Nis faza e dytë e projektit “Zhvillim i Qëndrueshëm Rural” - Synohet rritja e konkurrueshmërisë dhe të ardhurave në zonat rurale
GIZ Shqipëri ka zhvilluar aktivitetin prezantues të fazës së dytë të projektit “Zhvillim i Qëndrueshëm Rural”, financuar nga Qeveria Gjermane dhe Zvicerane dhe zbatuar nga GIZ Shqipëri, në bashkëpunim me Ministrinë e Bujqësisë dhe Zhvillimit Rural dhe Ministrinë e Turizmit dhe Mjedisit.
Projekti synon të nxisë rritjen e konkurrueshmërisë dhe të ardhurave në zonat rurale përgjatë zbatimit të tij në katër vitet e ardhshme (2023-2026), duke kontribuar më gjerë në zhvillimin e qëndrueshëm në vend. Duke punuar ngushtësisht me bizneset dhe qeverinë shqiptare, projekti do të mbështesë hartimin e politikave zhvillimore dhe praktikat inovatore në bujqësi dhe në turizmin rural, duke promovuar rritjen e gjelbër, dixhitalizimin dhe diversitetin, në përputhje me procesin e pranimit të vendit në BE.
Prodhimi bujqësor është në fokus të projektit, me theks të veçantë tek perimet në sera, frutat dhe produktet e bulmetit. Nëpërmjet iniciativave të tilla si adoptimi i metodave biologjike të kontrollit të dëmtuesve, synohet përmirësimi i cilësisë dhe sasisë së prodhimit të tyre.
Në fjalën e saj, Ministrja e Bujqësisë dhe Zhvillimit Rural, Znj. Frida Krifca tha se faza e dytë e projektit “Zhvillim i Qëndrueshëm Rural” vendos në dispozicion të fermerëve një mjet shtesë për të rritur produktivitetin në ferma.
Paralelisht me mbështetjen në sektorin bujqësor, projekti synon promovimin e turizmit rural me fokus agroturizmin, turizmin e aventurës dhe menaxhimin e destinacioneve turistike.
“Kemi filluar komunikimet me ITB BERLIN, panairin më të madh në botë të turizmit, që Shqipëria të jetë vendi i nderit në vitin 2025, ç’ka përkthehet në një sërë aktivitetesh nga viti 2024 deri në vitin 2025 dhe ftoj partnerët që të na mbështesin në këtë projekt të ri.”: tha Ministrja e Turizmit dhe Mjedisit, Znj. Mirela Kumbaro.
Projekti do të mbështesë krijimin e modeleve të suksesshme pilote në të dy sektorët, me qëllim replikimin e tyre të mëtejshëm në të gjithë tregun.
Ambasadori i Republikës Federale Gjermane, SH.T. Peter Zingraf përmendi disa nga këto modele si kontrolli biologjik në sera apo platforma inovative e turizmit, me qëllim përmirësimin e produkteve turistike kudo në Shqipëri.
Ndërsa Zëvendës Shefi i Misionit Zviceran në Shqipëri, Dr. Patrik Meier theksoi rëndësinë që luan bashkëpunimi mes donatorëve dhe qeverisë shqiptare për zhvillimin e qëndrueshëm rural në Shqipëri.
Në përfundim të aktivitetit, të ftuarit u prezantuan me disa prej produkteve lokale te certifikuara, produkteve të fruta-perimeve dhe bulmetit të mbështetura nga GIZ gjatë katër viteve të fundit.
SCAN
Sondazh
Si do fitohet pronësia për tokat bujqësore? - Gati VKM për pajisjen me certifikata pronësie që shumë fermerë i kanë prej vitesh në përdorim
Eksperti i pasurive të paluajtshme, Gjergj Begaj, shpjegon se Qeveria është fare pranë hartimit të një vendimi, që parashikon pajisjen me certifikata pronësie......
“Minimumi jetik sot mbi 200 euro, të vendoset me ligj” - Deputetët e opozitës depozitojnë draftin në Kuvend: Asnjë qytetar nën kufirin e varfërisë
Deputetët e opozitës kanë depozituar në Kuvend një projektligj i cili parashikon llogaritjen e të ardhurave minimale për të përballuar jetesën dhe vendosjen e......
Skemat Kombëtare kërkojnë më shumë para’ - Fondet e akorduara këtë vit, mbulojnë vetëm gjysmën e aplikimeve
Interesi i lartë i fermerëve për të përfituar nga Skemat Kombëtare në bujqësi vë në presion Ministrinë e Financave që të rrisë fondet për mbështetjen e kësaj......
Sa peshë zë duhani i hapur në konsum? - Kërkohet ligj për taksimin e produktit të kultivuar
Qytetarët shqiptarë konsumojnë mesatarisht 3300 ton cigare në një vit, sasi në të cilën përfshihet duhan i kultivuar apo i hapur dhe cigaret që shihen ne......
Ballkani Perëndimor, “tërheqës” për bankat - Anketimi i Bankës Europiane të Investimeve/ Sfidë, rritja e kredive me probleme
Grupet bankare ndërkombëtare po ruajnë pozitë të fortë në Ballkanin Perëndimor pavarësisht sfidave gjeopolitike. Në këtë përfundim ka arritur një anketim i......
'Dollarizimi' i ekonomisë së Koresë së Veriut, dikur jetik, tani kërcënim potencial për sundimin e Kim!
Koreja e Veriut ka toleruar përdorimin e përhapur të monedhave të huaja më të qëndrueshme si dollarët amerikanë dhe juani kinez që kur një rivlerësim i keq i......
UBS bie dakord me qeverinë zvicerane për garancinë e humbjeve të Credit Suisse!
UBS ka nënshkruar një marrëveshje me qeverinë zvicerane për të mbuluar deri në 9 miliardë franga zvicerane (10.00 miliardë dollarë) humbje nga marrja urgjente......
Rriten lehtë kreditë me probleme - Pranë 5.18% në Prill, niveli më i lartë që prej Korrikut 2022
Treguesi i kredive me probleme është regjistruar në rritje të lehtë gjatë muajit prill të këtij viti, raporton Banka e Shqipërisë nëpërmjet treguesve të......
