“Boom-i” i turizmit, sa u rritën qiratë? - Kërkesa të shumta nga turistët për apartamentet ditore
Çmimet e apartamenteve me qira kanë regjistruar rritje të konsiderueshme, sidomos gjatë vitit të kaluar. Referuar Indeksit të Cmimeve të Konsumit të INSTAT, Gushti i vitit të shkuar shënoi një rritje të menjëhershme të qirave me 2.5% krahasuar me korrikun dhe pati një nivel gradual rritjeje deri në dhjetor të 2023. Konkretisht, në muajin gusht, shtator dhe tetor, cmimet e qirave u rritën me 3.9% krahasuar me të njëjtët muaj të vitit 2022.
Rritja më e madhe vlerësohet të ketë qenë në dhjetor të vitit të shkuar me 4.9%, vlerë e cila pësoi një rënie të lehtë prej 0.5% në muajt e parë të 2024. Në tremujorin e parë të këtij viti, qiratë janë rritur me 4.4% krahasuar me vlerat e një viti më parë. Ndërsa në 2023, rritja varionte rreth 2.4% llogaritur me tremujorin e 2022-it.
Duke parë tendencën e viteve të shkuara, parashikohet që gjatë sezonit turistik veror të 2024-ës cmimet e qirave të arrijnë kulmin. Kjo pritet të ndodhë për arsye të numrit të lartë të turistëve që rezervojnë apartamente në platformat online si Airbnb.
Si rezultat i fluksit të vizitorëve të huaj, gjatë sezoneve turistike është rritur kërkesa për apartamente me qira ditore dhe është ulur ajo për qira afatgjatë.
Ndërkohë, një ligj i ri sjell ndryshime të rëndësishme për sektorin dhe ndër të tjera synon t’i japë zgjidhje informalitetit të lartë, ku ka një mospërputhje të theksuar midis numrit të turistëve dhe deklarimeve që bëhen nga strukturat akomoduese.
Pritet krijimi i një regjistri të ri, pjesë e të cilit do të jenë dhomat e thjeshta private, apartamentet moderne, shtëpitë tradicionale, bujtinat e vilat që do përdoren në funksion të turizmit.
Çdo sipërmarrës që ushtron veprimtarinë si strukturë akomoduese duhet të regjistrohet në QKB dhe më pas të kërkojë certifikatë kategorizimi në Ministrinë e Turizmit. Nga ana tjetër, parashikohet rëndim i gjobave për të gjithë subjektet abuzuese. Konkretisht, kur subjektet hoteliere ushtrojnë aktivitetin pa certifikatë kategorizimi dënimi financiar me gjobë shkon nga 20 000 deri në 400 000 lekë.
Ledina Elezi/SCAN
Sondazh
Cili vend është shtëpia e njerëzve që pinë më shumë në Europë? – Si pozicionet Shqipëria?
“Asnjë nivel i konsumit të alkoolit nuk është i sigurt për shëndetin tonë”, paralajmëron Organizata Botërore e Shëndetësisë (OBSH). Megjithatë, sasia e......
Rritja e arit vazhdon ndërsa tensionet gjeopolitike në Lindjen e Mesme intensifikohen!
Çmimet e arit arritën një rekord të ri në 2,338.7 dollarë (2,179.6 €) për ons të enjten, të nxitur nga tensionet në rritje në Lindjen e Mesme. Kjo është......
Tregu i përbashkët energjetik Shqipëri-Kosovë - Masat/ Ankande në “hije”, në rast se bashkimi i tregjeve nuk prodhon rezultate
Teksa 1 shkurti i këtij viti shënoi bashkimin e tregjeve të energjisë mes Shqipërisë dhe Kosovës, operatorët e sistemit të transmetimit të 2 vendeve kanë......
Rritet pabarazia në vendet huadhënëse të FMN-së - FMN dhe BB, prioritet luftën kundër pabarazisë, por mbështesin politika të kundërta
Pabarazia në të ardhura është e lartë, ose zgjerohet në më shumë se 60% të vendeve që aktualisht janë të përfshira në programet e mbështetjes ose ndihmës së......
Qendrat e emigrantëve, jo më parë se 10 nëntori - La Repubblica: Ishin parashikuar të hapeshin më 20 maj. Kosto, mbi 1 mld euro
Fillimet e punimeve në 23 mars, dorëzimi pritet pas 233 ditësh, pra më 10 nëntor. Gjithshka bëhet me dije në vendimin e Ministrisë italiane të Mbrojtjes që u......
Java nis negativisht për valutat kryesore – Dollari amerikan rikuperon pikë!
Dollari amerikan e ka nisur këtë javë pozitivisht duke rikuperuar pikë gjatë fundjavës teksa është blerë sot me 94.6 lekë dhe është shitur me 95.5 lekë sipas......
Robotika po krijon vende të reja pune - Vitet e fundit u hapën më shumë se 700 specialitete duke përdorur teknologjinë
Shqetësimet se robotët dhe inteligjenca artificiale po kërcënojnë punët e njerëzve po trajtohen nga një drejtues i lartë i Amazon. Sipas ekspertëve, rolet e......
Përshkallëzimi i situatës mes Iranit dhe Izraelit - Pritet një super rritje e çmimeve të naftës
Çmimet e naftës mund të rriten në 100 dollarë për fuçi dhe më shumë, pasi Irani ndërmori një sulm ajror kundër Izraelit duke rindezur frikën për një luftë......
