Avancojnë hekurudhat: 4 projektet, që pritet t’i japin hov transportit të pasagjerëve dhe mallrave me tren
Transporti hekurudhor, duket se është rikthyer në vëmendje të investimeve, teksa një sërë projektesh kanë avancuar gjatë këtij viti. Vetëm pak ditë më parë Komisioni Europian akordoi 62 milionë euro grant për ndërtimin e hekurudhës Durrës – Rrogozhinë, që është pjesë e Korridorit VIII.
Vlera totale e këtij investimi është parashikuar në 120.5 milion euro, ndërkohë që granti i KE erdhi pas përfshirjes së këtij korridori të rëndësishëm për lëvizjen e mallrave dhe udhëtarëve, në rrjetin kryesor transevropian të transportitt, që njihet ndryshe si TEN-T. Ky segment është pjesë e linjës hekurudhore Durrës – Pogradec, që lidh përmes trenave Shqipërinë me Maqedoninë e Veriut. Gjatësia e segemtit, për të cilin u akordua granti është 33.1 km.
Një tjetër projekt për të cilin pati zhvillime gjatë këtij viti ishte hekurudha Vorë- Hani i Hotit. Banka Evropiane për Rindërtim dhe Zhvillim avancoi në procedurat për dhënien e kredisë sovrane prej 62.9 milionë euro për rehabilitimin e kësaj linje. Paralelisht, edhe në buxhetin e vitit që vjen është akorduar një buxhet fillestar për zbatimin e projektit. Rehabilitimi i kësaj linje hekurudhore parashikohet të bashkëfinancohet nga Banka Evropiane e Investimeve dhe Bashkimi Evropian përmes Kornizës së Investimeve të Ballkanit Perëndimor.
Ndërkohë që, kosto totale e projektit vlerësohet në rreth 267 milionë euro. Linja hekurudhore Vorë – Hani i Hotit ka një gjatësi prej rreth 120 km dhe përshkon Ultësirën Perëndimore të Shqipërisë, me drejtim nga jugu në veri.
Zhvillime janë shënuar edhe për hekurudhën Durrës – Prishtinë, duke qenë se pak javë më parë Hekurudha Shqiptare shpalli konsorciumin e kompanive fituese, për hartimin e studimit të fizibilitetit, që do të shërbejë më pas për tenderimin dhe zbatimin e projektit.
Ndërkohë që, për hekurudhën Tiranë – Durrës dhe degëzimin e ri drejt Rinasit është duke u punuar për përfundimin e saj. Deri në përfundim këtyre projekteve, gjatësia e rrjetit hekurudhor në shfrytëzim në vend mbetet vetëm 204 km. 3 linjat e shfrytëzueshme janë Kufi- Gjorm, Durrës – Elbasan dhe Fier – Vlorë.
Ola Mitre / SCAN
Sondazh
Vetëpastrimi i Policisë së Shtetit - Nis sot faza e re /3 drejtues të Policisë dhe AMP që do të përballen me Trupën Vlerësuese
Gjatë ditës së sotme ka nisur faza e re e vetpastrimit në Policinë e Shtetit, ku nga ora 09:00 e mëngjesit do të nisin seancat publike me subjektet e......
Mbretëria e Bashkuar do të zbatojë taksën e karbonit për mallrat e importuara deri në vitin 2027!
Britania tha të hënën se do të zbatojë një mekanizëm të ri të çmimit të karbonit të importit deri në vitin 2027, me mallrat e importuara nga vendet me çmim më......
Porti Durrës, Rreth 12 mijë tonë mallra nisin përpunimin në port
Nëpërmjet një njoftimi të publikuar në faqen zyrtare, Autoriteti Portual Durrës ka bërë me dije se gjatë ditës së sotme në kalatat e portit të Durrësit po......
Ku në Europë janë njerëzit më të arsimuar financiarisht?
Një raport i ri sugjeron se shumë të rriturve u mungojnë aftësitë e nevojshme për të kuptuar dhe lundruar në situata sfiduese financiare. Vetëm 34% e të......
Politika e BE-së: Votat kryesore të mjedisit dhe energjisë në parlament!
Eurodeputetët vulosën më 12 dhjetor ligjin e ri të lëndëve të para kritike, teksti i të cilit u ra dakord më 13 nëntor në negociatat e "trilogut" të dhomës së......
Si ka nisur kjo javë për valutat kryesore?
Dollari amerikan edhe pse ka rikuperuar disi pikë gjatë fundjavës e ka nisur këtë mëngjes në kuota negativa teksa është blerë sot me 94.2 lekë dhe është shitur......
Nafta për bujqësinë – Denaj: 65,000 përfitues në skemën kombëtare falë aktit normativ me 1.8 miliard lekë
65 mijë fermerë kanë përfituar mbështetje me naftë pa taksa, për kryerjen e punimeve të mekanizuara në bujqësi ka bërë me dije Ministrja e Bujqësisë dhe......
Parlamenti grek miraton buxhetin e qeverisë për vitin 2024!
Parlamenti grek ka miratuar buxhetin e qeverisë për vitin 2024, i pari në 14 vjet me borxhin grek të listuar në shkallën e investimeve. Buxheti kaloi me një......
