Biznesi, pesimist për ecurinë e aktivitetit - Konsumatorët, më optimistët. Por, frenojnë niveli i çmimeve dhe papunësia
Sipërmarrja e sheh me pesimizëm ecurinë e aktivitetit në sektorë të tillë si industria, ndërtimi, tregtia dhe shërbimet. Ndërsa, konsumatorët shprehen më optimistë, por frenohen në vlerësimin e tyre për shkak të nivelit të çmimeve dhe të papunësisë. Këto janë gjetjet e Bankës së Shqipërisë, në publikimin e fundit “Vrojtimi i Besimit të Biznesit dhe të Konsumatorit” për muajin tetor.
Gjatë këtij muaji, treguesi i përgjithshëm i ndjesisë ekonomike shënoi nivelin 110.9, duke qëndruar në të njëjtën vlerë si në muajin shtator dhe 10.9 pikë mbi mesataren afatgjatë.
Treguesi i besimit të industrisë regjistroi rënien më të madhe në tetor me 3.7 pikë përqindjeje, i ndikuar nga vlerësimet pesimiste për prodhimin aktual dhe për kontratat porositëse. Pritjet e bizneseve për çmimet në këtë sektor janë në rënie, ndërkohë që ato për prodhimin dhe punësimin janë në rritje.
Treguesi i besimit në ndërtim ra me 1.9 pikë përqindjeje, i përcaktuar nga vlerësimet më pak optimiste për aktivitetin aktual ndërtues, ashtu edhe për nivelin e porosive aktuale. Pritjet për punësimin janë në rritje dhe ato për çmimet në të ardhmen janë në rënie.
Treguesi i besimit në shërbime ra me 1 pikë përqindje, pasi të dy komponentët përbërës të treguesit, ecuria aktuale e aktivitetit dhe kërkesa aktuale, regjistruan rënie të lehtë. Pritjet e bizneseve për çmimet në të ardhmen janë në rënie.
Treguesi i besimit në tregti u tkurr me 2.2 pikë përqindje, i ndikuar kryesisht nga vlerësimet për ecuri aktuale më të dobët të biznesit. Në të kundërt, bizneset e aktivitetit të tregtisë presin një rritje të porosive dhe të ecurisë së biznesit në të ardhmen e afërt. Pritjet për çmimet në të ardhmen janë vlerësuar në rënie.
Ndërkaq, i vetmi treguesi me optimizëm është ai i besimit konsumator, që u rrit me 2.8 pikë përqindjeje në muajin tetor. Treguesi u përcaktua nga pritjet më optimiste për situatën financiare dhe blerjet në shuma të mëdha aktuale dhe për të ardhmen. Por, pritjet për nivelin e përgjithshëm të çmimeve dhe për nivelin e papunësisë në të ardhmen janë rishikuar për poshtë.
Dorian Koça/SCAN
Ngec ekonomia e Italisë - Por inflacioni në vend ngadalësohet ndjeshëm
Pavarësisht se ekonomia konsiderohet në ngecje, inflacioni në Itali konsiderohet se është ngadalësuar ndjeshëm. Vendi po has vështirësi në përmbushjen e......
Grekët shpenzojnë 40 miliardë euro më shumë se sa deklarojnë - Guvernatori i Bankës Qendrore: “Ekonomia gri” përbën 20.9% të PBB
Guvernatori i Bankës së Greqisë, Yannis Stournaras, deklaroi se grekët shpenzojnë 40 miliardë euro më shumë sesa deklarojnë si të ardhura. Ky ndryshim pasqyron......
Cila është fjala më e përdorur në botë për vitin 2023 sipas leksikografëve të Collins Dictionary?!
Fjala e Vitit pasqyron preokupimet e kohës... Shkurtesa e inteligjencës artificiale (AI) është emëruar fjala e vitit Collins për vitin 2023. Leksikografët në......
Rimëkëmbja ekonomike, FMN vlerëson Serbinë: “Duhet të vazhdohet me reformat e energjisë”!
Ekonomia serbe po rimëkëmbet mjaftueshëm mirë nga goditjet energjetike të vitit të kaluar, pavarësisht nga presionet nga një mjedis i pafavorshëm global dhe......
Brukseli hap kutinë e Pandorës me një kërkesë shtesë prej 100 miliardë eurosh!
Brukseli hap kutinë e Pandorës me një kërkesë shtesë prej 100 miliardë eurosh! Buxheti i përbashkët i Bashkimit Europian është për rishikim. Por shtetet......
Pushime pa problemin e vizave: Cilat vende mund të vizitojnë europianët më gjatë?
Europianët janë me fat që mbajnë disa nga pasaportat më të fuqishme në botë. Dhjetëra vende nga Brazili në Japoni kanë nënshkruar marrëveshje për heqjen e......
Rikuperojnë ndjeshëm valutat kryesore vetëm monedha europiane nuk luhatet!
Dollari amerikan ka rikuperuar ndjeshëm pikë nga zbritja që pësoi ditën e djeshme duke u blerë sot me 99.4 lekë dhe duke u shitur me 100.3 lekë sipas kursit të......
Rrugët, hekurudhat, portet dhe energjia! Cilat janë projektet ekzistuese dhe të reja që do të financojë buxheti i shtetit në 2024
Buxheti i vitit të ardhshëm për infrastrukturën dhe energjinë parashikon vijimin e mbështetjes financiare për projektet ekzistuese madhore si dhe çeljen e......
