Shqipëria dhe Kosova të gatshme për të investuar në inovacion/ 40% e bizneseve në rajon e kanë të pamundur alokimin e fondeve në kërkim&zhvillim
Në një botë ku inovacioni është motori kryesor për zhvillimin ekonomik dhe konkurrencën globale, investimet në kërkim dhe zhvillim janë thelbësore për rritjen afatgjatë të bizneseve. "Barometri i Ballkanit 2024" ofron një pasqyrë të qartë mbi qasjen e bizneseve në Ballkanin Perëndimor për sa i përket gatishmërisë së tyre për të investuar në këtë fushë në tre vitet e ardhshme.
Të dhënat tregojnë se Shqipëria është një nga vendet më optimiste në lidhje me investimet në kërkim dhe zhvillim. Rreth 32% e bizneseve të anketuara shprehen se është e "mundshme" që ato të investojnë fondet e tyre për të zhvilluar produkte apo shërbime të reja apo të përmirësuara në tre vitet e ardhshme. Kjo përqindje është më e larta në rajon.
Gjithashtu, rreth 31% e bizneseve në Shqipëri mendojnë se është "disi e mundshme" që të kryejnë investime në këtë fushë. Megjithatë, nuk mund të injorojmë faktin që 31% e ndërmarrjeve shqiptare e shohin si “të pamundur" që të investojnë fondet e tyre në kërkim-zhvillim.
“Scan Intel” ka analizuar shifrat për të kuptuar sesi është qasja e vendeve të tjera të rajonit për të investuar në kërkim dhe zhvillim. Në rajon, Kosova paraqitet si një lider në qasjen pozitive ndaj investimeve në këtë aspekt. Rreth 24% e bizneseve kosovare e shohin të mundur këtë lloj investimi, ndërkohë që një masë e lartë prej 59% mendojnë se është disi e mundur. Në Bosnje Hercegovinë, ndërmarrjet janë më të kujdesshme në lidhje me investimet në këtë drejtim. Vetëm 23% e tyre e konsiderojnë të mundur këtë investim,dhe 31% e bizneseve mbeten skeptike, duke treguar një nivel të lartë pasigurie për investimin e fondeve të tyre në kërkim dhe zhvillim
Nga ana tjetër, Serbia dhe Maqedonia e Veriut janë ndër vendet më skeptike në lidhje me investimet në kërkim dhe zhvillim. Vetëm 7% e bizneseve serbe e shohin të mundur një investim të tillë, ndërsa 68% e tyre e konsiderojnë të pamundur. Në mënyrë të ngjashme, Maqedonia e Veriut tregon një pasiguri të madhe, ku vetëm 10% e bizneseve e konsiderojnë investimin në kë të fushë si të mundur, ndërsa 61% e shohin të pamundur. Kjo nënkupton një mungesë burimesh ose mundësish për t’u përfshirë në inovacion, duke e lënë vendin në një pozitë të vështirë për të konkurruar në tregjet globale.
Pra, mund të themi se Shqipëria dhe Kosova shfaqen si dy prej vendeve më optimiste, ku bizneset po mendojnë të shqyrtojnë alternativën e investimit në kërkim-zhvillim në tre vitet e ardhshme. Ndërkohë, Serbia dhe Maqedonia e Veriut mbeten më skeptike.
Sondazh
Kredia për ekonominë u shtua me 13 miliardë lekë në një muaj/ Kjo u mbështet kryesisht nga rritja e kredisë në valutë
Në vitet e fundit, ekonomia shqiptare ka përjetuar një rritje të ndjeshme të totalit të kredisë, duke reflektuar një zhvillim të qëndrueshëm dhe një besim të......
Pasuritë e palujtshme "spostojnë" industrinë nxjerrëse/ Në gjysmën e parë të vitit renditen të parat për investimet e huaja
Rritja e investimeve të huaja direkte në vendin tonë gjatë gjysmës së parë të vitit, krahasuar me të njëjtën periudhë të një viti më parë, por edhe të viteve......
Shqipëria po bëhet një destinacion global/ Trefishohen hyrjet nga Afrika. Në gusht u regjistruan 2.1 milionë hyrje nga të huajt
Gjatë muajit Gusht të këtij viti, rezultojnë të kenë hyrë në territorin shqiptar afro 3.1 milionë shtetas shqiptarë dhe të huaj ose 9.1% më shumë se një vit më......
Më pak mbetje të ricikluara në vitin 2023/ Depozitimi në landfille, metoda kryesore e menaxhimit të mbetjeve
Sipas “Institutit të Statistikave” në të dhënat e publikuara së fundmi mbi mbetjet e ngurta urbane shihet se përgjatë vitit 2023 ka patur një rritje të sasisë......
Cilat produkte sportive blenë më shumë shqiptarët?/ Tregu, nga importi i këpucëve deri tek veshjet për ski dhe plazh
Në kuadër të "Javës Europiane të Sportit", “Scan Intel” ka realizuar një analizë të hollësishme mbi importin dhe eksportin e produkteve sportive në Shqipëri.......
Turizmi në Shqipëri arrin kulmin në Korrik/ Vizitorët e huaj udhëheqin rritjen me 53.1%. U vendosën kryesisht në zonat bregdetare
Shifrat më të fundit mbi strukturat akomoduese për muajin Korrik të këtij viti tregojnë se u regjistruan gjithsej 526,293 vizitorë duke shënuar një rritje me......
Tregtia me Kosovën, morëm më shumë dhe dërguam më pak/ Eksportet në rajon shënuan "boom" me Bosnje Hercegovinën
Në muajin gusht të këtij viti, tregtia e jashtme e Shqipërisë me vendet e rajonit, përfshirë Kosovën, Maqedoninë e Veriut, Serbinë, Malin e Zi dhe Bosnje......
Eksportet nuk e ndalin rënien edhe në gusht/ E thellojnë me 18.2%. Na "braktisin" partnerët kryesorë
Eksportet kanë vijuar të thellojnë rënien edhe në gusht të këtij viti tregojnë të dhënat më të fundit nga tregtia e jashtme. Nëse në korrik rënia u regjistrua......
