Mete në Ministerialin e Shkupit: Prezantohet Plani i ri i Rritjes për Ballkanin Perëndimor!
Ministri i Financave dhe Ekonomisë, Ervin Mete, mori pjesë në Ministerialin “Forcimi i konvergjencës socio-ekonomike mes Bashkimit Europian dhe Ballkanit Perëndimor për integrim të përshpejtuar në BE”, i cili u zhvillua në Shkup, Maqedoni e Veriut ku u prezantua Plani i ri Rritjes për Ballkanin Perëndimor, i cili përfshin 6 miliardë euro grante dhe kredi dhe synon të sjellë përfitime për vendet e BP përpara anëtarësimit në BE, nxitjen e rritjes ekonomike dhe përshpejtimin e konvergjencës socio-ekonomike mes Ballkanit Perëndimor dhe BE.
Pjesëmarrës ishin Ministrat e Financave dhe Ekonomisë të Ballkanit Perëndimor, Kryenegociatorët, Drejtori i Përgjithshëm për Fqinjësinë dhe Negociatat e Zgjerimit në KE, Gert Jan Koopman, përfaqësues të tjerë të Bashkimit Europian, të cilët diskutuan mbi mundësitë për të maksimizuar përfitimet nga Plani i ri i Rritjes.
Në fjalën e tij, Ministri Ervin Mete shprehu mirënjohjen në emër të qeverisë shqiptare ndaj Bashkimit Europian për Planin e ri të Rritjes, si një mbështetje që vjen në një moment kritik për rajonin dhe Europën. Ministri tha se kjo mbështetje do të shërbejë si një shtysë për vijimin e reformave nga vendet e Ballkanit Perëndimor dhe nxitjen e instrumenteve që aktualisht janë në proces.
Pavarësisht reformave që vendet e Ballkanit Perëndimor po ndërmarrin në drejtim të konektivitetit dhe agjendës së gjelbër, Ministri Mete tha se fokusi i reformave të mëtejshme duhet të ketë një qasje në drejtim të biznesit. Kjo, sipas Ministrit, në mënyrë që të lehtësohet mënyra e të bërit biznesit dhe të përmirësohet klima e biznesit, të mundësohet aksesimi i tregut të Bashkimit Europian përpara së të ndodhë integrimi, të përshpejtohet procesi i integrimit dhe konvergjenca e vendeve të Ballkanit Perëndimor me vendet e BE.
Nga ana tjetër, Ministri Mete theksoi se vendet e Ballkanit Perëndimor duhet të tregohen të afta për të përdorur më së miri instrumentet që do të ofrohen nga Plani i ri i Rritjes dhe të forcojnë kapacitetet e tyre institucionale përthithëse.
Pjesëmarrëse në Ministerial ishte dhe Ministrja e Shtetit dhe Kryenegociatorja, Majlinda Dhuka, e cila në fjalën e saj diskutoi mbi reformat lidhur me avancimin e konvergjencës socio-ekonomike mes vendeve të Ballkanit Perëndimor dhe BE, ndërsa e konsideroi Planin e ri të Rritjes si një platformë kyçe që do të nxisë më tej agjendën e reformave. Kryenegociatorja tha se agjenda e reformave të Shqipërisë është në linjë me kërkesat e BE për anëtarësimin dhe Planin e ri të Rritjes, ndërsa shprehu angazhimin për rritjen e përpjekjeve për të përshpejtuar ritmin e reformave kombëtare.
Plani i ri Rritjes për Ballkanin Perëndimor bazohet në katër shtylla kryesore, të cilat synojnë:
-Rritjen e integrimit ekonomik me tregun e përbashkët të Bashkimit Evropian, me kusht që Ballkani Perëndimor të përafrohet me rregullat e tregut të vetëm;
-Nxitjen e integrimit ekonomik brenda Ballkanit Perëndimor nëpërmjet Tregut të Përbashkët Rajonal, bazuar në rregullat dhe standardet e BE-së, të cilat potencialisht mund të shtojnë ekonomitë e tyre me 10%.
