Dëbimet nga Gjermania: Shqipëria dhe Maqedonia e Veriut në krye të listës!
Në gjysmën e parë të vitit 2022 autoritetet gjermane kanë dëbuar rreth 6 200 të huaj nga Gjermania. Këtë e bëri të ditur qeveria gjermane në një përgjigje me shkrim ndaj pyetjes së grupit parlamentar të partisë opozitare, Die Linke (E Majta). Nga përgjigja destinacionet kryesore ishin Maqedonia e Veriut me mbi 450 të dëbuar dhe Shqipëria me mbi 400, pasuar nga Gjeorgjia me rreth 400. Ndërsa në Kosovë Gjermania ka kthyer me detyrim 130 ish-azilkërkues.
Dëbimet vijojnë të jenë më të shpeshta në kohën e verës. Avioni i fundit me destinacion Shqipërinë u ngrit nga Mynihu të mërkurën, më 24 gusht 2022, sipas burimeve të rrjetit Deportation Alarm. Rrjeti i përbërë nga disa shoqata pro refugjatësh, paralajmëron enkas dëbimet në faqen e tij të internetit, me shpresë se kështu të prekurit do të mund të ndërmarrin hapa për ta parandaluar. Në vitin 2020 ishte Shqipëria destinacioni kryesor i kthimit të detyruar nga Gjermania.
Në gjysmën e parë të vitit 2022, nga Gjermania janë dërguar në destinacionet e tjera për riatdhesim rreth 35 persona me 11 avionë "mini charter". Gjithsej 167 nëpunës policie kanë qenë në detyrë për të garantuar sigurinë gjatë ekstradimit. Vetëm për "aparatet fluturuese”, siç quhen avionët në dokumentin në fjalë, shteti gjerman ka paguar gjatë gjysmës së parë të vitit 580 mijë euro.
Në vitin 2019, para fillimit të pandemisë, autoritetet kishin përdorur 21 fluturime të tilla "mini charter” me maksimum katër të dëbuar për çdo fluturim. Gjithsej 48 persona janë kthyer me detyrim nga Gjermania në vitin 2019, dhe sipas Ministrisë Federale të Brendshme, kostot e fluturimit ishin në rreth 1,35 milionë euro. Në vitin 2020 Gjermania vuri në përdorim 14 fluturime charter për dëbimin e gjithsej 39 të huajve. Në disa raste shpenzimet për këto fluturime arritën deri në mbi 100 mijë euro për një ose dy persona. Përveç kësaj, ka pasur edhe 1 826 kthime të azilkërkuesve në vende të BE-së, në përputhje me Rregulloren e Dublinit.
Praktika e fluturimeve të tilla është e diskutuar por alternativat nuk janë më pak të kushtueshme. Njëra është stacionimi i ish-refugjatëve në qendrat e dëbimit. Kështu për shembull, projekti më i ri, që planifikon të ndërtojë qeveria federale pranë aeroportit të ri Berlin Brandenburg, është një qendër e madhe për hyrje-daljet në Gjermani dhe prej aty do të bëhet edhe organizimi i dëbimeve. Azilkërkuesit e refuzuar do të vendosen aty deri sa të jepet mundësia e parë për dëbim nga Gjermania. Sipas investigimit të kanalit televiziv publik, RBB, vetëm qiraja do t'i kushtojë shtetit 760 mijë euro në muaj.
Koalicioni aktual mes SPD-së, të Gjelbërve dhe FDP-së e ka shpallur si prioritet çështjen e azilkërkuesve të refuzuar. Strategjia e re e qeverisë gjermane synon dy shina, nga njëra anë shpërblimin e të integruarve, duke u dhënë edhe nga një leje qëndrimi të përkohshme, nga ana tjetër, dëbimin e menjëhershëm të ish-azilkërkuesve që kanë mashtruar për identitetin, që kanë falsifikuar dokumentet, ose kanë kryer vepra penale.
E . S / SCAN
Sondazh
Kontrolli kombëtar zbulon skemën e 'vizave të arta' të Qipros - Oligarkët rusë mes të pasurve që blenë pasaporta të BE-së
Sipas një auditimi kombëtar, oligarkët rusë dhe njerëz të tjerë shumë të pasur ishin në gjendje të merrnin një pasaportë në Qipro dhe të kishin akses në BE në......
‘Kthesa’ e kursit të këmbimit – Rënie e përgjithshme e valutave kryesore!
Dollari amerikan ka regjistruar një humbje prej 1.5 pikë nga rritja e fortë e dy ditëve më parë teksa është blerë sot me 116 lekë dhe është shitur me 117.7......
Franca bëhet vendi i parë europian që ndalon reklamat e karburanteve fosile, por a shkon ligji i ri ‘deri në fund’?!
Franca është bërë vendi i parë europian që ndalon reklamat për lëndët djegëse fosile sipas një ligji të ri për klimën. I shpallur më 22 gusht, legjislacioni......
Analizë: 'Tronditje e re' për tregjet europiane pasi rritja e çmimit të gazit nxit frikën e inflacionit!
Një tjetër rritje dramatike në çmimet e gazit natyror duket se i ka dhënë fund çdo shprese se beteja e inflacionit në Europë do të lehtësohet, me tregjet......
Kompania më e madhe kineze e-commerce është gati të hyjë në SHBA për të sfiduar dominimin e Amazon!
Kompania kineze e tregtisë elektronike Pinduoduo me shumë mundësi u ngjit në radhët e industrisë së tregtisë elektronike të Kinës për t'u bërë një nga firmat......
Energjia është shtrenjtuar për 12.4% të konsumit - Qeveria përdori liberalizimin e tregut për të rritur me rreth 70% faturat e bizneseve
Pavarësisht se qeveria deklaron se deri më tani nuk ka patur rritje të çmimit të energjisë, të dhënat zyrtare tregojnë se nga data 1 janar e këtij viti 12.4% e......
Blemë 40 milionë euro grurë gjatë krizës - Shifrat zyrtare/ Deri në Gusht u importuan 102 mijë ton!
Konflikti Rusi-Ukrainë shkaktoi trazira në tregjet ndërkombëtare dhe në vend si dhe solli si pasojë rritje të çmimeve në tërësi. Një nga problematikat që u......
Italia u rimburson qytetarëve biletat e transportit - 60 euro bonus për ata me të ardhura më pak se 35 mije euro në vit!
Që prej shtatorit qytetarët italianë mund të përfitojnë një bonus 60 euro përsa i përket transportit. Kjo masë vjen nga qeveria pas rritjes së lartë të çmimeve......
