Biznesi kërkon kredi për investime - Bankat perceptojnë risk më të ulët, konkurrenca e lartë lehtëson kreditimin
Biznesi ka shtuar kërkesën për kredi gjatë tremujorit të fundit të vitit që sapo lamë pas, ndërkohë që bankat kanë qenë shumë të kujdesshme lidhur me risqet që vijnë nga inflacioni e pasiguritë ekonomike, por gjithësesi kanë rritur gatishmërinë për të miratuar hua të reja.
Banka e Shqipërisë sapo ka publikuar Sondazhin mbi aktivitetin kreditues për tremujorin e fundit të vitit 2024, ku konkludon se bankat vijojnë të mbeten të kujdesshme në vlerësimin e rrezikut që ato perceptojnë mbi situatën makroekonomike në vend dhe implikimet e mundshme të tij mbi bilancet e bizneseve.
Megjithatë, thekson Banka e Shqipërisë, ambienti konkurrues ku bankat veprojnë, vijon të mbetet faktor nxitës në plotësimin e kërkesave për kredi të bizneseve nga ana e bankave. Në linjë me pritjet e një tremujori më parë, kërkesa për kredi e bizneseve u raportua më e lartë. Shtimi i kërkesës për kredi nga ana e bizneseve në këtë tremujor ishte me bazë të gjerë, në terma si të madhësisë së biznesit, ashtu edhe të qëllimit të përdorimit të kredisë.
Kërkesat e bizneseve në financimin e aktivitetit të tyre, duket se nuk janë frenuar as nga normat e larta të interesit dhe as nga disponueshmëria e likuiditeteve të larta nga ana e bizneseve. Balanca neto e kërkesës së bizneseve për financimin e investimeve regjistroi vlera të larta edhe këtë tremujor, nën frymën e vijimësisë së një cikli zgjerues të kapaciteteve prodhuese në vend, nxitur ndër të tjera edhe nga besimi i biznesit.
Nga ana tjetër, në tremujorin e parë të vitit 2024, bankat presin të jenë më akomoduese në politikat e kreditimit për zgjerimin e investimeve, si edhe në mbështetjen e ushtrimit të aktivitetit të bizneseve të vogla e të mesme. Ndërkohë, për kreditë e bizneseve në financimin e inventarëve dhe kapitalit qarkullues, si edhe për kreditë për biznesin e madh, bankat presin të ndjekin një përqasje disi më konservatore për tremujorin e parë të vitit 2024.
Lorenc Rabeta/SCAN
Sondazh
“Mbështetja për fermerët, jo produktive” - Rrapaj: Të ndryshojë skema, financim për njësi
Muajin e ardhshëm pritet të hapen aplikimet e fermerëve për të përfituar nga subvencionet në bujqësi të administruara nga Agjencia për Zhvillim Bujqësor dhe......
SHBA, punëtorët ndjekin kurse për sjelljen - 60% e bizneseve punësojnë ekspertë për të mësuar sjelljen e mirë
Kthimi në zyrë, pas pandemisë, duket se po i gjen punëtorët të papërgatitur. Pasi kanë kaluar vitet e fundit duke punuar nga shtëpia me pizhame, shumë prej......
Izraeli përqendron forcat në nxjerrjen e gazit - Dritë jeshile për fushën Katlan. 31 miliardë metra kub gaz natyror
Qeveria e Izraelit ka miratuar fazën e parë të planit të zhvillimit për fushën në det të hapur Katlan. Fusha Katlan, që mund të përdoret gjithashtu për eksport......
Grekët, me karta bankare për transportin publik - Në Athinë do të përdoren vetëm kartat e kreditit dhe celularët “smart”
Në Greqi është nënshkruat kontrata për përmirësimin teknologjik të Sistemit Automatik të Grumbullimit të Taksave - ATSC ndërmjet Organizatës së Transportit......
Europianët punojnë më pak se të gjithë - Studimi i FMN, që bën krahasimin me periudhën e pandemisë
Kuptimi i jetës duket se po gjendet nga gjithnjë e më shumë njerëz, pasi orët e punës janë reduktuar, kryesisht në Europë, trend në të cilin burrat dhe......
Gjermania heq kufizimet për shtetësinë e dyfishtë!
Ligjvënësit gjermanë kanë miratuar legjislacionin e ri që lehtëson rregullat për fitimin e shtetësisë dhe i jep fund kufizimeve për mbajtjen e shtetësisë së......
Kompania e parë Fintech në Shqipëri që kryen procesin e kredidhënies totalisht online
Në një periudhë kur teknologjia avancon me shpejtësi dhe ka ndikuar në shumë fusha të jetës, Kredo.al është pionieri i FinTech në Shqipëri duke ofruar një......
Prezantohen projektet për Divjakën - Rama: Projekt-pilot për zhvillim lokal të integruar
Kryeministri Edi Rama dhe Deputeti Erion Braçe, zhvilluan një takim në Divjakë ku bashkëbiseduan rreth projekteve për të avancuar zhvillimi i kësaj zone e cila......