-Përshpejtimin e reformave themelore, duke përfshirë cluster-in e themelorëve, për mbështetjen e Ballkanit Perëndimor drejt anëtarësimit në BE, përmirësimin e rritjes së qëndrueshme ekonomike duke përfshirë tërheqjen e investimeve të huaja dhe forcimin e stabilitetit rajonal.
-Rritjen e asistencës financiare për të mbështetur reformat përmes një Mekanizmi të Reformave dhe Rritjes për Ballkanin Perëndimor për periudhën 2024-2027.
Në bazë të këtij Plani, çdo vend partner i Ballkanit Perëndimor do të ftohet të përgatisë një Agjendë Reformash bazuar në rekomandimet ekzistuese, duke përfshirë ato nga Paketa vjetore e Zgjerimit dhe Programet e Reformës Ekonomike (ERP), thuhet në njoftim.
Edel Strazimiri / SCAN
Sondazh
Ndryshimet në ligjin e emigracionit gjerman: Rregullorja e re për Ballkanin Perëndimor dhe risi të tjera!
Punëdhënësve gjermanë u mungojnë qindra mijëra punëtorë: në IT, në infermieri, në zeje, teknologji, logjistikë dhe shumë sektorë të tjerë. "Ligji për......
Përmbytje, thatësira dhe kriza paniku: Ndryshimet klimatike po peshojnë rëndë tek fermerët europianë!
Thatësira dhe përmbytjet e shkaktuara nga klima po dëmtojnë jetesën dhe shëndetin mendor të fermerëve europianë. Bujqësia europiane është goditur nga një......
Importet, librat dhe pikturat zënë 0.3% - Llogariten në 2.6 miliardë lekë në vitin 2022, Holanda partneri kryesor
Importet e librave, revistave, pikturave, dorëshkrimeve dhe shtypshkrimeve llogariten në 2.6 miliardë lekë, përgjatë vitit 2022, sipas të dhënave të......
Merr fund trafiku rrugor dhe ndotja e ajrit - Revolucioni i taksive ajrore nis në New York dhe Paris
Pyetjes ‘sa kohë duhet për të arritur nga aeroporti JFK në Manhattan’, motori i kërkimit Google jep katër përgjigje: me metro: 60 – 90 minuta me tren......
Emetimet, OKB: Jemi ende “jashtë piste”! - Nuk pritet reduktim i tyre deri në vitin 2030. Vetëm me 2%
Bota po ‘dështon të kontrollojë’ ndryshimet klimatike, sipas paralajmërimeve të OKB-së, pasi një vlerësim i premtimeve aktuale në mbrojtje të klimës tregon......
Gati formula e re e ndihmës ekonomike - Nxirret për konsultim publik “Strategjia Kombëtare për Mbrojtjen Sociale 2024-2030”
Ministria e Shëndetësisë dhe Mbrojtjes sociale ka hartuar dhe nxjerrë për konsultim publik strategjinë kombëtare 2024-2030, që adreson një sërë problematikash......
Mbikalimi më i ngatërruar në botë ndodhet në Kinë - Me 20 korsi, 12 kate i lartë dhe 16 kilometra i gjatë
Mbikalimi Huangjueuan në Kinë konsiderohet si mbikalimi më kompleks në botë dhe është një mrekulli e vërtetë ndërtimi dhe trafiku. Ai konsiderohet si një......
Ndryshojnë preferencat e bankave, kujt po i japin kredi? - Më të parapalqyerat kompanitë e shërbimeve, ulin financimin për ndërtuesit e tregtarët
Viti 2023 ka sjellë një ndryshim të dukshëm të sektorëve të mbështetur me kredi nga bankat. Gjatë gjithë këtij viti është shënuar ngadalësim i rritjes së......
