Software spiunazhi që shpërdorohen politikisht - Si i përgjon Europa qytetarët e saj?!
Kur Elon Musk bleu Twitter-in, Komisarja e BE-së që merret me tregun e brendshëm europian, Thierry Breton, kërkoi menjëherë që shërbimi i SHBA-së i lajmeve të shkurtra, Twitter, t'i përmbahet rregullave të Bashkimit Europian. Por, kur qeveritë europiane shpërdorojnë softwaret e spiunazhit, institucionet e Brukselit nuk interesohen fare, kritikon raportuesja e të ashtuquajturit Komiteti Pega të Parlamentit Europian, deputetja europiane nga Holanda, Sophie in 't Veld. Ndërkohë që të drejtat demokratike rrezikohen seriozisht, kur shumë vende anëtare të BE-së përdorin pa kontroll Pegasuas-in dhe software të tjera të ngjashme dhe përgjojnë kritikët e qeverisë, gazetarët dhe opozitarët nën mburojën e sigurisë kombëtare.
"Shpërdorimi është aferë e gjithë Europës,” thuhet në raportin e papërfunduar të Komisionit hetimor, të prezantuar ditën e martë (08.11) nga Sophie in 't Veld. "Vendet anëtare kanë përdorur software përgjimi kundër qytetarëve të tyre, për arsye politike si dhe për të fshehur korrupsionin dhe aktivitetet kriminele.” Meqenëse asnjë nga autoritetet kombëtare nuk ka qenë i gatshëm t'i japë Parlamentit të BE-së informacione konkrete, raporti bazohet vetëm në burime të hapura për publikun.
Megjithatë mendon Komiteti, janë mbledhur shumë fakte. "Po të ketë enigma 1000 të panjohura, ne kemi në duar 900 prej tyre,” thotë Sophie in 't Veld. Mund të thuhet se të gjitha vendet europiane kanë blerë software spiunazhi dhe disa prej tyre kanë bërë me to edhe tregti përfituese. "Qipro dhe Bullgaria janë kthyer në qendrat e eksportit, Irlanda ofron software për të rregulluar taksat. Kurse Luksemburgu është qendra financiare për shumë lojtarë nga vendet prodhuese.” I ashtuquajturi Wiretapper's Ball, një mbrëmje vallëzimi që organizohet çdo vit nga kjo industri, zhvillohet në Pragë kurse Malta vlerësohet nga protagonistët si vend i preferuar qëndrimi.
Shembulli më i njohur është firma izraelite NSO, e cila prodhon softwar-in e spiunazhit Pegasus, një software që shkaktoi skandal politik në Greqi. Sipërmarrja ka filiale në Qipro dhe Bullgari dhe i ka kryer aktivitetet financiare nëpërmjet Luksemburgut. Ajo ka përfituar nga tregu i brendshëm dhe liria e lëvizjes brenda BE-së. Shitja e software-ve bëhet me qëllim në mënyrë jo trasparente dhe strukturat e firmës janë komplekse, thuhet në raportin e sapoprezantuar- por "biznesi është në lulëzim dhe me përfitim të madh”.
Viktima më e njohur e përgjimit të politikanëve të opozitës dhe gazetarëve në Greqi, është kryetari i socialdemokratëve të Pasok-ut, dhe deputeti europian Nikos Androulakis. Celulari i tij ishte infektuar me software-in e përgjimit, Predator.
Ndërkohë listat e njerëzve që mendohet të jenë prekur bëhet gjithnjë e më e gjatë. Së fundi kryeministri Kyriakos Mitsotakis përsëriti edhe një herë se nuk ka të bëjë me fajësimet e fundit. "Është turp të pretendosh se kryeministri ka përgjuar ministrat e tij,” tha ai për televizionin ANT1.
