Kush është Elisabeth Borne, kryeministrja e re e Francës?!
Presidenti francez Emmanuel Macron emëroi si kryeministre ministren e Punës, Elisabeth Borne. Është hera e dytë që një grua merr këtë post, dhe Borne do të nevojitet sidomos për menaxhimin e krizave.
Emërimin e saj si kryeministre Elisabeth Borne ia dedikoi „të gjitha vajzave të vogla" të Francës, të cilave ajo u tha „ta çojnë rrugën e tyre deri në fund". Ajo çka është normale në shumë vende të Europës, vazhdon ende të tërheqë vëmendjen në Francë: Ministrja e punës në qeverinë e Macron është gruaja e dytë, që emërohet kryeministre e vendit. 30 vjet më parë, ka qenë Edith Cresson ajo që e morri këtë post, në kohën kur president ishte Francois Mitterand, dhe duke folur tani për gazetën e së dielës, "Journal de Dimanche" ajo tha me hidhërim për përvojën e saj: „Nuk është vendi maskilist, është klasa politike".
Pse Elisabeth Borne?
Franca e viteve 1990, nuk krahasohet me Francën e Emmanuel Macron, i cili që gjatë fushatës elektorale bëri të ditur se do patjetër që postin e kryeministrit ta marrë një grua. Elisabeth Borne, nuk do i duhet më të që të konfrontohet me rezistencën dhe mungesën e respektit të asaj kohe. Po pse iu desh presidentit koha rekord prej tri javësh, për të emëruar më në fund kryeministren? Gjatë kësaj kohe qarkulluan gati një duzinë emrash të tjerë, duke filluar që me shefen e Bankës Qendrore Europiane, Christine Lagarde, ministren e Mjedisit, zëvendëskryetaren e Asamblesë së Përgjithshme dhe një seri politikanesh të tjera. Në fund Macron vendosi të emërojë një grua që vlerësohet si teknokrate, që ka shumë përvojë me aparatin qeveritar dhe është pak karizmatike dhe komunikuese sipas specialistëve të fushës.
Kush është Elisabeth Borne?
Elisabeth Borne ka studiuar inxhinieri dhe është ngjitur në postin e shefes strategjike të hekurudhës SNFC, duke qenë gruaja e parë që ka marrë këtë post. Më pas ajo ka punuar në Ministrinë e Mjedisit për kandidaten e pasuksesshme për presidente të socialistëve. Në vitin 2017 ajo u bë ministre Transporti, Mjedisi dhe në fund ministre e Punës në kabinetin e Emmanuel Macron.
Ajo vlerësohet si e zonja për të mbyllur çështjet, si serioze dhe e përqendruar në detaje, atribute që do i hyjnë në punë në postin e ri sepse në Francë, për planet e mëdha dhe fjalimet e mëdha është presidenti përgjegjës, kryeministrja duhet të zbatojë politikën e tij si dhe të manaxhojë krizat që krijohen prej saj. Dhe duke pasur parasysh sasinë e konflikteve dhe planet reformuese të Francës, ajo ka përpara vite të vështira.
A është kryeministrja majtas apo djathtas, apo është vetëm ‘Makroniste’?
Elisabeth Borne shihet si pjesë e të majtëve të moderuar, pra e ish-socialistëve, gjë që ka qenë vendimtare për emërimin e saj. Emërimi i saj ka të bëjë me taktikë zgjedhore, sepse në zgjedhjet parlamentare që priten të mbahen në muajin qershor, Emmanuel Macron sheh rrezik nga një e majtë e bashkuar rreth Jean-Luc Mélenchon, me pjesëmarrje të një pjese të të Gjelbërve dhe ish-socialistëve dhe të drejtuar nga ideologjia e tij ekstreme e majtë.
Marine Le Pen, si kandidate e pasuksesshme për presidente e së djathtës ekstreme, duket se e sheh kryeministren e re me të njëjtën urrejtje siç sheh rivalin e saj nga e majta ekstreme. Toni në politikën franceze është po ashtu i ashpër.
Detyra të vështira dhe kriza që po afrojnë
Aktiviteti i parë në detyrë për Elisabeth Borne do ketë të bëjë me kompesime për fuqinë blerëse duke pasur parasysh çmimet në rritje në Francë. Këtu bën pjesë mbulimi i faturave për gaz dhe rrymë elektrike si dhe zgjatja e uljes së taksave të benzinës. Emmanuel Macron i ka premtuar këto ndihma gjatë fushatës elektorale dhe përfitimet nga bamirësitë do të jenë të dobishme javët e ardhshme, deri në mbajtjen e zgjedhjeve parlamentare të qershorit.
