Me Kinën në fokus, Biden premton 150 milionë dollarë investime udhëheqësve të ASEAN!
Presidenti i SHBA Joe Biden hapi një mbledhje të liderëve të Azisë Juglindore me një premtim për të shpenzuar 150 milionë dollarë për infrastrukturën e tyre, sigurinë, gatishmërinë ndaj pandemisë dhe përpjekje të tjera që synojnë t’i kundërvihet ndikimit të Kinës rivale.
Të enjten, Biden filloi një samit dy-ditor me Shoqatën 10-vendesh të Kombeve të Azisë Juglindore (ASEAN) në Uashington me një darkë për udhëheqësit në Shtëpinë e Bardhë përpara bisedimeve në Departamentin e Shtetit të premten.
Biden buzëqeshi gjerësisht ndërsa bëri një foto në grup në lëndinën jugore të Shtëpisë së Bardhë përpara darkës me përfaqësues nga Brunei, Indonezia, Kamboxhia, Singapori, Tajlanda, Laosi, Vietnami, Malajzia dhe Filipinet.
Ndërsa pushtimi rus i Ukrainës është në rendin e ditës, administrata e Biden shpreson se përpjekjet do t'u tregojnë vendeve se Uashingtoni mbetet i fokusuar në Indo-Paqësorin dhe sfidën afatgjatë të Kinës, të cilën e sheh si konkurrentin kryesor të vendit.
Vetëm në nëntor, Kina premtoi 1.5 miliardë dollarë ndihmë zhvillimi për vendet e ASEAN-it gjatë tre viteve për të luftuar COVID dhe për të nxitur rimëkëmbjen ekonomike.
Angazhimi i ri financiar përfshin një investim prej 40 milionë dollarësh në infrastrukturë që synon të ndihmojë në dekarbonizimin e furnizimit me energji elektrike të rajonit dhe 60 milionë dollarë në sigurinë detare, si dhe rreth 15 milionë dollarë financim shëndetësor për të ndihmuar në zbulimin e hershëm të COVID-19 dhe pandemive të tjera të frymëmarrjes. Financimi shtesë do t'i ndihmojë vendet të zhvillojnë ligjet e ekonomisë dixhitale dhe të inteligjencës artificiale.
Roja Bregdetare e SHBA-së do të vendosë gjithashtu një anije në rajon për të ndihmuar flotat lokale të kundërshtojnë atë që Uashingtoni dhe vendet në rajon e kanë përshkruar si peshkim të paligjshëm të Kinës. Megjithatë, angazhimet zbehen në krahasim me lidhjet dhe ndikimin e thellë të Kinës.
Biden po punon për më shumë iniciativa, duke përfshirë investimet në infrastrukturën "Ndërtoni një botë më të mirë" dhe një Kuadër Ekonomike Indo-Paqësor (IPEF). Por asnjëra nuk është finalizuar. Samiti shënon herën e parë që liderët e ASEAN-it mblidhen si grup në Shtëpinë e Bardhë dhe takimi i tyre i parë i organizuar nga një president i SHBA-së që nga viti 2016.
Edel Strazimiri / SCAN
Sondazh
Borrell: BE-ja do të japë 500 milionë euro ndihmë të re ushtarake për Ukrainën!
Shefi i politikës së jashtme të BE-së, Josep Borrell, tha të premten se blloku do të sigurojë një mbështetje të mëtejshme ushtarake me vlerë 500 milionë euro......
Pyetja ‘prej 5 mijë dollarë’ që e ndihmoi këtë 25-vjeçare të negocionte pagën e saj!
Hannah Williams nuk e ka problem të ndajë me të tjerët sa fiton dhe madje nuk e ka problem as të pyesë njerëzit e tjerë për pagën e tyre. Gjatë ditës,......
Raporti: Kush janë qytetet më të shtrenjta në botë / Ndryshon renditja nga viti i kaluar
Gazeta financiare The Economist publikoi së fundmi listën e 2021 të qyteteve më të shtrenjta në botë. Sondazhi, shpjegon botimi, është bërë përmes The......
497 shërbime online në e-Albania - Gjokuta: Jemi në shërbim të qytetarëve!
Aktualisht qeveria shqiptare është duke zbatuar një nga reformat më të rëndësishme në ofrimin e shërbimeve publike ndaj për momentin 497 shërbime po ofrohen......
G7 do të shmangë bllokadën ruse të drithërave në Ukrainë!
Miliona ton drithëra nuk mund të eksportohen, lufta në Ukrainë ka pasoja masive ndaj sigurisë për ushqime në mbarë botën. Vendet e industrializuara të grupit......
Dollari dhe Paundi në pozicion force ndërsa Franga zvicerane dobësohet ndjeshëm!
Dollari amerikan pas një rritje të ndjeshme deri pasditen e djeshme ka pasur një rënie të lehtë të kuotës këtë mëngjes teksa është blerë me 114.7 lekë dhe......
Gazetari i ekonomisë që u bë Guvernatori i parë në historinë e Bankës së Shqipërisë! Jeta e panjohur e bankierit Mario Alberti
Nga Kreshnik KUÇAJ/SCAN Për herë të parë në historinë e saj, Shqipëria pati funksionale bankën qendrore të emërtuar Banka Kombëtare e Shqipnis’ në vitin......
Shfaqen dyshime mbi propozimin e Macron për 'komunitetin' e ri të shteteve aspirante në BE!
Presidenti i Francës Emmanuel Macron ka ringjallur një ide të vjetër dekadash me një propozim për një formë të re të bashkëpunimit europian që shkon përtej......
