Çfarë ndodh pas vdekjes së Papës? - Hapat për të zgjedhur pasardhësin e ri në krye të Kishës Katolike
Me vdekjen e Papa Françeskut, Kisha Katolike do të fillojë ritualet e detajuara tradicionale që shënojnë fundin e një papati dhe fillimin e një tjetri.
Shumica e tyre drejtohen nga një kushtetutë e njohur si Universi Dominici Gregis, e miratuar nga Papa Gjon Pali II në vitin 1996 dhe e rishikuar nga Papa Benedikti XVI në vitet 2007 dhe 2013.
Një kardinal i njohur si kamerleng, aktualisht irlandezo-amerikani Kevin Farrell, do të drejtojë punimet e zakonshme të Kishës Katolike Romake me gati 1.4 miliardë anëtarë gjatë periudhës së njohur si "sede vacante" (karrige bosh).
Ai konfirmon zyrtarisht vdekjen e Papës, një çështje e thjeshtë në ditët e sotme, që përfshin një mjek dhe një certifikatë vdekjeje. Deri në shekullin e 20-të, kjo bëhej duke trokitur një çekiç argjendi në ballin e papës tre herë. Kamerlengu dhe tre asistentë sigurohen që "Unaza e Peshkatarit" e papës dhe vula e tij të jenë të thyera, në mënyrë që të mos përdoren nga askush tjetër. Nuk kryhet autopsi në trupin e tij.
Krerët e shumicës së departamenteve të Vatikanit japin dorëheqjen derisa papa i ri t'i konfirmojë ose zëvendësojë ata.
Ritet e zisë zgjasin nëntë ditë, me datën e funeralit dhe varrimit që do të vendoset nga kardinalët. Papa Françesku, i cili shmangu shumë nga privilegjet e udhëheqjes së Kishës Katolike globale, modifikoi dhe thjeshtoi ritet e varrimit të papës në vitin 2024.
Mesha e varrimit pritet të mbahet ende në Sheshin e Shën Pjetrit, por ndryshe nga shumë paraardhës, Françesku kërkoi të varrosej në Bazilikën e Shën Marisë së Madhe të Romës për të qenë pranë ikonës së tij të preferuar.
Françesku gjithashtu kërkoi të varrosej në një arkivol të thjeshtë prej druri, ndryshe nga paraardhësit që u varrosën në tre arkivole të ndërthurura prej selvie, plumbi dhe lisi. Ai kërkoi që trupi i tij të mos ekspozohej mbi një platformë të ngritur, ose katafalk, në Bazilikën e Shën Pjetrit, që ta shihnin vizitorët e Romës, siç ndodhte me papët e mëparshëm.
KONKLAVA
Kardinalët nga e gjithë bota mblidhen në Romë pas vdekjes së një pape. Ata mbajnë takime të përditshme të njohura si kongregacione të përgjithshme për të diskutuar çështjet e Kishës dhe për të paraqitur karakteristikat që secili beson se duhet të ketë papa i ri. Kardinalët e moshës 80 vjeç e lart mund të marrin pjesë në konklavat e përgjithshme, por nuk lejohen të hyjnë në konklavë për të zgjedhur Papën e ardhshëm.
Tradicionalisht, një periudhë zie prej 15 ditësh mbahet përpara se të fillojë një konklavë. Përpara se të jepte dorëheqjen në vitin 2013, Papa Benedikti modifikoi kushtetutën për të lejuar që ajo të fillonte më shpejt nëse kardinalët do të donin, ose maksimumi 20 ditë pas vdekjes nëse disa prej tyre hasin vështirësi për të shkuar në Romë.
Konklava mbahet në Kapelën Sistine. Fjala “konklavë” vjen nga latinishtja, që do të thotë "me çelës". Ajo rrjedh nga një traditë që filloi në shekullin XIII, ku kardinalët mbylleshin brenda, një formë për t'i nxitur të vendosnin sa më shpejt dhe të kufizonin ndërhyrjet e jashtme.
Këto ditë pjesëmarrësve u ndalohet çdo komunikim me botën e jashtme. Telefonat, interneti dhe gazetat nuk lejohen dhe policia e Vatikanit përdor aparate elektronike për të siguruar zbatimin e rregullave.
Për zgjedhje, nevojitet një shumicë prej dy të tretash plus një. Nëse askush nuk zgjidhet pas 13 ditësh, mbahet një balotazh midis dy kandidatëve kryesorë, por ende nevojitet një shumicë prej dy të tretash plus një. Kjo synon të promovojë unitetin dhe të dekurajojë zgjedhjen e kandidatëve me kompromis.
Kur konklava zgjedh Papën, ai pyetet nëse pranon dhe cilin emër dëshiron të marrë. Nëse refuzon, procedura fillon nga e para.
Sondazh
Kina kufizon eksportet e mineraleve - Kontrollet e metaleve kritikë “godasin” furnizimin ndërkombëtar
Kontrollet e eksporteve të Kinës për tre metale të rëndësishme në sektorët e mbrojtjes dhe çipeve po i mbajnë dërgesat në nivele historikisht të ulëta......
Ndërron jetë Papa Françesku - Një zë për të varfrit që riformësoi Kishën Katolik
Papa Françesku, një zë për të varfrit që riformësoi Kishën Katolike, por u përball me rezistencë të ashpër, ka ndërruar jetë në moshën 88-vjeçare, njoftoi......
Bimët mjekësore shqiptare rrisin praninë në SHBA - Kompanitë amerikane blenë 177 ton prodhim “Made in Albania”
Edhe pse ende nuk ka hyrë në fuqi, tarifa prej 10% e vendosur nga presidenti amerikan Donald Trump për mallrat e importuara nga Shqipëria ku një sektor që......
“Roli i gruas në shoqëri po rritet” - Shqipëria 2030, Rama: Kemi më shumë sipërmarrëse femra
Kryeministri i vendit, Edi Rama, në një takim me gratë në qytetin e Kavajës theksoi se roli i gruas në shoqëri po vazhdohet të fuqizohet, çka pasqyrohet......
Tokat pa tapi, dalin në shitje me 1 euro - Në Maj hyn në fuqi “Paketa e Maleve”, kriteret kush përfiton
“Paketa e Maleve” e cila synon të tërheqë investime në zonat me përparësi zhvillimi, të fuqizojë ekonomitë lokale si dhe të nxisë punësimin është botuar në......
Shkodra, 793 terminale të reja POS në 2024 - Në cilat rajone po nxiten më tepër pagesat elektronike? BSH: Tirana, rritjen më të vogël
Bizneset e Shkodrës dhe të Lushnjes janë ato që kanë instaluar më shumë terminale POS në 2024. Megjithëse Tirana ka numrin më të madh të këtyre terminaleve,......
Centralet e rinj prodhuan 1.81% të energjisë - ERE: Kapaciteteve prodhuese iu shtuan 26 impiante, 18 prej tyre janë diellore
1.81% e energjisë elektrike u prodhua nga impiantet që hynë në prodhim gjatë vitit 2024. Sipas të dhënave nga Enti Rregullator i Energjisë, gjatë vitit që......
A mund të anëtarësohet Kanadaja në BE? - Tensionet me Trump “nxisin” qytetarët të kërkojnë bashkimin
Ndërsa Presidenti i SHBA-së Donald Trump po përmbys marrëdhëniet me fqinjin e tij verior nëpërmjet tarifave ndëshkuese dhe postimeve agresive në mediat......
