Çelet “Panairi i Punës 2024” - 47 institucione dhe biznese, me oferta pune për studentët
Punësim, praktika profesionale dhe trajnim, këto janë disa nga mundësitë që “Panairi i Punës 2024” ofron për të rinjtë. Për të tretin vit radhazi, Fakulteti i Histori-Filologjisë dhe ai i Gjuhëve të Huaja organizojnë një panair që synon të afrojë studentët me tregun e punës duke i ofruar mundësi bashkëpunimi me institucione publike ose private, organizata, biznese turistike, drejtoritë e arkivave, media të ndryshme dhe shtëpi botuese.
Gjatë këtij eventi, kompanitë, organizatat dhe institucionet mund të intervistojnë dhe vlerësojnë drejtpërsëdrejti kandidatët potencialë për punë ose praktikë profesionale.
“Janë rreth 47 biznese, institucione të ndryshme arsimore, banka, shtëpi botuese, agjenci përkthimesh, agjenci të turizmit apo të kurseve private që kërkojnë studentë për t’u punësuar si mësues, përkthyes, interpretë, specialistë të komunikimit, burimeve njerëzore, marrëdhënieve me publikun apo guida të ndryshme. Bizneset po afrohen gjithnjë e më tepër me institucionet e arsimit të lartë, prezente sot janë edhe shumë banka të cilët kërkojnë studentë të shkencave shoqërore për t’i punësuar në sektorë që lidhen me profesionin e tyre”.
Zëvendësdekania e Fakultetit të Histori-Filologjisë, Elsa Skënderi theksoi që panairi është shumë i rëndësishëm për të vendosur një urë komunikimi midis mundësive të tregut të punës dhe studentëve në fillesa ose një hap larg karrierave përkatëse që do të ndjekin në jetën e tyre profesionale.
Punësimi mbetet ndër sfidat kryesore për të rinjtë, të cilët me mbarimin e studimeve shpeshherë e gjejnë veten jashtë tregut të punës ose larg profesionit të tyre. Universitetet po tentojnë gjithnjë e më tepër lidhjen e punëdhënësit me punëmarrësin, për të zvogëluar hendekun mes asaj që ofron tregu, me kërkesat apo formimin akademik të të rinjve. Sipas të dhënave nga INSTAT, në tremujorin e fundit të 2023, shkalla zyrtare e papunësisë në Shqipëri për popullsinë 15 vjeç e lart është 10,7 %, duke u rritur me 0,2 %, krahasuar me një tremujor më parë.
Ledina Elezi/SCAN
Sondazh
Skemat lehtësuese për faturat e energjisë - Harizi: Deri tani përfituan 600 qytetarë e biznese. Afati përfundon në 31 dhjetor
Nga skemat lehtësuese, që Operatori i Shpërndarjes së Energjisë Elektrike ka ofruar për shlyerjen e detyrimeve të papaguara të energjisë elektrike, kanë......
Ecuria e sektorit energjetik në vitin 2023 - ERE: Prodhimi, mbi mesataren shumëvjeçare. Humbjet në rrjet u ulën
Kapaciteti prodhues i energjisë elektrike u rrit me 26 MW gjatë vitit 2023, duke arritur në një total prej 2,675 MW. Kjo shifër mbetet modeste në krahasim me......
Rikthehet në “jetë” industria ushtarake - Prodhim dhe rritje e rezervës së municioneve e armatimeve në Shqipëri
Shqipëria po merr masa për rikthimin në “jetë” të industrisë ushtarake në vend. Ministri i Mbrojtjes, Niko Peleshi në një interpelancë me Kryetarin e......
Punimet në rrugën e Arbrit - ARRSH: Segmenti do të bllokohet përkohësisht! Detajet
ARRSH bën me dije se në vijim te punës për përfundimin e të gjitha punimeve të Asfaltit ne Rrugën e Arbrit, Kompania Koncesionare dëshiron të njoftojë të......
Sa e “italianizuar” është ekonomia shqiptare? - Analiza/ Nga investimet dhe bizneset, deri tek numri i lejeve të qendrimit
Pushime, biznese, pasuri të paluajtshme… Këto janë aktivitetet që vitet e fundit po njohin më shumë prezencë italiane në Shqipëri. Vendi ynë po promovohet......
Dhurimi i pronave, sa tatim paguajnë shqiptarët? - Risitë e ligjit të ri, përcakton kategoritë që përjashtohen
Trashëgimia apo dhurimi i pronave nga qytetarët shqiptar nga një familjar tek tjetri, kanë bërë që të ardhurat në buxhetin e shtetit nga tatimi i paguar të......
Kthesa e kursit të këmbimit – Dobësohen valutat kryesore!
Dollari amerikan ka humbur pikë këtë mëngjes duke u blerë sot me 94.4 lekë dhe duke u shitur me 95.5 lekë në raport me dje sipas kursit të këmbimit......
Çmimet në Shqipëri, poshtë “vijës” europiane - Inflacioni në mars rezultoi më i ulët se në vendet e rajonit
Instituti i Statistikave ka publikuar Indeksin e Harmonizuar të Çmimeve të Konsumit të matur sipas metodës europiane për muajin mars të këtij viti, që fiksohet......
