Urbanizimi, të gjithë "dynden" drejt Tiranës dhe Durrësit. Sipas Bankës Botërore, rreth 64% e popullsisë përqëndrohet në zonat urbane
Sipas të dhënave të treguesve demografikë nga INSTAT për 10-vjeçarin e fundit, rezulton se në 10 qarqe të Shqipërisë numri i popullsisë banuese është ulur me ritme të shpejta. Popullsia e Shqipërisë në vitin 2013 ishte 2.89 milionë banorë, ndërkohë që përgjatë një dekade popullsia u reduktua me 4.7% duke regjistruar 2.76 milionë banorë gjithsej.
“Scan intel” ka analizuar të dhënat për të kuptuar se si ka lëvizur popullsia sipas qarqeve gjatë periudhës 2013-2023? Gjatë kësaj kohe në Shqipëri popullsia banuese është tkurrur në 10 qarqe dhe është rritur vetëm në dy qarqe, në atë të Tiranës dhe Durrësit. Të dhënat e INSTAT mbi treguesit e demografisë tregojnë se qarku që është dëmtuar më shumë nga reduktimi i popullsisë banuese ka qenë ai i Gjirokastrës. Në këtë qark një vit më parë regjistroheshin 27.7% më pak banorë se në vitin 2013-të. Më pas ndjek qarku i Beratit ku në vitin 2023 ky qark regjistron afro 111,400 banorë nga 143,900 që ishin në vitin 2013. Po ashtu edhe Dibra ka patur një rënie të konsiderueshme të popullsisë referuar kësaj periudhe, ku në terma nominalë kjo rënie konstatohet në 22.8%.
Edhe në qarqet si Korçë, Kukës, Lezhë dhe Shkodër mbeten shqetësuese shifrat e largimit të banorëve. Konkretisht, në Kukës popullsia në dekadën e fundit është ulur me 16.9%, në Korçë me 14.5% dhe në Lezhë me 15.9%.
Në të kundërt, qarqet si Tirana dhe Durrësi ishin të vetmet qarqe me shtesë natyrore pozitive të popullsisë. Në Tiranë në vitin 2023 regjistohen 925,268 banorë ose 15.5% më shumë se në vitin 2013-të. Ndërkohë, në Durrës rritja e popullsisë rezulton të jetë 5.8% duke regjistruar kështu afro 290,000 banorë nga rreth 274,000 që ishin në vitin 2013-të. Tirana zë rreth 33.5% të popullsisë gjithsej, duke vazhduar të jetë një nga qarqet më të populluara të vendit, ndjekur nga Durrësi dhe Fieri me nga 10.5% dhe 9.8% përkatësisht. Sa i përket qarqeve të tjera, pesë prej tyre zënë respektivisht nga 1.9% deri 4.1% të popullsisë gjithsej.
Por cilët janë faktorët që kanë shkaktuar tkurrje të popullsisë në 10 qarqet evendit? Pakësimi i banorëve në qarqet e Shqipërisë është efekt i drejtpërdrejtë i emigrimit të brendshëm dhe të jashtëm të popullsisë. Gjithashtu në një analizë analoge të numrit të lindjeve në 10 vitet e fundit rezulton se në shkallë kombëtare lindjet ranë me 37% duke regjistruar kështu vetëm 22,210 lindje gjithsej, numri më i ulët në 3 dekada. Nga ana tjetër, zhvendosja e një pjese të konsiderueshme të popullsisë nga rrethet drejt qyteteve si Durrësi dhe Tirana lidhet me një tendencë tashmë globale, ajo e urbanizimit. Sipas të dhënave të Bankës Botërore rezulton se në Shqipëri në vitin 2013-të, 55% e shqiptarëve jetonin në qytete, ndërkohë kjo normë ka qenë në rritje në vitet e ardhshme. Në vitin 2022, viti i fundit që disponohen të dhëna zyrtare rezulton se 64% e popullsisë është e përqendruar në zonat urbane.
Armela Duka/SCAN
Sondazh
Masa ndëshkuese për profesionet në ndërtim. Ngrihet komisioni disiplinor për kontrollin e punimeve
Një komision disiplinor do të ngrihet për kontrollin dhe disiplinimin e punimeve të ndërtimit. Ka hyrë në fuqi vendimi mbi mënyrën e funksionimit të komisionit......
Tkurret” kërkesa botërore për naftë. Pritet që edhe çmimet e “arit të zi” të ulen deri në fund të vitit
Kërkesa botërore për naftë këtë vit pritet të rritet më pak se parashikimi i mëparshëm dhe prodhimi duhet të zgjerohet më shpejt, duke rezultuar në një treg më......
Bizneset shqiptare, më pak vëmendje nga inovacioni. Lahe: Me investimet në teknologji ke mundësi të konkurrosh në tregje ndërkombëtare
“Në raportin e fundit Këshilli i Investimeve ka arritur në konkluzionin që bizneset shqiptare kanë më pak interes për të investuar në inovacion apo në......
Hyn në fuqi vendimi/ Kush përdor bombula duhet të paguajë sigurim. Bombulat nën 5 litra kategorizohen me risk të lartë
Kush përdor bombula gazi për aktivitetin e tij do të duhet të bëjë sigurimin e detyrueshëm. Vendimi i Këshillit të Ministrave ka marrë fuqi ligjore dhe......
Italia ndalon “agrovoltaikët” por vendimi shkakton reaksion. Operatorët: Të lejohen në tokat bujqësore ku nuk prodhohet më
Një dekret që ndalon instalimin e fotovoltaikëve për prodhim energjie në zona bujqësore ka shkaktuar jo pak reagime në Itali. Qeveria italiana ka miratuar mes......
Inflacion ‘shock’ në Argjentinë, vjen kartëmonedha 10.000 pesos. Qytetarët të detyruar që të mbajnë më vete çanta me para
Argjentina po përjeton një situatë të trazuar ekonomike, me një inflacion që arriti në mars në nivelin 280 %. Përballë kësaj situatë, Banka Qendrore e......
Çfarë është një “Elefant i Bardhë” në ekonomi? Koncepti ekonomik që vjen nga lashtësia e Azisë
Termi “Elefant i Bardhë” vjen nga Azia. Elefanti i bardhë është një kafshë e rrallë që në kohët e lashta adhuroheshin si kafshë të shenjta dhe zakonisht i......
Kompania që pritet të pushtojë tregun energjetik-Do të vendosë një bateri në çdo shtëpi
Një kompani e re synon te revolucionarizojë sektorin e furnizimit të energjisë elektrike. Kompania është me bazë në Teksas, një shtet që e ka nisur......
