Familjet shqiptare zotërojnë rreth 28 miliardë euro/ BSH: Pasuritë financiare, gati 8 herë më shumë se detyrimet në vitin 2023
Të dhënat e “Bankës së Shqipërisë” në publikimin mbi statistikat e llogarive financiare për vitin 2023 tregojnë se ekonomitë familjare zotërojnë rreth 34% të totalit të mjeteve financiare të brendshme. Pasuritë financiare të familjeve shqiptare në formën depozitave, monedhave, kapitalit apo edhe fondeve të investimit arritën në 2.78 trilionë lekë në vitin 2023, ose rreth 28 miliardë euro, duke u rritur kështu me 142 miliardë lekë në harkun kohor të një viti.
Instrumenti kryesor i përdorur nga ekonomitë familjare vijon të jetë “monedha dhe depozitat”, i cili përfaqëson 48.6% të mjeteve financiare të këtij sektori, në fund të 2023. Ndërkohë “kapitali dhe aksione në fonde investimi” përbëjnë rreth 42% të totalit të mjeteve financiare.
Nëse do të analizonim kontributin në zgjerimin e mjeteve financiarë, të dhënat e institucionit bëjnë me dije se kryesisht i atribuohet në masën me të madhe rritjes së investimeve në “kapital dhe aksione në fonde investimi” prej 92 miliardë lekësh, ndjekur nga zgjerimi i “monedha dhe depozitat” prej 33 miliardë lekësh.
Sipas “Bankës së Shqipërisë” mjetet financiare të ekonomive familjare tejkalojnë ndjeshëm detyrimet e këtij sektori. Shifrat tregojnë se detyrimet financiare të ekonomive familjare, në fund të vitit 2023, arritën vlerën e 330 miliardë lekëve, duke u zgjeruar kështu me rreth 29 miliardë lekë.
Detyrimet e ekonomive familjare përbëhen kryesisht nga kreditë hipotekare, të cilat zënë peshën më të madhe të totalit rreth 49%, ndjekur nga kreditë konsumatore me 21% dhe hua të tjera me 22%.
Nga një përllogaritje e thjeshtë shohim se pasuritë financiare të familjeve shqiptare janë rreth 8 herë më të larta se borxhet e tyre, referuar vitit 2023.
Sondazh
Marrëdhëniet tregtare mes Shqipërisë dhe BE-së/ Sa kemi shitur dhe blerë në bllokun prej 27 vendesh?
Në vitin 2023, eksportet e mallrave arritën një total prej 440 miliardë lekësh, duke shënuar një rënie të ndjeshme prej 9.5% krahasuar me vitin paraardhës.......
Shoferët e “vjetër” tregojnë papërgjegjshmëri! Shkaktuan rreth 2 herë më shumë aksidente se ata me pak eksperiencë në timon
Në vitin 2023, janë regjistruar 1,285 aksidente rrugore, ku kanë rezultuar 1,731 persona të përfshirë në aksidente. Aksidentet në 86.4% të rasteve kanë ndodhur......
Shqiptarët shpenzuan 353 milionë euro për "vese"/ Edukimi dhe shëndetësia mbeten në plan të dytë
Sipas të dhënave të publikuara nga Instituti i Statistikave, për anketën e buxhetit të familjes për vitin 2023 rezulton se një familje shqiptare e përbërë......
Shqipëria, akoma vulnerabël ndaj urisë/ Indeksi: Edhe pse larg vendeve me uri të lartë, në 2024 përkeqësohemi në pikëzim
Indeksi Global i Urisë për vitin 2024 e rendit Shqipërinë në vend të 42 mes 127 vendeve të marra në analizë, ndërkohë që vlerësohet me 7.9 pikë. Gjatë vitit......
Sa vlerë ka arsimi në Shqipëri? Familjet me arsim të lartë konsumuan 30 mijë lekë në muaj më shumë se ato me arsim 8/9 vjeçar
Personat me arsim të lartë zakonisht kanë të ardhura më të larta, gjë që rrit kapacitetin e tyre për të shpenzuar dhe konsumuar më shumë produkte ose shërbime.......
Inflacioni dhe papunësia, shqetësimet kryesore të shqiptarëve/ Rritja e çmimeve përbën problemin më të madh për qytetarët e rajonit
Sipas të dhënave të Barometrit të Ballkanit 2024, në një anketim që analizon sfidat kryesore të ekonomive në Ballkanin Perëndimor, rezulton se tre......
Shqipëria dhe Kosova të gatshme për të investuar në inovacion/ 40% e bizneseve në rajon e kanë të pamundur alokimin e fondeve në kërkim&zhvillim
Në një botë ku inovacioni është motori kryesor për zhvillimin ekonomik dhe konkurrencën globale, investimet në kërkim dhe zhvillim janë thelbësore për rritjen......
Kredia për ekonominë u shtua me 13 miliardë lekë në një muaj/ Kjo u mbështet kryesisht nga rritja e kredisë në valutë
Në vitet e fundit, ekonomia shqiptare ka përjetuar një rritje të ndjeshme të totalit të kredisë, duke reflektuar një zhvillim të qëndrueshëm dhe një besim të......
