U paguan 646 milionë lekë për sigurimin e pronës - Primet e sigurimit vullnetar u “tkurrën” në dy muajt e parë të vitit
Sigurimi vullnetar i pasurive të paluajtshme është një prej zërave me rritjen më të shpejtë në tregun e sigurimeve. Vetëm gjatë vitit të kaluar primet e sigurimit vullnetar, arritën rreth 8,917 miliardë lekë, ose 12.03% më shumë se në vitin 2022. Por, në këtë fillim viti regjistrohet një tkurrje e këtij zëri.
Sipas të dhënave të Autoritetit të Mbikëqyrjes Financiare (AMF), në dy muajt e parë të 2024-ës primet e sigurimit vullnetar arritën në rreth 1,520 miliardë lekë, 6.04% më pak se në periudhën janar-shkurt 2023. Ndërkohë, që numri i kontratave regjistruan rritje me 0.52%.
Në portofolat e Pronës, Përgjegjësive, Garancive, që gjatë periudhës janar-shkurt 2024 siguruan mbi 646 milionë lekë të ardhura në total, vendin e parë e zunë Zjarri dhe Dëmtime të Tjera në Pronë me rreth 65.54%, të pasuara nga sigurimi i Përgjegjësisë së Përgjithshme me 25.87% të totalit.
Në portofolin sigurimi nga Zjarri dhe Forcat e Natyrës, vihet re një rritje prej 18.49% e vëllimit të primeve të shkruara bruto të këtij portofoli dhe një rritje me 2.89% e numrit të kontratave të sigurimit, krahasuar me periudhën janar-shkurt 2023.
Të ardhurat nga sigurimet e Aksidenteve dhe Shëndetit u regjistruan në rreth 268 milionë lekë, duke shënuar një rritje vjetore prej 21.26%. Nga ana tjetër, primet nga sigurimet e Jetës gjatë muajit janar-shkurt 2024 arritën rreth 311 milionë lekë, ose 12.09% më shumë se në të njëjtën periudhë të një viti më parë.
Pavarësisht nga shifrat e mësipërme, tregu vijon të mbetet i orientuar tek sigurimet e detyrueshme. Parë nga këndvështrimi i ndarjes së tregut sipas llojit të sigurimit, i detyrueshëm dhe vullnetar, primet e shkruara bruto të sigurimit vullnetar zënë 42.64% dhe primet e shkruara bruto të sigurimit të detyrueshëm zënë 57.36% të totalit të tregut.
Dorian Koça/SCAN
Sondazh
Gjigantët amerikanë blejnë pajisje të IA nga Meksika - Investime të mëdha nga kompanitë tajvaneze në teknologjitë më të avancuara
Gjigantët e teknologjisë amerikane po kthehen masivisht në Meksikë për të prodhuar komponentë të inteligjencës artificiale, në një përpjekje tjetër për të......
Mbi 30 mijë pensionistë i shtohen vendit - Masa e pensionit mesatar arrin në 15.560 lekë në muaj
Gjatë vitit 2023, 30,247 të moshuar kanë mbushur moshën dhe kanë lidhur pension pleqërie me Institutin e Sigurimeve Shoqërorë. Referuar të dhënave zyrtare të......
Gara e fortë për blerjen e lëndëve të para - Vihet në dyshim fitorja ndaj inflacionit
Nëse beteja kundër inflacionit mund të thuhet se ka mbaruar, pse çmimet e lëndëve të para po rriten prej dy muajsh? Në dokumentin e fundit të planifikimit......
Zbulohet dosja e re gjyqësore / Instagram fiton më shumë para nga reklamat se YouTube
Ne e dinim tashmë se Instagram është një aplikacion gjigant që përbën një pjesë të konsiderueshme të biznesit të përgjithshëm të Metës. Por tani e dimë se......
Rreziqet ligjore të aplikacioneve të inteligjencës artificiale - Avokatët paralajmërojnë një mori padish kundër bizneseve
Nëse kompania juaj përdor inteligjencën artificiale për të krijuar përmbajtje, për të marrë vendime ose për të ndikuar në jetën e të tjerëve, ju ka të ngjarë......
Google do i bëjë kërkimet me pagesë - Përmbajtjet e krijuara nga IA do të jenë me abonim
Shumë shpejt kërkimet në Google nuk do të jenë më falas. Nëse skenarët rezultojnë të vërteta, do të jetë hera e parë që Google, motori i kërkimit i përdorur......
BE progres në dekarbonizimin e sektorit të energjisë – Emetimet rënie me 15.5% në 2023 krahasuar me një vit më parë
Progresi i rëndësishëm i Bashkimit Evropian në dekarbonizimin e sektorit të energjisë, i nxitur kryesisht nga rritja e prodhimit të energjisë elektrike nga era......
Balluku inspekton punimet për ujësjellësin e ri të Shënkollit në Lezhë
Në njësinë administrative të Shënkollit në Bashkinë e Lezhës, po investohet për ndërtimin e ujësjellësit të ri, i cili do të transformojë tërësisht situatën e......
