë se 100% deri në vitin 2028, e nxitur kryesisht nga fitimet......
SHBA padit kompaninë Amazon - “Abuzime me pozicionin e saj dominues në treg”
Komisioni Federal i Tregtisë dhe prokurorët e përgjithshëm të 17 shteteve amerikane kanë paditur Amazon, duke e akuzuar gjigantin e tregtisë elektronike për......
"Superkontinenti" mund ta bëjë mbi 90% të Tokës të pabanueshme
Studimi i ri zbulon se një 'goditje e trefishtë' e CO2, diellit dhe një mega-kontinenti i ri mund ta bëjë Tokën të pabanueshme. Njerëzit mund të zhduken nga......
Kroaci: Cila është ana negative e bumit të turizmit?
Kroacia është një destinacion turistik mjaft i kërkuar. Industria e turizmit e këtij vendi të Evropës Juglindore pritet që këtë vit t'i tejkalojë shifrat e......
Gjermania do të braktisë rregullat e rrepta të ndërtimit!
Qeveria gjermane miratoi të hënën një plan prej 14 pikash për të trajtuar krizën e strehimit në vend. Marrëveshja erdhi në ditën e një takimi vendimtar midis......
Rikuperon ndjeshëm Dollari amerikan ndërsa Paundi dhe Franga humbasin pikë!
Dollari amerikan ka rikuperuar pikë ndjeshëm këtë mëngjes teksa është blerë sot në krahasim me dje me 100 lekë dhe është shitur me 101 lekë sipas kursit të......
RISIA E FUNDIT E KREDO.AL: KLUBI KREDO, KURSIME DHE PËRFITIME!
Në fushën e mikrofinancave, ku fuqia për të ndryshuar jetë varet nga aksesimi në shuma të vogla të kapitalit, Kredo.al dallohet si një dritare e inovacionit......
