Cilat qarqe kanë më shumë biznesmenë? Fieri, Berati dhe Gjirokastra! Lezha, Kukësi dhe Dibra, në fund të tabelës
“Scan Intelligence Unit” ka analizuar dhe përpunuar të dhënat e Institutit të Statistikave për të kuptuar se sa është raporti i sipërmarrësve me popullsinë. Duke qenë se ekonomia e tregut në vendin tonë është e bazuar më së shumti në sipërmarrje të vogla, kryesisht familjare, atëherë edhe këtë analizë e kemi bërë në bazë të familjeve. Pra, sa familje kanë një biznes? Në rang kombëtar, rezulton se për çdo 100 familje, 21 të tilla kanë një biznes, pra 21%. Në këtë analizë ne kemi renditur edhe qarqet sipas atyre me më shumë biznesmenë, dhe atyre me më pak biznesmenë. Në vend të parë, me më shumë familje sipërmarrëse mesatarisht, rezulton të jetë qarku i Fierit, me rreth 29 të tilla për 100 familje. Në vend të dytë ndërkohë ndjek qarku i Beratit, me rreth 26 familje biznesmene ndër 100, pra rreth ¼-tën. Gjirokastra ndërkohë mban vendin e tretë, me rreth 24% të totalit. Renditja vijon me Korçën dhe Tiranën, pranë 23.5% dhe 22.6% respektivisht. Tre vendet e fundit në renditje ndërkohë, mbahen nga Lezha, Kukësi dhe Dibra, respektivisht me nga 16%, 12% dhe 10% familje në qark mesatarisht që kanë një biznes.
Në rast se këtë raport do ta bënim për banor, atëherë do të vinim re një ndryshim në tabelë, pasi vendin e parë do ta rrëmbente Gjirokastra, me rreth 8.2 sipërmarrës për 100 banorë, ndjekur nga Fieri dhe Berati, me 8.1 dhe 7.9 biznesmen për 100 banorë respektivisht. Durrësi, Kukësi dhe Dibra ndërkohë mbajnë tre vendet e fundit, me 4.3, 2.8 dhe 2.6 sipërmarrës për 100 banorë respektivisht. Vëmë re se në të dyja rastet, Durrësi është ndër vendet e fundit, paçka se bëhet fjalë për një prej qarqeve më të mëdha në vend dhe të dytin pas Tiranës sa i përket zhvillimit ekonomik në shumë indikatorë. Mesatarja kombëtare ndërkohë fiksohet në 5.8 sipërmarrës për 100 banorë.
Shifrat e përpunuara nga “Scan Intelligence Unit”, sa i përket popullsisë sipas qarqeve, anëtarëve për familje, apo bizneseve sipas qarqeve i referohen vitit 2020, si viti i fundit me të dhëna të përditësuara për të gjithë indikatorët e marrë në vlerësim. Raporti i sipërmarrjeve për familje apo individ ndërkohë i referohet vetëm një mesatare, që shërben si referencë për të kuptuar se në cilat qarqe ka më shumë frymë sipërmarrje dhe në cilat më pak. Në total, në të gjithë Shqipërinë, për vitin 2020 numërohen rreth 166 mijë biznese. Në të dyja rastet, si sa i përket bizneseve për individ, ashtu edhe atyre për familje, vëmë re një ndarje thuajse si me thikë të jugut me veriun e vendit.
Sondazh
Kërkesat për azil me rënie edhe në nëntor/ Pavarësisht tendencës, vijojmë të kryesojmë rajonin me numrin më të lartë
Të dhënat nga "Agjencia për Azil e Bashkimit Europian" (EUAA), tregojnë se edhe muaji nëntor, ashtu si tetori, vijon me rënie të numrit të aplikimeve për azil......
Buka, nga është e varur Shqipëria? Importi i drithërave zë 35% të kërkesës, çmimet u rritën me 21% vjet, Rusi-Ukrainë zënë gjysmën
Konflikti mes Ukrainës dhe Rusisë ka nxitur një rritje të ndjeshme të çmimit të drithërave në nivel global, që mund të theksohet edhe më tej nëse ky konfilkt......
Turizmi vendas, ku shkojnë shqiptarët? Në Vlorë dhe Durrës për pushime, në Tiranë, Korçë dhe Gjirokastër për biznes
Vjetari Rajonal, përpos shumë treguesve të rëndësishëm statistikorë të ekonomisë shqiptare ka gjithashtu dhe të dhëna mbi turizmin. “Scan Intelligence Unit” ka......
Energjia e rinovueshme, 45% e totalit/ Eurostat: Shqipëria e para në rajon, vetëm transporti zhgënjen
Publikimi më i fundit i “Agjencisë Europiane të Statistikave” mbi statistikat e energjisë së rinovueshme, tregon se energjia që vjen nga burimet e rinovueshme......
Instituti i Vienës për ekonominë shqiptare/ Projeksionet, më optimiste se ato të BB. Ekonomia u rrit me 8.2% vjet, do rritet me 4.2% këtë vit
Instituti i Vienës për Studime Ekonomike Ndërkombëtare ka publikuar projeksionet më të fundit për vendet e Europës qendrore, lindore dhe juglindore, mes të......
Transporti, ende larg parakrizës/ Pasagjerët në rënie krahasuar me 2019-ën, por rriten mallrat
Të dhënat e INSTAT përmes publikimit “Statistikat e Transportit”, bëjnë me dije se në Dhjetor të vitit 2021, numri i fluturimeve të kryera është 2.408, duke u......
Pandemia rriti kriminalitetit e të miturve/ Zënë 8% të totalit të autorëve, nga 3.1% në 2019-ën, Tirana e para, me një normë në 14%
Kriminaliteti i të miturve është padiskutim një prej fenomeneve më shqetësuese në një shoqëri. Shifrat më të fundit nga Instituti i Statistikave në lidhje me......
Turizmit i munguan 2.47 mln vizitorë/ Krahasimi i 2021-shit me 2019-ën, vetëm hyrjet nga Kosova në rritje
Numri i shtetasve të huaj që kanë hyrë në Shqipëri gjatë vitit të kaluar fiksohet në 5.69 milionë, nga 2.66 milionë që ishte gjatë vitit pararendës, në......
