Shqiptarët shpenzuan 353 milionë euro për "vese"/ Edukimi dhe shëndetësia mbeten në plan të dytë
Sipas të dhënave të publikuara nga Instituti i Statistikave, për anketën e buxhetit të familjes për vitin 2023 rezulton se një familje shqiptare e përbërë mesatarisht nga 3.7 persona, shpenzon mesatarisht në vit 1.1 milionë lekë. Ndërsa, të gjitha familjet shqiptare shpenzuan 831 miliardë lekë në vit. Të dhënat e censit 2023 thonë se në Shqipëri janë gjithsej 755,950 familje.
“Scan Intel” ka analizuar shifrat për të kuptuar se sa shpenzojnë familjet shqiptare dhe si ndahen këto shpenzime? Për çfarë shpenzohet më shumë, po më pak? Në fakt, familjet shqiptare kanë një orientim të qartë drejt shpenzimeve për nevojat bazë, ku dominon kategoria e ushqimit dhe pijeve jo-alkoolike. Me një shpenzim total prej afro 329 miliardë lekë ose 3.3 miliardë euro në vit, kjo kategori shpenzimesh zë pjesën më të madhe të buxhetit të familjeve shqiptare.
Në renditje ndjekin shpenzimet për banesën, me rreth 80 miliardë lekë ose rreth 800 milionë euro, që përfshin qiratë (nëse ka) si dhe shpenzimet utilitare si faturat e dritave, ujit etj. Transporti, i renditur më pas me një shpenzim prej 56.55 miliardë lekë, dhe shëndeti me 35.76 miliardë lekë, përfaqësojnë kategori që po e rrisin peshën e tyre në buxhetin familjar.
Kategoritë si veshjet dhe këpucët me një shpenzim prej 41.58 miliardë lekë, dhe mobilimi e mirëmbajtja e banesës, që arrin në 54.89 miliardë lekë, janë shpenzime më të ulëta krahasuar me ushqimet dhe banesën. Nga ana tjetër, arsimi dhe argëtimi zënë një pjesë më të vogël të buxhetit të familjeve shqiptare. Shpenzimet për këto kategori janë përkatësisht 29.11 miliardë lekë dhe 21.62 miliardë lekë.
Shifrat tregojnë një sjellje interesante të familjeve shqiptare në menaxhimin e buxhetit familjar ku shpenzimet për "vese", ose pije alkoolike dhe duhan tejkalojnë dukshëm ato për arsim dhe shëndet. Konkretisht, shpenzimet për pije alkoolike dhe duhan arrijnë në rreth 34.93 miliardë lekë ose rreth 350 milionë euro, ndërsa shpenzimet për restorante dhe hotele janë rreth 61.54 miliardë lekë ose rreth 620 milionë euro.
Kur i krahasojmë shifrat e shpenzimeve për restorante dhe "vese" me ato për arsimin dhe shëndetin, ku për këto të fundit familjet shpenzojnë përkatësisht 29.11 miliardë lekë dhe 35.76 miliardë lekë, kuptojmë që shqiptarët kanë prioritet më të lartë për luksin sesa për edukimin apo për shërbimet shëndetësore.
Sondazh
Shqipëria, akoma vulnerabël ndaj urisë/ Indeksi: Edhe pse larg vendeve me uri të lartë, në 2024 përkeqësohemi në pikëzim
Indeksi Global i Urisë për vitin 2024 e rendit Shqipërinë në vend të 42 mes 127 vendeve të marra në analizë, ndërkohë që vlerësohet me 7.9 pikë. Gjatë vitit......
Sa vlerë ka arsimi në Shqipëri? Familjet me arsim të lartë konsumuan 30 mijë lekë në muaj më shumë se ato me arsim 8/9 vjeçar
Personat me arsim të lartë zakonisht kanë të ardhura më të larta, gjë që rrit kapacitetin e tyre për të shpenzuar dhe konsumuar më shumë produkte ose shërbime.......
Inflacioni dhe papunësia, shqetësimet kryesore të shqiptarëve/ Rritja e çmimeve përbën problemin më të madh për qytetarët e rajonit
Sipas të dhënave të Barometrit të Ballkanit 2024, në një anketim që analizon sfidat kryesore të ekonomive në Ballkanin Perëndimor, rezulton se tre......
Shqipëria dhe Kosova të gatshme për të investuar në inovacion/ 40% e bizneseve në rajon e kanë të pamundur alokimin e fondeve në kërkim&zhvillim
Në një botë ku inovacioni është motori kryesor për zhvillimin ekonomik dhe konkurrencën globale, investimet në kërkim dhe zhvillim janë thelbësore për rritjen......
Kredia për ekonominë u shtua me 13 miliardë lekë në një muaj/ Kjo u mbështet kryesisht nga rritja e kredisë në valutë
Në vitet e fundit, ekonomia shqiptare ka përjetuar një rritje të ndjeshme të totalit të kredisë, duke reflektuar një zhvillim të qëndrueshëm dhe një besim të......
Pasuritë e palujtshme "spostojnë" industrinë nxjerrëse/ Në gjysmën e parë të vitit renditen të parat për investimet e huaja
Rritja e investimeve të huaja direkte në vendin tonë gjatë gjysmës së parë të vitit, krahasuar me të njëjtën periudhë të një viti më parë, por edhe të viteve......
Shqipëria po bëhet një destinacion global/ Trefishohen hyrjet nga Afrika. Në gusht u regjistruan 2.1 milionë hyrje nga të huajt
Gjatë muajit Gusht të këtij viti, rezultojnë të kenë hyrë në territorin shqiptar afro 3.1 milionë shtetas shqiptarë dhe të huaj ose 9.1% më shumë se një vit më......
Më pak mbetje të ricikluara në vitin 2023/ Depozitimi në landfille, metoda kryesore e menaxhimit të mbetjeve
Sipas “Institutit të Statistikave” në të dhënat e publikuara së fundmi mbi mbetjet e ngurta urbane shihet se përgjatë vitit 2023 ka patur një rritje të sasisë......
