Arkitektët gjejnë një burim të pazakontë për ndërtim banesash - Shtëpitë me kanabis industrial po rezultojnë të kërkuara
Ajo që e bën të pazakontë këtë shtëpi të ndritshme, të ajrosur dhe të rehatshme është materiali i përdorur për ndërtimin e saj: kërpi. Ndërsa ne mund të jemi më të njohur me lidhjen e bimës së kanabisit me substancën psikoaktive kanabis dhe përdorimin e saj në suplementet shëndetësore dhe tekstile, kërpi po bëhet me shpejtësi një material ndërtimi i qëndrueshëm i kërkuar.
Prodhimi i tij me rritje të shpejtë është një burim i rinovueshëm, me veti kapëse të karbonit. Kur përdoret në ndërtim, ai zakonisht merr formën e "hempkretit" - i njohur gjithashtu si betoni i kërpit gëlqeror, një material i fortë i bërë nga përzierja e kërpit - bërthama drusore e bimës - me një lidhës të bërë nga uji dhe gëlqerja. Hempkreti ka një masë të lartë termike, duke e bërë atë një material ideal izolues i cili përmirëson efikasitetin energjetik të ndërtesave dhe redukton emetimet e gazeve serrë me kalimin e kohës. Ai gjithashtu vazhdon të thithë karbonin gjatë jetëgjatësisë së tij.
Materialet e qëndrueshme janë në kërkesë të lartë pasi industria e ndërtimit kërkon të dekarbonizohet. Ndërtesat dhe shtëpitë janë përgjegjëse për afërsisht 37% të emetimeve globale të dioksidit të karbonit - CO2. Kjo për shkak të varësisë së madhe të industrisë nga lëndët djegëse fosile, duke përfshirë materialet me intensitet karboni si betoni, çeliku dhe qelqi, si dhe gazrat serrë të emetuara gjatë ngrohjes dhe ftohjes së ndërtesave. Me cilësitë e tij të kapjes së karbonit, kërpi mund t'i ndihmojë vendet të arrijnë objektivat e tyre neto zero duke e bërë ndërtimin më të qëndrueshëm.
Sipas Komisionit Europian, një hektar kërp ‘sekuestron’ midis nëntë dhe 15 ton CO2, dhe duhen vetëm pesë muaj për t'u rritur - që do të thotë se është më i mirë se pylltaria tipike tregtare në kapjen e karbonit. Për më tepër, prodhimi i kërpit raportohet se ndihmon në rigjenerimin e tokës dhe heqjen e metaleve të rënda nga toka.
Por një mori sfidash duhet të kapërcehen përpara se kërpi të lërë gjurmën e tij në industrinë e ndërtimit. Këto përfshijnë ndryshime në rregulloren e qeverive, certifikimin teknik dhe financimin dhe infrastrukturën e nevojshme për të rritur prodhimin industrial të kërpit, për të përmirësuar zinxhirët e furnizimit dhe për ta bërë atë më të përballueshëm për t'u përdorur.
Në Francë, megjithatë, rritja e kërpit nuk ishte kurrë e jashtëligjshme, gjë që kontribuoi që vendi të bëhej një nga liderët globalë në kërpin industrial. Pas ringjalljes moderne të kërpit në fund të shekullit të 20-të, një numër projektesh ndërtimi duke përdorur këtë material janë ndërtuar në të gjithë vendin. Deri më sot, kërpi është përdorur kryesisht në projekte të vogla banimi, për shkak të problemeve rreth zinxhirëve të furnizimit dhe kostos.
Rregullimi ligjor, edhe thjesht për rritjen e kërpit, është një tjetër pengesë e madhe. Në SHBA, për shembull, kultivimi industrial i kërpit ishte i paligjshëm deri në vitin 2018, për shkak se bima konsiderohej një substancë e kontrolluar. Në Afrikën e Jugut, kërpi më në fund u caktua një kulturë bujqësore në vitin 2021, duke mundësuar kultivimin e tij në vend. Komisioni Europian ka raportuar se sipërfaqja e tokës së BE-së e dedikuar për kultivimin industrial të kërpit u rrit me 75% midis 2015 dhe 2019, me Francën përgjegjëse për 70% të prodhimit të përgjithshëm.
Dorina Kurtaj / SCAN
Sondazh
Pse epokës së fluturimeve me kosto të ulët në Europë mund ti ketë ardhur fundi?!
Ditët e tarifave të lira ajrore kanë mbaruar në Europë pasi në shumicën e vendeve, një kthim në çmimet e fluturimeve para pandemisë nuk duket se po rikthehet.......
Vjena është sërish qyteti më i jetueshëm në botë. Cilat janë vendet e tjera kryesore në nivel global?!
Vjena e Austrisë është renditur sërish në krye si qyteti më i mirë për të jetuar në nivel global, sipas një raporti nga Economist Intelligence Unit......
Rekord vjedhjesh në supermarkete në Britani - Në vitin 2022 u regjistruan 1.1 milionë incidente
Vjedhjet në supermarketet e Britanisë thyen të gjitha rekordet vitin e kaluar, me 1.1 milionë incidente të regjistruara, sipas të dhënave të publikuara nga......
Inflacioni po shënon rënie kudo - Kjo nuk nënkupton që prodhimet dhe shërbimet janë më të lira
Nëse inflacioni bie në 2% deri në fund të këtij viti, kjo do të thotë se kostoja e gjithçkaje nuk do të rritet më, apo jo? E gabuar. Por kjo është ajo që......
Rusia mbyll përfundimisht rubinetat - A rrezikon Europa të mbetet pa gaz?
Rusia ka vendosur të mbyllë përfundimisht rubinetat që furnizojnë me gaz. Kjo mund të ndodhë deri në fund të vitit të ardhshëm, kur dhe skadon kontrata për......
BILD zëvendëson gazetarët me Inteligjencën Artificiale - Botuesit shqyrtojnë mundësitë për zbatimin e projektit
Në një lëvizje ‘ogurzezë’ për të ardhmen e gazetarisë, gjermania Bild po përgatitet të ecë përpara me kohën. Gazeta më e shitur në Europë po planifikon të......
Ulen ndjeshëm çmimet e diamanteve - Brenda 16 muajve shënohet një rënie prej 18%
Çmimet e diamanteve janë ulur 18% nga nivelet më të larta të të gjitha kohërave në shkurt të vitit 2022 dhe janë ulur me 6.5% nga viti në vit, sipas Indeksit......
BE miraton sanksione të reja kundër Rusisë që synojnë kompanitë kineze!
Objektivi kryesor i paketës së 11-të është goditja e anashkalimit të dënimeve të shumta që janë vendosur që nga shkurti i vitit 2022. Brukseli është gjithnjë e......
