Me SEPA, 100 milionë euro kursim nga kostot e remitancave - Bizneset do të kursejnë 10 herë më shumë për një transaksion të thjeshtë
Dy ditë më parë, Banka Qendrore dorëzoi zyrtarisht aplikimin për anëtarësimin e Shqipërisë në SEPA, duke u renditur vendi i parë në Rajon që ka përmbyllur me sukses këtë fazë të integrimit në tregun evropian të pagesave.
Në një tryezë të përbashkët të organizuar nga Banka e Shqipërisë, përfaqësuesi i Bankës Botërore, Matija Laco, u shpreh se familjet dhe bizneset shqiptare do të kenë përfitime të mëdha ekonomike nga anëtarësimi i vendit tonë në SEPA.
“Nëse Shqipëria kalon në pagesa digjitale, mund të rrisim 1% të PBB-së. Sistemi i pagesave të modernizuara do të përmirësojë shumë remitancat, pasi emigrantët shqiptarë dhe familjet e tyre mund të kursejnë rreth 100 milionë euro vetëm me kosto remitancash, pra tarifat do të ulen me 3%. Ky nuk është vetëm kursim, por është edhe një rritje e parave që hyjnë në Shqipëri. Sa i takon integrimit në SEPA, nuk kemi të bëjmë vetëm me njerëzit, por edhe me bizneset. Bizneset shqiptare mund të kursejnë 10 herë më shumë për një transaksion të thjeshtë 5000 euro dhe deri në 17 herë më shumë nëse vlera rritet.”
Gjatë fjalës së tij, Guvernatori Gent Sejko theksoi që përmes SEPA-s, qytetarët dhe bizneset shqiptare do të kryejnë pagesa dhe transferta sikur të ishin qytetarë të Bashkimit Evropian dhe anasjelltas.
“Anëtarësimi i përshpejtuar në SEPA garanton trajtimin e shtetasve shqiptarë në mënyrë të njëtrajtshme me ata evropianë në fushën e pagesave. Përmbushja e këtij objektivi shënon dhe një nga hapat e parë drejt realizimit të angazhimeve në kuadër të Planit të ri të Rritjes për Ballkanin Perëndimor, që do të mundësojë përthithjen nga ana e Shqipërisë të fondeve të disponueshme dhe krijimin e një rruge më të qëndrueshme drejt anëtarësimit të vendit brenda vitit 2030, i cili është dhe objektivi jonë.”
SEPA do të sjellë përfitime të shumta për Shqipërinë nga pikëpamja e procesit të integrimit në familjen e madhe evropiane, por dhe për ekonominë shqiptare në fushat e tregtisë, turizmit, investimeve direkte e të tjera.
Ledina Elezi/SCAN
Sondazh
Super tenderët për mirëmbajtjen e rrugëve - ARRSH, 7.3 mld lekë për 4 rajonet e vendit. Parashikohet hapja e garës
Me një fond limit total prej rreth 7.3 mld lekë, Autoriteti Rrugor Shqiptar parashikon hapjen e 4 tenderëve për kontrata punimesh dhe mirëmbajtje të rrugëve......
Produktet jo ushqimore, të gjitha në “filtër” kontrolli - Zgjerohet gama, nga ato elektronike, artikujt për fëmijë dhe deri tek veshjet
Më shumë operatorë biznesi dhe produkte jo ushqimore do të jenë në fokus të kontrolleve zyrtare sa i takon sigurisë nga Inspektorati Shtetëror i Mbikëqyrjes së......
Cili është rregulli 90-ditor i Europës? Shqipëria, Qiproja, Irlanda nuk janë pjesë e tij!
Po planifikoni një vit për të eksploruar Europën? Rregulli '90-ditor' ka të ngjarë t'ju tërheqë: ai përcakton që shtetasit jo-BE me një vizë të vlefshme mund......
Prodhuesit kinezë të automjeteve kalojnë rivalët amerikanë në shitje për herë të parë!
Kompanitë e automobilave në Kinë shitën më shumë makina se homologët e tyre në SHBA për herë të parë vitin e kaluar, të rritura nga BYD dhe rritjes në tregjet......
Çmimet e birrës në Europë dhe Shqipëri: Sa do të paguajnë fansat gjatë Euros 2024?!
Është koha për Kampionatin Europian 2024. Tifozët e futbollit po përgatiten për emocionet e ndeshjeve, dhe për shumë, kjo do të thotë të shijojnë një birrë......
Si është mbyllur kjo javë për valutat kryesore?
Dollari amerikan vijon të fitojë pikë duke e mbyllur këtë javë pozitivisht teksa është blerë sot me 92.9 lekë dhe është shitur me 93.9 lekë sipas kursit të......
Dhjetë vendet më të mira në botë për punëtorët - Në tre vendet e para janë Finlanda, Danimarka dhe Islanda
Shumica prej nesh e kalojnë pjesën më të madhe të jetës duke punuar, kështu që nuk është çudi që puna jonë mund të ketë një ndikim të madh në shëndetin dhe......
Fitimet e Euro 2024 - Bonuset e UEFA për ekipet pjesëmarrëse
Nis Euro 2024. Vëmendja kthehet te fitimet që UEFA do t'u japë ekipeve pjesëmarrëse. Shuma e çmimit është një aspekt vendimtar i garës, duke reflektuar......
