Shifra/ Sa shpenzojnë shqiptarët për sigurime? - Raporti i Xprimm: Shumë më pak se Kosova dhe rajoni!
Shqiptarët janë populli që shpenzon më pak për t'u siguruar në të gjithë Evropën Qendrore dhe Juglindore. Sipas shtëpisë publikuese Xprimm, një shqiptar ka shpenzuar mesatarisht 92 euro për sigurime gjatë vitit që lamë pas. Megjithëse kemi pasur një rritje me 15% të shpenzimeve për frymë në krahasim me 2023, sërish renditemi të fundit nga 20 vende që merren në analizë.
Për sa i përket vëllimit total të primeve të shkruara bruto, Serbia e më pas Bosnje dhe Hercegovina kryesojnë në Ballkanin Perëndimor. Me një vlerë prej 25 miliardë lekësh prime të shkruara bruto gjatë vitit të kaluar, Shqipëria lë pas vetëm Kosovën dhe Malin e Zi.
Ndërkohë, vendi ynë mbetet prapë i fundit në Evropën Qendrore dhe Juglindore për peshën që zënë primet e shkruara bruto në Prodhimin e Brendshëm Bruto (PBB). Të dhënat nga raporti i Xprimm tregojnë se tregu i sigurimeve në Shqipëri zë vetëm 1% të Prodhimit të Brendshëm Bruto, ndërkohë në Kosovë dhe Maqedoninë e Veriut zë 1.6% dhe 1.8% përkatësisht, e në Bosnje mbi 2%.
Nëse i krahasojmë sipas produkteve, vërejmë se shqiptarët, qoftë të Shqipërisë apo të Kosovës, nuk e sigurojnë jetën e tyre. Nga portofoli total i primeve të shkruara bruto, vetëm 8% shkojnë për sigurimin e jetës në Shqipëri dhe vetëm 5% në Kosovë. Shqiptarët shpenzojmë më tepër për produktin e sigurimit MTPL e Brendshme, ku tejkalojmë rajonin për përqindjen që zë ky produkt në portofolin total të primeve. Kjo pasi është i detyrueshëm dhe jo vullnetar.
Nga ana tjetër, për sigurimin e pronës jemi në nivele të ngjashme me vendet e rajonit. Sigurimi i shtëpisë vijon të bëhet vetëm në rastet kur individi merr një kredi në bankë për blerjen e saj.
Këto shifra tregojnë se në Shqipëri nuk është krijuar akoma kultura e sigurimit vullnetar. Shumica e shqiptarëve nuk e shohin sigurimin si një domosdoshmëri, por një luks dhe kur kanë të ardhura shtesë, preferojnë t'i shpenzojnë për produkte të tjera. Gjithashtu, ekziston një besim i ulët ndaj kompanive të sigurimit.
Varfëria e pensionistëve në Europë: Cilat vende kanë normat më të larta?
Në shumicën e vendeve europiane, të ardhurat mesatare të personave mbi 65 vjeç janë më të ulëta se ato të popullsisë së përgjithshme, sipas OECD-së. Në disa......
BEI mbështet lidhjen energjetike Spanjë-Francë - Investon 1.6 miliardë euro për projektin nënujor midis vendeve
Banka Evropiane e Investimeve do të mbështesë një ndërlidhës të planifikuar të energjisë midis Spanjës dhe Francës me një investim prej 1.6 miliardë eurosh.......
Kontrolle bizneseve në zonat me fluks turistik - Në fokus informaliteti, si dhe kushtet e punës
Zyrtarisht në sezon turistik, e dita ditës flukset e turistëve përqëndrohen në zonat më të vizituara të Shqipërisë. Ndërsa Inspektiorati i punës vijon......
Si ka nisur kjo javë për valutat kryesore? – Rënie e fortë për monedhat e huaja!
Dollari amerikan ka regjistruar zbritje të ndjeshme të kuotës nga java që lamë pas duke e nisur edhe këtë javë negativisht pasi është blerë këtë mëngjes me......
Rreth 25% e mjeteve ngelin në kontrollin teknik - Shifrat zyrtare, mbi 3 mijë janë çregjistruar në janar-maj
Drejtoria e Përgjithshme e Shërbimeve të Transportit rrugor ka publikuar të dhënat për periudhën Janar-Maj 2025, në lidhje me shërbimin e kontrollit teknik......
Pensionistë, por në “lëvizje”/ Puna pas daljes në pension është më e zakonshme tek të vetëpunësuarit
Sipas të dhënave të Eurostat, në Bashkimin Europian, rreth 56.4% e pensionistëve të vetëpunësuar vazhduan të punojnë pas marrjes së pensionit të pleqërisë.......
Çmimet globale të naftës, të paqëndrueshme - Përshkallëzimi i konfliktit Izrael-Iran lëkund tregun dhe perspektivën
Çmimet e naftës ishin të paqëndrueshme të hënën, pasi u rritën me 7% të premten, ndërsa sulmet e rinovuara nga Izraeli dhe Irani gjatë fundjavës rritën......
Industria greke e midhjeve, në rrezik - Temperaturat e larta të detit kanë shkatërruar prodhimin
Industria e kultivimit të midhjeve në Greqi është nën kërcënim serioz, pasi temperaturat rekord të larta të detit verën e kaluar zhdukën gati 90 përqind të......
