Ky vend ka numrin më të lartë të mini marketeve për frymë! Çfarë i bën këto dyqane kaq të veçanta?
Edel Strazimiri / SCAN
Koreja e Jugut është bërë mbreti global i dyqaneve me produkte ushqimore dhe jo vetëm, si në internet ashtu edhe jashtë tij. Deri në fund të vitit të kaluar, kishte më shumë se 55,200 minimarkete në kombin prej 52 milionë banorësh, sipas Korea Convenience Store Industry Association afërsisht një për çdo 950 njerëz. Ky është më shumë se numri i përgjithshëm i degëve të McDonald's në mbarë botën dhe i jep Koresë së Jugut densitetin më të lartë të dyqaneve për frymë, duke kaluar Japoninë dhe Tajvanin, të dyja të famshme për dyqanet e tyre të bollshme dhe të gjithanshme.
Është shumë larg vendeve si Shtetet e Bashkuara, ku dyqanet zakonisht janë të lidhura me pikat e karburantit ose qendrat tregtare dhe rrallëherë shihen në zonat e banuara, pjesërisht për shkak të ligjeve të zonimit. Në qytetet e mëdha të Koresë së Jugut si Seuli, mini marketet janë në çdo cep, ndonjëherë me pika të shumta shitjeje nga kompani konkurruese që ndodhen në të njëjtën rrugë.
Ka disa gjëra që i veçojnë këto dyqane të Koresë së Jugut. Si fillim, ato janë “one-stop shop” që ofron gjithçka, nga ushqimi dhe pijet deri te mallrat e shtëpisë dhe shërbimet e stilit të jetesës. Në këto dyqane, klientët mund të karikojnë telefonat e tyre, të paguajnë faturat e shërbimeve, të tërheqin para, të bëjnë porosi online dhe të marrin dërgesa dhe, në vende të caktuara, madje të ngarkojnë skuterat e tyre elektrike, të shkëmbejnë valutë dhe të dërgojnë postë ndërkombëtare.
Pastaj ka seksionin e ushqimit një shumëllojshmëri të gjerë duke filluar nga supa ‘miso’ gjysmë e gatshme deri te ‘noodles’ me filxhan me çdo shije të imagjinueshme, ushqime si kimbap dhe onigiri dhe komplete ushqimesh gati për t'u ngrënë. Kombinoje këtë me zona ku mund të ulesh brenda dyqanit, mikrovalët dhe shpërndarësit e ujit të nxehtë, dhe këto dyqane janë bërë një vend i përshtatshëm për punonjësit e zyrës që hanë një drekë të shpejtë, për festuesit që kanë nevojë për një nxitje në orët e vona të natës dhe për studentët që ushqehen përpara orëve të vështira të shkollës.
Kërkesa është rritur me kalimin e viteve ndërsa Koreja e Jugut është urbanizuar. Më shumë se 80% e popullsisë tani jeton në qendrat urbane, me shumë banorë që largohen nga zonat rurale për t'u vendosur në qytete me ritme të shpejta. Një faktor tjetër është demografia. Më pak koreano-jugorë po martohen ose po krijojnë familje, që do të thotë se ka më shumë familje me një person se kurrë dhe shpesh me buxhete më të shtrënguara, duke pasur parasysh vështirësitë ekonomike me të cilat përballen shumë të rinj në moshë madhore.
Që nga viti 2021, rreth 35% e të gjitha familjeve të Koresë së Jugut ishin banorë beqarë, sipas një raporti të McKinsey të publikuar marsin e kaluar. Dhe ndryshe nga çiftet ose familjet e mëdha, të cilët mund të preferojnë të gatuajnë në shtëpi dhe të blejnë me shumicë nga dyqanet ushqimore, banorët beqarë gravitojnë drejt opsionit të lirë e të lehtë të këtyre llojeve të dyqaneve ose porositjes në internet.
Pandemia e Covid-19 kontribuoi në këtë trend, me njerëzit që preferojnë të porosisin në internet ose të blejnë gjëra shpejt nga dyqanet afër shtëpisë, shtoi raporti. Kompanitë e kanë kapitalizuar këtë kërkesë të lartë duke hapur në mënyrë strategjike dyqane brenda ambienteve të tjera ekzistuese të biznesit ose hapësirave argëtuese. Për shembull, Seuli ka dyqane të tilla brenda në bare karaoke dhe qendrën e artit të qytetit, thuhet në raportin e Deloitte.
