Bien normat e interesit të kredive - Edhe për individët, edhe për biznesin, në lekë dhe në euro
Të dhënat e fundit nga Banka e Shqipërisë tregojnë për një rënie të normave mesatare të interesit për kredi të reja për të gjitha afatet e maturimit, duke përfshirë si biznesin ashtu edhe individët.
Për muajin dhjetor norma mesatare e interesit për të gjitha afatet e maturimit, u ul në 6.93%, ndërkohë që në muajin nëntor kjo normë prekte vlerat 7.59%. Duke përjashtur normën mesatare të interesit me afat maturimi deri në 6 muaj dhe ato me afat maturimi 1-3 vjet, vihet re një rënie e normave mesatare të interesit për të gjitha afatet e maturimit, si për individët ashtu edhe për biznesin.
Njësoj si norma mesatare në lekë që ka pësuar rënie, edhe valuta në euro llogaritet në rënie për muajin dhjetor. Sipas shifrave zyrtare të Bankës së Shqipërisë, norma mesatare e interesit për kreditë e reja në euro arriti në vlerat e 4.77%, duke pësuar një rënie me 0.21 pikë përqindje. Rënie të konsiderueshme të normave të interesit shihen në ato me afat maturim 6 muaj-1 vit dhe 1-3 vjet, përkatësisht me 0.26 pikë përqindje për ato me afat maturimi 6 muaj deri në 1 vit, 1.35 pikë përqindje për ato me afat maturimi 1-3 vjet.
Nëse ndalemi tek norma mesatare e interesit të huave të reja mujore të korporatave jofinanciare private vihet re që ka pësuar një rënie në 6.79% nga 7.27% që fiksohej në nëntor. E njëjta gjë ka ndodhur edhe për normën mesatare të interesit në valutën euro, ku në dhjetor kjo normë u ul në 5.25%, nga 5.39% që ishte një muaj më parë.
E njëjta situatë vlerësohet edhe për normën e interesit të huave të reja në lekë dhe euro për individët. Për muajin dhjetor norma e interesit në lekë fiksohet në 7.25%, krahasuar me një muaj më parë ka pësuar rënie me 0.61 pikë përqindje. Ndërsa norma e interesit të huave të reja në euro u ul në 3.2%, ku në muajin nëntor kjo normë prekte vlerat 3.56%.
Këto të dhëna duken një sinjal i mirë për kreditimin, që mbetet një ndër shtyllat kryesore të mbështetjes për ekonomitë, si familjare ashtu edhe të biznesit, dhe vijnë pas muajsh me radhë në rritje, rrjedhojë e politikave shtrënguese monetare të Bankës së Shqipërisë.
Ilda Methasani / SCAN
Sondazh
Çfarë ndikimi ka rritja e pagave tek investitorët e huaj? - Kompanitë mund ta konsiderojnë Shqipërinë si vend me krahun e shtrenjtë të punës
Ndonëse biznesi nuk përfiton nga rritja e shpeshtë e nivelit të pagës minimale në një afat kohor të shkurtër, një tjetër rrezik që mund të egizstojë është dhe......
Investitorët, apel bankave europiane - “Mos financoni më naftën dhe gazin”
Bankat europiane aktualisht po rrezikojnë rrugën drejt reduktimit të emetimeve të karbonit dhe rritjen e energjisë së rinovueshme nëse nuk ndalojnë financimin......
Firmat kineze të teknologjisë zgjedhin CHatGPT - Gjithnjë e më shumë kompani punojnë me këtë stil
Zhurma globale rreth chatbot-it të Microsoft ChatGPT është përhapur dhe në Kinë, duke rritur stoqet në firmat e lidhura me inteligjencën artificiale dhe duke......
Hiqen kritere penalizuese për bursat në arsimin profesional - Projektvendimi/ Nxënësit do të përfitojnë edhe kur prindërit kanë biznes
Qeveria shqiptare do të heqë kriteret penalizuese për dhënien e bursave për nxënësit e arsimit profesional. Së shpejti pritet të ketë ndryshime në vendimin......
Ulet çmimi i naftës në SHBA - Sanksionet perëndimore ndaj Moskës nisin të japin efekt
Çmimet e naftës në Shtetet e Bashkuara të Amerikës kanë rënë këtë muaj dhe mund të bien dhe më shumë në të ardhmen, sipas analistëve. Kjo rënie e papritur......
Raporti i SolarPower Europe – 2022, viti kur filloi vërtet epoka diellore
Vetëm historia do ta tregojë, por ka të ngjarë që Evropa ta kujtojë vitin 2022 si vitin e fillimit të vërtetë të epokës diellore. Solar shënon të tre kutitë e......
Qeveria Shqiptare vendos 13 shkurtin si ‘ditë zie kombëtare’ – Rama: Shenjë solidariteti me Turqinë mike
Nëpërmjet një njoftimi të publikuar në faqëz zyrtare, kryeministri Edi Rama ka bërë me dije se Qeveria Shqiptare ka vendosur që e hëna, 13 shkurt, do të jetë......
Paralajmërimi financiar i Bezos: Jini të kujdesshëm me investimet, ja 3 blerjet më rezistente ndaj recesionit!
Themeluesi dhe kryetari ekzekutiv i Amazon, Jeff Bezos, po jep alarmin. Bezos thotë se ekonomia “nuk duket mirë tani”. “Gjërat po ngadalësohen. Ju po shihni......
