2023, viti i “super” lekut - Por, viti që sapo ka nisur pritet të regjistrojë qendrueshmëri
Viti që sapo është mbyllur me plot gojën mund të cilësohet si viti i “super” lekut, pasi monedha kombëtare ka shënuar vlera të larta kundrejt të gjitha valutave kryesore.
2023 nisi me një kurs këmbimi të lekut me euron në nivelin më të lartë të vitit prej 117.46, një vlerë që sot duket si një “vegim”, pasi shumë shpejt monedha jonë kombëtare nisi rrugëtimin e pandalshëm të forcimit. Ndihmuar edhe nga një sezon turistik tepër i mbarë, në mesin e muajit korrik leku arriti të këmbehej deri në 100,49 euro, që ishte edhe pika më e ulët për monedhën e përbashkët europiane për vitin e kaluar. Që nga ky moment e deri në fund të vitit leku lëshoi lehtë terren duke e mbyllur 2023-shin në nivelin 103,88 euro.
Ky forcim i lekut ka patur një ndikim negativ të rëndësishëm sidomos tek eksportuesit, të cilët kanë vlerësuar se po humbasin afro 9 milionë euro në muaj nga zhvlerësimi i euros, një situatë e cila vijon që nga muaji Mars. Por, nga ky fenomen është prekur edhe buxheti i shtetit, për shkak të programimit të të ardhurave mbi bazën e supozimeve të kursit të këmbimit euro/lek për rreth 120 lekë dhe USD/lek, rreth 110 lekë.
Ndërkohë, megjithëse ka ulur ndjeshëm huamarrjen në tregjet financiare ndërkombëtare, Ministria e Financave sheh në rritje të ndjeshme rrezikun e kursit të këmbimit sa i përket borxhit të jashtëm.
Për të frenuar disi këtë nënçmim të euros, në fillim të muajt gusht Banka e Shqipërisë rriti kuotat vjetore të blerjes së monedhës europiane në treg, nga 220 milionë, në 300 milionë. Ndërkohë, që Guvernatori Sejko ka deklaruar disa herë që nëse do të vërehen luhatje të pazakonta, institucioni që ai drejton do të ndërhyjë sërish me blerjen e eurove në tregun e lirë.
Në analizat e saj, Banka Qendrore ka theksuar se kjo ecuri e kursit të këmbimit ka pasqyruar përmirësimin e dukshëm të bilancit të shkëmbimeve tregtare e financiare me jashtë, çka ka gjeneruar një tepricë valute në tregun e brendshëm. Ky përmirësim rezultoi edhe më i shpejtë në tremujorin e tretë, si pasojë e rritjes me 34% të eksporteve totale, e rritjes me 14% të remitancave dhe e rritjes me 10% të investimeve të huaja direkte, duke rezultuar në një tepricë të ndjeshme pozitive të bilancit korrent dhe të bilancit të përgjithshëm të pagesave.
Nga ana tjetër, sipas Bankës Qendrore forcimi i kursit të këmbimit ka dhënë një kontribut të rëndësishëm në në trendin rënës të presioneve të huaja inflacioniste gjatë vitit 2023.
Duke u bazuar në qendrueshmërinë që ka regjistruar kursi i këmbimit të lekut gjatë muajve të fundit, Banka e Shqipërisë thekson se, kjo ecuri sugjeron stabilizimin e raporteve të kërkesës dhe ofertës për valutë rreth niveleve aktuale të kursit.
Përditësimet më të fundit të këtij institucioni, sugjerojnë se këto trende do të vijojnë edhe në periudhën e ardhshme.
Dorian Koça / SCAN
Sondazh
Taksat për vitin 2024 - Nis tatimi progresiv për profesionet e lira
Nga 1 janari ka nisur zbatimi i tatimit progresiv me normat tatimore 15% dhe 23% për të vetë punësuarit, personat fizikë dhe tregtarë të shërbimeve të......
Çfarë ndryshon në politikën gjermane të emigracionit në 2024 - Më pak tërheqëse për azilkërkuesit, prioritet punëtorët e kualifikuar
Më shumë dëbime, procedura më të shpejta të azilit dhe më pak pagesa në para, Gjermania do të bëhet më pak tërheqëse për azilkërkuesit nga viti 2024. Në të......
Pas udhëtim pa viza në BE, targat e Kosovës do të njihen në Serbi
Serbia ka njoftuar se shoferët me targa të Kosovës mund të hyjnë në territorin serb nga 1 janari, duke i dhënë fund një mosmarrëveshjeje shumëvjeçare. Pas......
Yndyrë nga derrat për karburantin e avionëve - Shqetësime se përdorimi mund të dëmtojë mjedisin
Yndyra nga derrat, pulat dhe bagëtitë e ngordhura po përdoren për të bërë karburant më të gjelbër të avionëve - por ka paralajmërime që kjo qasje mund të......
20 mijë euro për të ndryshuar mënyrën e ngrohjes - Qeveria në Gjermani paguan qytetarët për të kursyer
Shumë gjermanë së shpejti do të marrin një grant prej 20 mijë euro si nxitje financiare për të mbushur portofolet e tyre. Një numër i madh rezidentësh gjermanë......
Hyn në fuqi buxheti i shtetit 2024 - Më 3 janar thesari pritet të disbursojë fondet e para
Më 1 janar ka hyrë në fuqi buxheti i shtetit për vitin 2024, ndërsa pritet që më datë 3 thesari të disbursojë fondet e para, që janë kryesisht fondet e pagave......
2024, viti më i madh zgjedhor në histori - Brenda 12-muajve, 76 vende kanë planifikuar gara elektorale
2024 do të jetë viti në të cilin do të votojnë shumica e njerëzve në histori. Një total prej 4 miliardë votuesish do të shkojnë në qendrat e votimit për të......
Konferenca e fundvitit, Rama bën bilancin: Ky vit do të mbyllet me një rritje ekonomike që tejkalon çdo parashikim!
Kryeministri Edi Rama në konferencën e fundvitit me gazetarët u shpreh se ky vit do të mbyllet me një rritje ekonomike që e tejkalon ndjeshëm çdo parashikim të......
