BE, 50% të energjisë nga burimet e rinovueshme - Importi i gazit rus është reduktuar në 18% gjatë këtij viti
Kristi Ceta/SCAN
Në gjysmën e parë të vitit 2024, Bashkimi Evropian prodhoi gjysmën e sasisë totale të energjisë elektrike nga burimet e rinovueshme, sipas raportit të Komisionit Evropian për energjinë.
Importi i gazit rus në BE ra nga 45 për qind në 2021, në 18 për qind në qershor 2024, ndërsa importet e gazit nga Norvegjia dhe Shtetet e Bashkuara të Amerikës u rritën në të njëjtën periudhw.
Kërkesa e BE-së për gaz u reduktua me 138 miliardë metra kub midis gushtit 2022 dhe majit 2024, shtoi raporti.
Progres i rëndësishëm është arritur me energjinë e rinovueshme në kohët e fundit. Energjia e erës kapërceu gazin për t'u bërë burimi i dytë më i madh i energjisë elektrike në BE pas energjisë bërthamore, ndërsa në gjysmën e parë të 2024 burimet e rinovueshme gjeneruan 50% të elektricitetit në BE.
Në vitin 2022, konsumi primar i energjisë në BE rinovoi prirjen e tij rënëse, duke u ulur me 4.1%. Megjithatë, përpjekjet për eficencën e energjisë do të duhet të rriten më tej në mënyrë që Bashkimi Evropian të përmbushë objektivin e reduktimit të konsumit përfundimtar të energjisë prej 11.7% deri në vitin 2030.
Nevojiten përpjekje të forta për të adresuar çmimet e larta të energjisë. Sipas raportit, ky është çelësi për të përmirësuar konkurrencën e industrisë së BE-së dhe për të përshpejtuar investimet në rrjetet e integruara të infrastrukturës të Evropës, të cilat janë thelbësore për elektrifikimin e ekonomisë evropiane.
Raporti rikujton gjithashtu se të gjitha vendet e BE-së duhet të dorëzojnë planet e tyre përfundimtare të përditësuara Kombëtare të Energjisë dhe Klimës sa më shpejt të jetë e mundur, për të siguruar arritjen kolektive të objektivave të energjisë dhe klimës në 2030.
Blloku ka vazhduar të qëndrojë në krah të Ukrainës përballë sulmeve ruse ndaj sistemit të saj energjetik. Sinkronizimi i rrjeteve të Ukrainës dhe Moldavisë me Rrjetin Evropian Kontinental ndihmoi në stabilizimin e sistemit elektrik të Ukrainës dhe deri më 31 korrik 2024, mbi 40% e të gjitha donacioneve nga vendet e BE-së iu dedikuan sektorit të energjisë, me kontributin total mbi 900 milionë euro të Mekanizmit të Mbrojtjes Civile.
Sondazh
AMF në takim me drejtues të lartë të Divizionit Ndërkombëtar të Bankave të Huaja në Itali!
Autoriteti i Mbikëqyrjes Financiare zhvilloi një vizitë zyrtare në Itali ku u takua me drejtues të lartë të grupit Intesa Sanpaolo dhe të Divizionit......
Miliarderi kryen ecjen e parë private në hapësirë qindra kilometra mbi Tokë
Edel Strazimiri / SCAN Një miliarder ka përfunduar ecjen e parë hapësinore në histori nga një civil të enjten, duke dalë nga kapsula e tij SpaceX......
BQE ul normat e interesit ndërsa inflacioni ngadalësohet!
Edel Strazimiri / SCAN Siç pritej, BQE uli normat e interesit të enjten pasdite gjatë takimit të shtatorit. Normat e reja të interesit janë vendosur në......
41 mln euro më shumë të fituara nga transporti - Tregtia ndërkombëtare e shërbimeve u rrit me 14% në terma vjetorë
Ledina Elezi/SCAN Tregtia ndërkombëtare e shërbimeve është rritur me 14% në terma vjetorë, duke e mbyllur tremujorin e dytë me një balancë prej 864......
“Lum” kërkesash për të punuar në BE - EUROSTAT: 75 mijë leje qëndrimi nga Shqiptarët drejt vendeve të BE-së
Hamit Yzeiraj/SCAN Për të siguruar një jetë më të mirë me të ardhura më të kënaqshme se ato që ofron vendi ynë, sipas të dhënave nga “EUROSTAT”, gjatë......
Analiza e strukturës moshore për kryefamiljarët në familje - Nga personat e referencës gra, pjesa më e madhe janë nën 20 vjeç
Armela Duka/SCAN Personat e referencës në njësitë ekonomike familjare në vendin tonë priren të jenë në moshë të madhe , ku 49% e tyre janë 60 vjeç......
Aksesi në rrugën Thumanë-Kashar - Balluku: Zgjidhje provizore për banorët. Projekti përfundimtar, pjesë e Thumanë-Milot
Banorëve të Thumanës do iu krijohet akses i përkohshëm në autostradën Thumanë – Kashar, teksa zgjidhja përfundimtare është pjesë e projektit Thumanë –......
Shqipëria, e para në rajon për politikat e punësimit - Ekspertja: Është “plus” për ne, por duhet të krahasohemi me vendet e BE
Diamila Leka/ SCAN Ministri i Ekonomisë, Kulturës dhe Inovacionit Blendi Gonxhja ka publikuar të dhënat e fundit të raportit të OECD ku raportohet se......