E gjithë kjo është përkthyer në fitime të mëdha. Midis 2010 dhe 2021, të ardhurat koreane të mini marketeve u rritën më shumë se katërfish nga 5.8 miliardë dollarë në 24.7 miliardë dollarë, duke tejkaluar supermarketet dhe dyqanet tradicionale, sipas McKinsey, duke cituar kompaninë e kërkimit të tregut me qendër në Londër, Euromonitor.
Këto dyqane komoditeti nuk janë vetëm të njohura në jetën reale, por po fitojnë tërheqje edhe në mediat sociale, duke reflektuar fenomenin global që shumë e quajnë "vala koreane". Eksportet e Koresë së Jugut kanë përfshirë botën në dy dekadat e fundit, nga K-pop dhe dramat televizive koreane te produktet e bukurisë, moda dhe ushqimi. Vitin e kaluar, obsesioni global me artikujt koreanë e ka kthyer vëmendjen te dyqanet komode të vendit.
Një kërkim i shpejtë në YouTube, TikTok ose Instagram tregon një furnizim të pafund videosh rreth dyqaneve koreane. Në këto klipe, influencuesit tregojnë stacionet e menjëhershme të ramen në dyqan, rishikojnë ushqimet dhe pijet ose ndjekin tendencat në internet, si p.sh. të hahet vetëm ushqime të dyqaneve komode për një ditë të tërë. Këto video kanë rezultuar të jenë një strategji fituese për krijuesit e tyre. Kompanitë koreane të dyqaneve janë bërë aq të suksesshme sa po zgjerohen edhe jashtë shtetit. Tre nga markat më të mëdha CU, GS25 dhe Emart24 tani kanë dyqane në pjesë të Azisë Juglindore duke përfshirë Vietnamin dhe Malajzinë.
Sondazh
Balluku takim me homologun italian Salvini: Program ambicioz bashkëpunimi në energji, infrastrukturë dhe transport!
E . S / SCAN Zëvendëskryeministrja dhe Ministre e Infrastrukturës dhe Energjisë, Belinda Balluku zhvilloi në Romë një takim pune me homologun e saj italian......
Nis ndarja e fondeve për subvencionet në bujqësi - Financim në masën 100% për grupimet e fermerëve dhe blegtorëve
Ada Hazizolli/SCAN Ministria e Bujqësisë ka nisur ndarjen e fondeve për fermerët dhe blegtorët, të cilët u shpallën fitues nga programet e mbështetjes të......
Zgjerimi i aktivitetit minerar - Hapet procedura konkurruese për 3 zona, fokusi te guri gëlqeror dhe ai dekorativ
Ola Mitre / SCAN Ministria e Infrastrukturës dhe Energjisë ka shpallur ftesën për pjesëmarrje në procedurën konkurruese për 3 leje të reja minerare. Sipas......
Kontrolli fizik i makinave, në ambientet e subjekteve - Risia, si do të kryhet regjistrimi pa shkuar në pikat e kolaudimit?
Diamila Leka/ Scan Drejtoria Rajonale e Shërbimeve të Transportit Rrugor ka sjellë një risi duke lehtësuar kryerjen e kontrollit Fizik të mjeteve. Kjo......
A është dushi i ftohtë i mirë për shëndetin? Ja çfarë thotë shkenca!
Edel Strazimiri / SCAN Ju mund të keni parë njerëz që kërcejnë në ujëra e dete të acarta ose banja elegante me akull, duke pretenduar se këto janë të mira......
OKB paralajmëron: Jemi shumë larg objektivit për të zhdukur urinë deri në vitin 2030!
Edel Strazimiri / SCAN Komuniteti ndërkombëtar është larg objektivit të tij për të zhdukur urinë deri në vitin 2030, sipas një raporti të Organizatës së......
Italia, gati planin e “Korridorit të hidrogjenit” - Projekti për transportin nga Mesdheu Jugor deri në Europën Veriore
Dorina Kurtaj /SCAN Italia do të organizojë një takim në vjeshtë për të paraqitur një rrjet për transportin e hidrogjenit nga Mesdheu jugor në Europën......
Parisi ul me 41% çmimet e hoteleve - Në pritje të turistëve për Lojërat Olimpike
Dorina Kurtaj / SCAN Çmimet e hoteleve në Paris në kuadër të Lojërave Olimpike kanë rënë pothuajse në gjysmën e normës së tyre maksimale, me hotelierët që......