Por pas tyre ngjitja politike do jetë e vështirë. Mes detyrave kryesore të Elisabeth Borne bën pjesë rindërtimi ekologjik i Francës i cili nga njëra anë kushton shumë para, gjë që është e vështirë të financohet për shkak të rritjes masive të borxheve dhe nga ana tjetër kërkon nga francezët që të sakrifikojnë, gjë që mund të çojë në valë të reja protestash. Pikërisht shtesat ekologjike në taksimin e benzinës çuan në vitin 2018 në protestat e Jelekëverdhëve. Kryeministres do t'i hyjë në punë vendosmëria, që thonë se e ka, për të sjellë ndryshime në mbrojtjen e mjedisit.
Por detyra më e vështirë e saj do të jetë reforma e pensioneve. Edhe nëse në pjesën tjetër të Europës rritja e njoftuar e moshës së daljes në pension në 65 vjeç duket si film absurd, në Gjermani për shembull ka vite që mosha e daljes në pension është rritur në 67 vjeç, në Francë janë programuar greva dhe përleshje në rrugë nëse projektligji i pensioneve futet në axhendë.
Por në periudhën e dytë të qeverisjes së Macron, ka më shumë tema të tjera sociale të shoqëruara nga konflikte: Zgjedhjet e fundit me fitore të thellë të së majtës ekstreme nga njëra anë dhe të së djathtës ekstreme nga ana tjetër tregojnë për përçarje të thellë të vendit.
Popullsia rurale ndihet e lënë pas dore nga kultura dhe diskutimi që bëhet në qytete dhe në shtetin më të shtrenjtë social të Europës, tek shumë francezë sundon thellë ndjenja e padrejtësisë sociale. Presidenti ka premtuar qeveri për të gjithë francezët. Por është kryeministrja e re, që duhet të kujdeset në llumin e së përditshmes që reformat e tij të zbatohen dhe që vendi të mos përçahet edhe më shumë. DW
E . S / SCAN
Sondazh
Sa ju bindin programet ekonomike të partive për zgjedhjet e 11 majit 2025?
-
Janë të detajuara dhe të realizueshme
-
Kanë ide të mira, por mungojnë detajet e zbatimit
-
Janë premtime të parealizueshme
Forcohen Franga zvicerane dhe Dollari amerikan ndërsa Euro qëndron konstant!
Dollari amerikan ka rikuperuar pikë këtë mëngjes pasi në raport me dje ka regjistruar një rritje të lehtë vlerës teksa blihet sot me 113.9 lekë dhe shitet me......
Studim i ri: Metaverse mund të shtojë 3 trilion dollarë në ekonominë globale brenda një dekade
Metaverse mund të kontribuojë me 3 trilion dollarë në PBB-në globale brenda një dekade, nëse evoluon në të njëjtën mënyrë që teknologjia celulare ka për sa i......
Tender për ankesat e bizneseve për tenderat! Zgjerohet sistemi dhe përfshihen proceset e brendshme administrative
Agjencia Kombëtare e Shoqërisë së Informacionit ka shpallur një tender me fond limit 25 milionë lekë për përmirësimin e zgjerimin e sistemit të ankesave për......
Kamerat e bizneseve dhe individëve do të përdoren nga Policia e Shtetit. Tenderi/ Krijohet harta digjitale në rang kombëtar. Aksesi, vetëm nga një grup i caktuar
Në mbarë vendin, prej vitesh kanë nisur të instalohen kamera në rrugët kryesore me qëllim ruajtjen e sigurisë publike. Po ashtu, janë dhe shumë biznese e......
Ibrahimaj në takimin e OECD: Digjitalizimi i shërbimeve publike, minimizoi efektet negative të pandemisë
Ministrja e Financave dhe Ekonomisë, Delina Ibrahimaj, ka marr pjesë në konferencën e nivelit të lartë mbi Evropën Juglindore me temë “Zhvillimi i kapitalit......
Rregulli i ri i vizave: Aplikimet për Shengen do të bëhen dixhitale për miliona udhëtarë!
Procesi i gjatë i vizave Shengen është vendosur të kalojë plotësisht online në vitet e ardhshme. Sistemi i ri dixhital i propozuar nga Komisioni Europian javën......
Rritet çmimi i naftës në bursa - BE, ende në përpjekje për të ndaluar importin nga Rusia
Çmimi i naftës ka arritur pikën më të lartë, si pasojë dhe nxitja e vazhdueshme e Bashkimit Europian për të ndaluar importin nga Rusia e që do shkaktonte......
Reforma, harta e re e ujësjellësve - Do krijohen 15 kompani/ Tirana “merr” Vorën dhe Kamzën. Çmimet e ujit do unifikohen
Pas miratimit në qeveri, të vendimit që parashikon riorganizimin e shoqërive të ujësjellës-kanalizimeve, është zbardhur harta që përcakton sesi do të jetë......
