Aksidentet nga makinat e pasiguruara dhe të paidentifikuara, shlyhen 87% e dëmeve - Byroja e Sigurimeve del nga statusi “nën” monitorim pas 9 vitesh, u paguan nga fondi i kompensimit
Ligji i ri duket se ka gjetur zgjidhjen për aksidentet e shkaktuara nga makinat e pasiguruara, një plagë që shqetëson prej vitesh tregun shqiptar të sigurimeve, shkak për të cilin edhe Byroja Shqiptare e Sigurimeve gjendej me statusin nën monitorim prej rregullatorëve evropianë. Autoriteti i Mbikqyrjes Financiare ka njoftuar se ligji i ri, që po zbatohet prej një viti e gjysmë, ka dhënë impakt direkt në një përmirësim të ndjeshëm të situatës me Fondin e Kompensimit dhe Kartonin Jeshil.
Për dëmet e ndodhura pas datës 1 korrik 2021, objekt i Fondit të Kompensimit, aktualisht asnjë prej tyre nuk ka shkuar në gjykatë. Gjithashtu, një pjesë e konsiderueshme e këtyre dëmeve (87%) janë paguar përmes praktikës së siguruesit të drejtpërdrejtë, si një nga risitë e ligjit, ku i dëmtuari në një aksident të shkaktuar nga një mjet i pasiguruar ose i paidentifikuar e ka kërkuar dëmshpërblimin te shoqëria e tij e sigurimit (një format i ngjashëm me sigurimin Kasko).
Byroja Shqiptare e Sigurimit trajton rastet e aksidenteve të Kartonit Jeshil, si edhe të Fondit të Kompensimit. Në të kaluarën, ka patur problematika në të dy këta komponentë, për shkak të mospagesës së dëmeve brenda afateve, si edhe numrit të konsiderueshëm të pazgjidhur të kërkesave për dëmshpërblim. Akumulimi i këtyre rasteve ndër vite dhe problematikat e mbartura sollën edhe vendosjen e Byrosë Shqiptare të Sigurimit në statusin e monitorimit nga ana e Këshillit të Byrove, në tetor të vitit 2013. Përmirësimi i ndjeshëm i situatës së dëmeve te Byroja, falë ndryshimeve të fundit ligjore dhe monitorimit të shtuar nga ana e Autoritetit, sollën edhe daljen e Byrosë Shqiptare të Sigurimit nga monotirimi i Këshillit të Byrove në dhjetor të vitit të kaluar.
Po ccfarë solli përmirësimit e situatës shumë problematike, e cila penalizonte jo vetëm drejtuesit e mjeteve të dëmtuar nga makina të pasigururara apo të paidentifikuara. Së pari, krijimi i një fondi garancie për kartonin jeshil, ku çdo anëtar i Byrosë, i autorizuar për të lëshuar karton jeshil, duhet të depozitojë një garanci bankare pranë një banke të nivelit të dytë në Shqipëri, në favor të Byrosë, në shumën që përcaktohet nga asambleja e anëtarëve, por jo më të vogël se 250,000 euro. Gjithashtu, sa i përket Fondit të Kompensimit, ligji parashikon krijimin e një fondi garancie, që nuk mund të jetë më i vogël se 150 milionë lekë.
Më tej, përveç fondit të garancisë, në rastin e Fondit të Kompensimit, Autoriteti i kërkon dhe monitoron anëtarët e Byrosë Shqiptare të Sigurimit në lidhje me mbajtjen e provigjoneve (rezervave) për të gjithë vlerën e dëmeve pezull objekt i Fondit të Kompensimit.
Një tjetër faktor është riorganizimi strukturor i Byrosë Shqiptare të Sigurimit, në dy departamente të pavarura: Departamenti i Kartonit Jeshil dhe Departamenti i Fondit të Kompensimit.
Dhe në fund, Trajtimi i rasteve të Fondit të Kompensimit përmes siguruesit të drejtpërdrejtë, ku palës së dëmtuar nga një aksident i shkaktuar nga një mjet i pasiguruar ose i paidentifikuar i lind e drejta ta kërkojë dëmshpërblimin te shoqëria e vet e sigurimit. Sipas shifrave të raportuara, që nga hyrja në fuqi e ligjit, në 1 korrik 2021, e deri në fund të vitit 2022, rreth 87% e rasteve Fond Kompensimi, janë trajtuar përmes siguruesit të drejtpërdrejtë.
Lorenc Rabeta / SCAN
Sondazh
Miliona lekë për bileta avioni - Vetëm 7 ministri dhe kryeministria planifikojnë 70.5 mln lekë shpenzime për 2023
70.5 mln lekë për blerjen e biletave ajrore. Kjo është shifra që planifikojnë të shpenzojnë Këshilli i Ministrave dhe 7 ministri të linjës përgjatë vitit 2023,......
Eurodeputetëve të dënuar iu ndërpritet pensioni - Parlamenti europian prezanton 14 masat antikorrupsion
Duke folur për skandalin e Qatargate, Roberta Metsola, presidente e parlamentit europian, propozoi ndërprerjen e pensionit, por dhe masa të tjera ndaj......
“Duhet të pendohemi për Brexit”! - Deklarata e fortë e kryebashkiakut të Londrës, Sadik Khan
Një sulm i hapur ai i kryebashkiakut laburist të Londrës Sadik Khan, për Brexit. 2 vjet pas hyrjes përfundimtare në fuqi të divorcit nga Brukseli, ai akuzon......
Bora “harron” Alpet e Italisë - Dëmet për sektorin e turizmit llogariten në 50 milionë euro
Në Itali këtë dimër në Alpe nuk ka borë dhe pritja e pafundme për të është transformuar në një krizë të madhe për sektorim e turizmit në rajonet e përfshira.......
Pushimet në Greqi, 10-15% më shtrenjtë - Hotelierët në vend nënshkruajnë kontratat me operatorët turistikë
Hotelierët në Greqi kanë nënshkruar kontrata me operatorët kryesorë të huaj turistikë, me rritje çmimesh midis 10% dhe 15% për sezonin 2023. Këto rritje, që......
Katër tendencat e ekonomisë globale - Luhatshmëria e kursit të këmbimit, ndikim veçanërisht në zinxhirin e furnizimit
Një recesion i afërt, një krizë energjetike, inflacion që mbetet konstant deri në vitin 2024. Për të gjitha këto arsye, viti 2023 pritet të jetë një vit me......
Ceo i Apple i redukton pagën vetes me 40% - Tim Cook do të fitojë vetëm 49 milionë dollarë në 2023!
Apple redukton me 40% pagën e Ceo-s, Tim Cook, i cili kërkoi vetë një rivlerësim të pagës së tij pas kritikave të aksionerëve. Në vitin 2023 fitimet e tij do......
Crypto.com do të shkurtojë 20% të vendeve të punës ndërsa industria vijon të pëballet me sfida pas rënies së FTX!
Crypto.com tha të Premten se do të zvogëlonte rreth 20% të fuqisë së saj punëtore, pasi shkëmbimet e kriptomonedhave po përballen me sfida në mbarë industrinë......
