Ndryshimet ligjore për zonat e mbrojtura - Shoqatat mjedisore: Nuk vendoset asnjë kufi ndalues. Çdo kompetencë i kalon KKT-së
Organizatat e shoqërisë civile që veprojnë në fushën e mjedisit si dhe ekspertë dhe përfaqësues të shquar të botës akademike shprehen kundër mendimit dhe propozimeve të paraqitura nga Këshilli i Ministrave, pas ndryshimeve të kërkuara nga 12 deputetë të maxhorancës në ligjin “Për zonat e mbrojtura”.
“Nëse me parlamentin kishim shiun, tani kemi breshërin. Pra, nga shiu, në breshër. Përfituesi më i madh është Këshilli Kombëtar i Territorit, i cili rrëmben gjithë pushtetet dhe politikat në zonat e mbrojtura. Projektligji, nuk vendos më asnjë kufi ndaj veprimtarive shkatërruese. Pra, këtu vetëm qielli është kufiri”, - tha Taulant Bino, president i Shoqatës Ornitologjike të Shqipërisë.
Gjatë konferencës për shtyp, ata kërkuan publikimin e draftit nga ana e parlamentit, pasi aktualisht ai iu është dërguar vetëm deputetëve, ndërsa shtuan se kanë kërkuar edhe ndërhyrjen e institucioneve të Bashkimit Evropian, si dhe konventave ndërkombëtare.
“Patjetër, kemi vënë në dijeni edhe koneventat ndërkombëtare: Konventën e Bernës, por edhe Unionin Ndërkombëtar për Ruajtjen e Natyrës dhe ata kanë shprehur shqetësimin”, - tha Olsi Nika, drejtor ekzekutiv i organizatës EcoAlbania.
“Kemi patur takime të ndryshme ku kemi kërkuar ndërhyrjen e Komisionit Europian, në përputhje me të gjitha direktivat që preken, në përputhje me të gjithë rrjetin e zonave të mbrojtura të Shqipërisë, që përmban brenda tij edhe rrjetin EMERALD, rrjetin e ardhshëm Natyra 2000. Përveç kësaj ka iniciativa për kontakte me Parlamentin Europian, që do të thotë që qëndrimi ndaj integrimit të Shqipërisë ka për të qenë shumë kritik”, - thotë Bino.
Ndërkaq, sipas ekspertit Zef Preçi përpara ndryshimeve, është domosdoshmëri kryerja e një analize të detajuar të legjilacionit aktual.
“Ndërhyrjet që propozohen, pa iu nënshtruar një filtrimi se ku ka çaluar kuadri ligjor i derisotëm dhe njëkohësisht duke u larguar nga aktet ndërkombëtare në të cilat Shqipëria është pjesë dhe nga kuadri ligjor që ka miratuar mbi këtë bazë krijojnë terren për të forcuar pandëshkueshëmrinë dhe për të zhbërë në tërësinë e tyre zonat e mbrojtura. Pra, do të kemi një tip zonash të mbrojtura model shqiptar, por kurrsesi nuk do të kemi atë që vendi është shprehur në masterplane, strategji zhvillimore, etj.”, - thotë eksperti i ekonomisë, Zef Preçi.
Projektligji i propozuar nga deputetët e Partisë Socialiste ishte parashikuar të miratohej në seancën parlamentare të datës 15 shkurt, por më pas u hoq nga rendi i ditës.
Ola Mitre / SCAN
Sondazh
Sa kompani amerikane ka në Shqipëri? - Sektorët ku operojnë, nga shërbimet e konsulencës te pasuritë e patundshme
Prezenca e kompanive amerikane në vendin tonë është rritur ndjeshëm, kjo për shkak të marrëdhënieve të mira në nivel politik midis Shqipërisë dhe Shteteve të......
Analiza/ Ku janë përqendruar investimet amerikane në Shqipëri - Shifrat tregojnë fokusin në sistemin financiar dhe energjetikë e gaz
Sipas të dhënave nga "Banka e Shqipërisë", Shtetet e Bashkuara të Amerikës janë investitori i gjashtë më i madh në vendin tonë, të paktën sa i takon 9-mujorit......
FMN jep formulën e re për rritjen e pagave në Shqipëri - “Puna të mos matet me orë qëndrimi, por produktivitet”
Ndërsa për qeverinë shqiptare mbetet sfidë frenimi i emigrimit të fuqisë punëtore, e cila synohet te adresohet përmes rritjes së pagave, Fondi Monetar......
Bombë demografike në Europë pavarësisht masave të qeverive - Numri i lindjeve në gjendje stanjacioni prej një dekade
Qeveritë në Europë prej kohësh po shpërndajnë miliarda euro për të nxitur lindshmërinë. Por deri më sot nisma nuk ka dhënë sukses, pasi prej një dekade numri i......
Çmimet e energjisë, OSHEE miraton paketat - Liberalizimi i tregut, Karakaçi: 99% e bizneseve nuk janë larguar nga FTL
Operatori i Shpërndarjes së Energjisë Elektrike ka miratuar tarifat për bizneset që kanë dalë në treg të lirë energjie dhe që zgjedhin si furnizues Furnizuesin......
BRICS: Milionerët do të rriten në 10 vitet e ardhshme - Vendet që sfidojnë rendin global dhe vendosen si një rival i fortë i G7
BRICS sfidon G7 dhe për sa i përket numrit të milionerëve. Sipas parashikimeve numri i milionerëve në vendet BRICS pritet të rritet me 85% gjatë 10 viteve të......
Bizneset, 3.3 miliardë lekë fitime -Tregtia dhe Energjia elektrike me performancën më të lartë
INSTAT ka publikuar së fundmi të dhënat nga “Anketa Strukturore pranë Ndërmarrjeve” të cilat na sigurojnë një rezyme më të qartë mbi strukturën ekonomike,......
Plakja dhe fuqia punëtore “kambanë” për vendin - Konferenca me BB dhe FMN/ Investime për të ruajtur kapitalin njerëzor
Plakja e popullsisë, ulja e produktivitetit në punë dhe mungesa e fuqisë punëtore janë sfidat më të ndjeshme me të cilat po përballet vendi, të cilat po e......