Raporti i Parlamentit Europian merret me hollësi edhe me qeveritë e Budapestit dhe Varshavës. Hungaria ka qenë një nga vendet e para të përzier me skandalin europian të përgjimit. Sipas njoftimeve të organizatës së të drejtave të njeriut, Amnesty International, atje janë përgjuar mbi 300 aktivistë politikanë, gazetarë, avokatë dhe të tjerë. "Përdorimi i Pegasusit duket të jetë pjesë e një strategjie të menduar mirë për shkatërrimin e shtypit dhe lirisë së mendimit nga qeveria (hungareze)", thuhet përveç kësaj në raport.
Polonia ka zgjeruar qysh vitin e kaluar mundësitë ligjore pë të bërë përgjime gati të pakufizuara. "Të drejtat e viktimave janë minimalizuar dhe mjetet juridike për të luftuar përgjimin janë bërë praktikisht të parëndësishme,” thotë raporti hetimor. Partitë qeveritare kanë çdo gjë nën kontroll dhe viktimat nuk kanë ku të shkojnë për të kërkuar të drejtat.
Amnesty International ka mbledhur ndërkohë 100 mijë firma për një peticion drejtuar Kombeve të Bashkuara, ku kërkohet ndalimi i shitjes dhe shpërndarjes së software-ve të spiunazhit. Anëtarët e OKB-së nuk duhet të përdorin ose tolerojnë më softwaret si instrumente shtypëse.
Një ndalim të përkohshëm kërkon edhe raportuesja e Komitetit Pega të Parlamentit Europian. Përveç kësaj Sophie in 't Veld kërkon që të gjitha akuzat të hetohen deri në fund nga Interpoli më mirë, si dhe zëvendësimin e kuadrit për përdorimin legal dhe licencat e eksportimit të software-ve të përgjimit për të cilat ka dyshime. Deputetja pranon vetë se nuk ekziston asnjë mekanizëm për zbatimin e rregullave të reja. DW
E . S / SCAN
Sondazh
Rikuperon Dollari dhe Franga ndërsa Paundi shënon rënie!
Dollari amerikan ka regjistruar një rikuperim të lehtë të vlerës në raport me rënien e vazhdueshme që pësoi gjatë kësaj jave duke u blerë sot me 116.5 lekë dhe......
Pse hamë më shumë para televizorit?!
Nëse shikojmë televizor jemi të fokusuar në atë që shohim. Dhe ja çfarë bën truri ynë nëse hamë në të njëjtën kohë. Darkoni para televizorit? Gabim.......
14.2 billion lek budget for agriculture in 2023
A 14.2 billion lek budget is predicted for 2023 to the Ministry of Agriculture and Rural Development. In the Economy and Finance Committee for the review of......
Shitësit me pakicë të Europës po përpiqen të mbajnë çmimet të ulëta për të fituar blerësit në vështirësi!
Disa shitës me pakicë në Europë këtë javë parashikuan ose raportuan shitje më të mira gjatë gjithë vitit pasi u përpoqën për të mbajtur çmimet të ulëta për të......
Zgjedhjet e mesmandatit në SHBA - Një republikan dhe një demokrat “shtrojnë” të ardhmen e vendit
Ka dy emra rezultati i zgjedhjeve të mesmandatit në Shtetet e Bashkuara të Amerikës 2022: ai i Ron DeSantis, republikan dhe një rival i madh i Trump, i cili u......
Mastodon i merr përdoruesit Twitter - Çfarë është rrjeti social që po i bën konkurrencë platformës së Musk?
Vendosja e Elon Musk në krye të Twitter po shkakton shumë pasoja për platformën. Mes tyre, një nga të parat ishte pushimi nga puna në masë i nënpunësve që......
Emetimet e gazeve serrë - Prodhuesit e naftës dhe gazit raportojnë nivele më të ulëta se realiteti
Emetimet e gazeve serrë nga objektet e naftës dhe të gazit në të gjithë botën janë rreth tre herë më të larta se sa pretendojnë prodhuesit e tyre. Climate......
Një eksperiment i jashtëzakonshëm ekonomik - Çfarë ndodhi në Indi, vendi që hoqi kartmonedhat brenda natës
Gjashtë vite me parë, saktësisht më 8 nëntor 2016, kryeministri indian Narendra Modi doli urgjent në televizion për të njoftuar heqjen e pothuajse të gjithë......
