Agjencia e Pronave, zero aplikime edhe për 2023 - Ndryshimet ligjore hynë në fuqi në dhjetor, por nuk janë modifikuar ende aktet nënligjore
Edhe për vitin 2023, Agjencia e Trajtimit të Pronave nuk ka proceduar asnjë aplikim nga subjektet që kërkojnë kthim apo kompensim, megjithëse që nga dhjetori i vitit të shkuar kanë hyrë në fuqi ndryshimet në ligjin e pronave. Nga të dhënat zyrtare të Agjencisë rezultojnë zero aplikime nga subjektet për kompensim financiar apo fizik. Agjencia justifikohet me faktin se megjithëse ndryshimet në ligj janë kryer dhe kanë hyrë nnë fuqi, nuk janë kryer ende ndryshimet në aktet nënligjore, përfshirë këtu edhe dy vendime të Këshilli të Ministrave të cilat rregullojnë këtë proces.
Duket se edhe për këtë vit, zor se do të lëvrohet fondi i famshëm prej rreth 50 milionë dollarësh të cilin Qeveria e akordon çdo vit për llogari të Agjencisë së Trajtimit të Pronave. Mbetet për tu parë nëse 140 milionë dollarët e parashikuar deri në vitin 2025 do t’u shpërndahen vërtetë pronarëve, në një kohë që fatura financiare e llogaritur nga qeveria për procesin e kompensimit financiar ishte rreth 1 miliard dollarë, për t’u shtuar më tej me ndryshimet në ligjin e pronës që u miratuan këtë dhjetor.
Gjatë gjithë vitit 2022, Agjencia e Trajtimit të Pronave bllokoi tërësisht procesin e kompënsimit të pronarëve. Shkak është bërë një vendim i Gjkatës Kushtetuese i shkurtit të vitit të 2021, i cili rrëzoi dy nene të ligjit të Trajtimit të Pronave.
Përjashtimi i vetëm që Agjencia ka bërë është pagesa e kësteve të kompensimit vetëm për ata pronarë të cilët pranojnë të heqin dorë nga shuma e plotë e dëmshpërblimit në këmbimit të pagesës jashtë radhe të një pjese të tij. Sipas kësaj formule, pronarëve u ofrohet zgjedhje e heqjes dorë deri në 80% të vlerës së kompensimit në këmbim të përfitimit të tij jashtë radhe.
I vetmi tregues që duket se vijon normalisht për Agjencinë e Trajtimit të Pronave janë paditë nëpër gjykata, fluksin e të cilave sektori i saj ligjor shpesh ka vështirësi t’i përballojë. Vetëm për muajin janar janë depozituar 44 padi të reja nëpër gjykatat e vendit, ndërkohë që ccdo vit akumulohen qindra të reja.
Lorenc Rabeta/SCAN
Sondazh
Tre shkaktarët që rritën çmimin e vezëve në 2023 - Ekspertja Sena: Kostot mesatare të një pule, 5 euro. Qeveria të ndihmojë këtë sektor
Çmimi i vezëve në vendin tonë është rritur për shkak të tre faktorëve që kanë ndikuar drejtëpërsëdrejti në këtë sektor. Pedadogia e Zooteknikës pranë......
Çfarë i penalizon gratë në biznes? - Pjesëmarrje e ulët, rritet mbështetja me financime dhe njohuri
Pjesëmarrja e gjinisë femërore në biznes vijon të jetë në nivele të ulëta, ku vetëm 27 për qind e grave në të gjithë rajonin dhe 31 për qind në Shqipëri,......
Qeveria kurseu vetëm 8.4% nga tenderët - Fitohen me vlera, afër fondit limit. 3.3% e kontratave jepen në tavolinë
Tenderët publikë për punë, mallra apo shërbime fitohen nga kompanitë me vlera afër fondit limit, ndërkohë që ky fakt konfirmohet edhe nga të dhënat zyrtare të......
Jeta e shqiptarëve "shkurtohet" me 1.9 vite - Jemi ndër 5 vendet me rënien më lartë të jetëgjatësisë në Europë
“Agjencia Europiane e Statistikave” ka publikuar së fundmi të dhënat për jetëgjatësinë në lindje, për vitin 2021, tregues i cili i referohet numrit mesatar të......
Kriteret, kush përfiton nga fondi 3.3 mld lekë në bujqësi? - Aplikimet për fermerët hapen më 20 Mars, financohen 9 masa
Më 20 Mars do të hapen aplikimet për fermerët të cilët duan të përfitojnë nga subvencionet në bujqësi, proces i cili do të zgjasë deri më 11 Prill. Ministria e......
Taksa e pronës 6-8%, Eksperti: Do dalin shumë në shitje - Gjergj Begaj: Niveli 15% shumë I lartë, detyron qytetarët të mos I shesin
Eksperti i pasurive të paluajtshme Gjergj Begaj thotë se ulja e taksës së pronës në nivelet 6-8% do lehtësojë ndjeshëm tregun dhe do nxjerrë në shitje shumë......
“59% e familjeve heqin dorë nga ushqimi për të paguar dritat” - Qeveria s’ka miratuar vendimin për klientin në nevojë, Gajda: Detyrim, që nga viti 2015
59% e familjeve shqiptare heqin dorë nga ushqimet për të paguar faturat e energjisë elektrike, ndërsa 65% e tyre nuk e përdorin fare ujin e ngrohtë si formë......
190 vendet më të pasura të botës në vitin 2023! – Ku renditet Shqipëria?
Vendi më i pasur, vetë termi është një term i gjerë dhe i komplikuar. Vendi më i pasur me PBB-në më të lartë për frymë në vitin 2023 është Luksemburgu. Ky komb......
