Deficiti tregtar, nivel rekord prej 5.2 mld euro - Zhvlerësimi i euros dhe rritja e kostove, pasoja për eksportuesit
Zhvlerësimi i euros në tregun e brendshëm, por edhe zhvillimet e tjera, si rritja e kostove si pasojë e faktorëve të jashtëm, gjatë viteve të fundit, po sjellin pasoja në strukturën e tregtisë së jashtme të vendit tonë.
Të dhënat zyrtare të publikuara nga Instituti i Statistikave flasin për një deficit tregtar prej 53 miliardë lekësh ose afërsisht 530 milionë euro vetëm për muajin dhjetor, në rritje me mbi 51% krahasuar me dhjetorin e vitit 2023 dhe me 23.8% krahasuar me nëntorin e vitit 2024.
Ndërsa për të gjithë vitin 2024, deficiti tregtar arriti një rekord prej 522 miliardë lekë apo rreth 5.2 miliardë euro, niveli më i lartë në histori.
Me bazë vjetore, deficiti tregtar u rrit me 20.7%, gjatë vitit 2024, krahasuar me vitin 2023. Ky thellim i deficitit tregtar vjen për shkak të rënies vjetore të eksporteve me 15.4%, në vlerën e 373 miliardë lekëve apo 3.7 miliardë eurove, dhe rritjes së importeve me 2.5% në vlerën totale të 894 miliardë lekëve, apo 8.9 miliardë eurove, duke u rritur me 2,5 %, krahasuar me një vit më parë.
Nëse kryqëzojmë të dhënat e tregtisë së jashtë të INSTAT me ato të Bankës së Shqipërisë mbi ecurinë e kursit të këmbimit euro/lek, bie në sy se zgjerimi i deficitit tregtar ka filluar kur monedha europiane po i afrohej kufirit të 100 lekëvë, rreth marsit të vitit të kaluar.
Ndërsa, më 12 gusht të vitit të kaluar, për herë të parë të histori euro zbriti poshtë këtij kufiri psikologjik, ndërsa pranë 98 lekëve po tregtohet edhe aktualisht.
Sipas shifrave të INSTAT, grupet që kanë ndikuar negativisht në uljen vjetore të eksporteve, janë: “Minerale, lëndë djegëse, energji elektrike”, në rënie me 5.3 pikë përqindje, “Tekstile dhe këpucë” me 4.8 pikë përqindje, “Materiale ndërtimi dhe metale”, në rënie me 4.1 pikë përqindje.
Kompanitë që veprojnë në këtë sektorë kanë paralajmëruar prej kohësh në lidhje me vështirësitë që po shkakton rënia e euros në tregun e brendshëm dhe tashmë po detyrohen të reduktojnë fuqinë punëtore, të shkojnë drejt ciklit të mbyllur, apo të hedhin sytë në sektorë të tjerë të ekonomisë.
Sondazh
Kredi me 0% interes për 530 nëpunës të administratës-Cilat janë kushtet që duhet të plotësojnë për të qenë përfitues?
530 nëpunës të administratës publike do të përfitojnë kredi me 0% interes përgjatë vitit 2025. Qeveria ka miratuar kuotat e përgjithshme, teksa sipas listës......
Inflacioni në Eurozonë rritet për të tretin muaj radhazi Shkak, kostot e energjisë, shërbimeve dhe ushqimeve!
Shifra nga viti në vit e inflacionit të eurozonës për dhjetorin ka konfirmuar vlerësimet paraprake që vijnë në 2.4%, sipas Eurostat. Ky ishte muaji i tretë......
“Makinat deri në 1500 kubikë, gati 10% zbritje në sigurim” - Morinaj: Me rregulloren e re, çdo drejtues automjeti trajtohet në mënyrë të drejtë
Rregullorja e re e Autoritetit të Mbikëqyrjes Financiare, e cila hyri në fuqi këtë vit dhe që parashikon llogaritjen e primeve të sigurimit mbi bazën e......
Skema e BSH për kreditimin e bizneseve të vogla e të mesme - Kredi me çmim më të lirë se norma bazë e interesit
Banka e Shqipërisë ka përgatitur një program të posaçëm për kreditimin e biznesit të vogël dhe të mësëm. E veçanta e tij është se ofron kredi me norma shumë......
Ndalimi i TikTok aprovohet nga Gjykata e Lartë e SHBA-së, nëse nuk shitet nga kompania mëmë kineze ByteDance!
Gjykata e Lartë e SHBA-së votoi të premten për të mbështetur njëzëri ligjin federal që ndalon TikTok duke filluar nga e diela, përveç nëse ai shitet nga......
“Programi i investimeve në Shpërndarjen e Energjisë I”, thirrje e hapur për pjesëmarrje në prokurimin ndërkombëtar
Njësia e projekteve të huaja në OSHEE Group, në bashkëpunim me bankën KfW, do të nisë procedurën e prokurimit ndërkombëtar për projektin “Programi i......
Popullsia e Kinës, në rënie për të tretin vit radhazi - Autoritetet prezantojnë masa për të inkurajuar lindjet dhe martesat
Popullsia e Kinës ra për të tretin vit radhazi në 2024, me numrin e vdekjeve që tejkaloi rritjen e lehtë të lindjeve dhe ekspertët paralajmërojnë se trendi......
Gara e çmimeve, si renditet vendi ynë? Në vitin 2024, inflacioni në Shqipëri rezultoi sa në Europë
Indeksi i Harmonizuar i Çmimeve të Konsumit, që mat rritjen e çmimeve sipas metodologjisë së ‘Agjencisë Europiane të Statistikave’, në muajin Dhjetor të......
