Bizneset, vështirësi për deklarimin e qirave - Shtyhet afati deri më 20 Nëntor, përmirësohet sistemi i deklarimit
Elisabeta Dosku/ SCAN
Drejtoria e Përgjithshme e Tatimeve ka shtyrë afatin e dorëzimit të të dhënave të pronësisë dhe kontratës së qirasë për vendushtrimin e aktivitetit ekonomik të bizneseve që operojnë në vend.
Ndërsa afati i vendosur fillimisht ishte data 20 tetor, për shkak të paqartësive dhe vështirësive që kanë pasur subjektet për të përmbushur këtë detyrim, e reflektuar në pyetje dhe kërkesa ndaj administratës tatimore, është vendosur shtyrja e afatit të për deklarimin në e-Filing edhe më një muaj.
Administrata Tatimore bën gjithashtu me dije se gjatë këtyre ditëve do të vijojë punën për përmirësimin e modulit për ta bërë më të thjeshtë deklarimin për tatimpaguesit, ndërkohë që ata vetë do të duhet të përditësojnë informacionin e kërkuar.
Depozitimi apo përditësimi i këtyre të dhënave, nga llogaria personale ne e-filing, duhet të plotësohet nga çdo tatimpagues, pra nga çdo NIPT, si për adresën kryesore ashtu edhe për ato sekondare. Tatimpaguesit duhet të dorëzojnë dokumentacionin përkatës që e vërteton deklarimin siç është dokumenti i pronësisë, kontrata e qirasë etj.
Ky informacion shërben për përllogaritjen e saktë të Tatimit në Burim si dhe për krijimin e mundësisë për parambushjen e Deklaratës së të ardhurave personale, për individët subjekt deklarimi.
Por nga ana tjetër është edhe një metodë e tërthortë për të futur në sistem taksimi ato apartamente që janë dhënë me qira për njësi biznesi por nuk janë deklaruar të tilla nga pronarët e tyre, me qëllim shmangien e tatimit mbi qiratë, i cili është në nivelin 15 %.
Duke qenë se tashmë bizneset do të jenë të detyruara të bëjnë këtë deklarim dhe do të duhet të kenë kontrata të rregullta me pronarët e këtyre njësive, automatikisht ato do të përfshihen në sistemin tatimor.
Qeveria parashikon që të ardhurat nga tatimi mbi qiratë të kenë një rritje progresive nga viti në vit, ku nga 487 milionë lekë të projektuara në vitin 2024, të kapërcejnë në 1 miliardë lekë në 2025, për të arritur në 1.5 miliardë lekë në 2027-ën.
Sipas ligjit në fuqi, mosdhënia i këtij informacioni konsiderohet kundërvajtje administrative.
Sondazh
Cilët europianë jetojnë më gjatë me prindërit e tyre?
Edel Strazimiri / SCAN Të rriturit e BE-së largohen nga shtëpia e prindërve mesatarisht në moshën 26 vjeç, sipas vlerësimeve të......
Këto janë kompanitë më të mira për të punuar në Europë për vitin 2024! - Çfarë i dallon ato nga të tjerat?
Edel Strazimiri / SCAN Kur bëhet fjalë për punën profesionale, Europa njihet për një nga qasjet më të favorshme globalisht. Vendet europiane renditen......
A do të zgjedhë Banka Qendrore Europiane për një ulje të madhe të normës në dhjetor?!
Edel Strazimiri / SCAN Pjesëmarrësit e tregut kanë rritur pritshmëritë e tyre që Banka Qendrore Europiane (BQE) do të ndërmarrë një hap të rëndësishëm......
SHBA, më e varur nga lëndët djegëse fosile se Kina - Uashingtoni gjeneroi 62% të energjisë me këto burime në 4 muajt e fundit
Kristi Ceta/SCAN Sipërmarrjet në Shtetet e Bashkuara janë mbështetur në lëndët djegëse fosile për të gjeneruar një pjesë më të madhe të energjisë......
Si është mbyllur kjo javë për valutat kryesore?!
SCAN Dollari amerikan e ka mbyllur javën në të kuqë pasi ka shënuar zbritje këtë të premte duke u blerë sot me 90.5 lekë dhe duke u shitur me 91.5 lekë......
Plani i Gjermansë për të forcuar ekonominë - Synohet krijimi i një fondi për të nxitur investimet publike dhe private
Kristi Ceta/ SCAN Ministri gjerman i Ekonomisë Robert Habeck paraqiti planet për të korrigjuar rritjen e dobët në ekonominë më të madhe të Evropës duke......
Energjia globale e erës, drejt një rekordi të ri - Prodhimi mund të arrijë 10% të totalit botëror në dy muajt e fundit të vitit
Kristi Ceta/SCAN Prodhimi global i energjisë elektrike nga era mund të vendosë një rekord të ri në vitin 2024, pasi dimri fillon në të gjithë hemisferën......
Informaliteti i Pagave, “armiku i pensioneve" - Inspektorati i Punës: Identifikohet rritje me 29% e punëmarrësve informalë
Ernilda Luzi/ Scan Qeveria ka nisur një aksion kundër infomalitetit, që synon deklarimin real të pagave dhe shëndoshjen e skemës së pensioneve. Pa......
