Si ndryshoi kontrata e Koncesionit Thumanë-Kashar/ Investimi, 226 milionë euro. Pagesa për rrugë nga makinat, jo më pak se 2.1 euro, pa TVSH
Kompania koncesionare që do të projektojë, ndërtojë, operojë dhe mirëmbajë aksin rrugor Thumanë – Kashar parashikon të realizojë rreth 1.3 mld euro të ardhura bazë, që konsiderohen si të ardhura që lejojnë projektin të ketë një rrjedhë paraje pozitive dhe të qëndrueshme”.
Gjithçka përcaktohet në dokumentin e nënshkruar midis Ministrisë së Infrastrukturës deh Energjisë dhe kompanisë “Gener 2”, të miratuar 1 javë më parë nga qeveria e që tashmë është publikuar në Fletoren Zyrtare, duke hyrë në fuqi. Të ardhurat do të gjenerohen nga tarifa që do të paguajnë automjetet përdorues të rrugës. Ndërkohë që, sipas dokumentit mbajtësi i koncesionit do të ketë të drejtë të gjenerojë edhe të ardhura shtesë, por pa specifikuar se në çfarë forme.
Paralelisht, për 8 vitet e para të operimit të rrugës, në rast se do të ketë një rënie të nivelit të të ardhurave bazë do të aplikohet garancia e trafikut, që nënkupton rimbursimin e parave nga buxheti i shtetit. Referuar kontratës, në këtë rast shuma totale që do të duhet të mbulohet nga paratë publike arrin në 22.81 mln euro. Në asnjë rresht, kontrata nuk ka të përcaktuar vlerën e investimit që do të duhet të kryejë koncesionari, por referuar garës së zhvilluar për këtë aks “Gener 2” u shpall fitues me ofertën prej 226 mln euro, teksa gjatësia e segmentit është 21 km.
Pagesa për rrugë për automjetet nuk do të jetë më pak se 2.1 euro, pa TVSH, ndërkohë që përllogaritjet e rregullimit të Shkallës së Tarifës së aplikuar do të bëhen çdo vit. Po ashtu, koncesionari do të ketë të drejtë të rrisë tarifën në varësi të luhatjeve të kursit të këmbimit lekë euro. Ndërkohë që, dokumenti i nënshkruar përcakton se shteti nuk ka të drejtë të ndërhyjë në asnjë rast në vendosjen e tarifave që do të aplikohen.
Nëse do të ketë kategori që do përjashtohen nga tarifa, vlera e munguar do rimbursohet nga shteti. Qeveria vendosi të rikthejë projektin koncesionar të rrugës Thumanë –Kashar, pas një rinegocimi me kompaninë mbajtëse të koncesionit, që është “Gener 2”. Projekti ishte pjesë e paktës “1 miliard “ të qeverisë për rrugët, por ai u anulua në fillim të vitit 2019 me argumentin se fondet buxhetore të parashikuara do të shkonin në funksion të “Paktit për Universitetin”, ndonëse në atë kohë buxheti i parashikuar për këtë kontratë ishte “zero” lekë.
Gjithsesi, kompania ankimoi vendimin në gjykatë, teksa kjo e fundit i dha të drejtë, duke detyruar Ministrinë e Infrastrukturës dhe Energjisë të rinegociojë kontratën. Ndërkaq, në ditët e fundit të vitit të kaluar, qeveria vendosi nisjen e procedurave të negociimit, pa ankimuar vendimin e Gjykatës Administrative të Apelit, në Gjykatën e Lartë. Kohëzgjatja e koncesionit është 35 vjet, nga 13 vjet që ishte më herët, teksa punimet parashikoohet të zgjatin 2 vjet.
Ola Mitre / SCAN
Sondazh
2022, kompanitë paguan më pak dëmshpërblime - AMF: Dëmet paguara për periudhën janar-prill 21 milionë dollarë
Në katër muajt e parë të këtij viti, kompanitë e sigurimit kanë ulur ndjeshëm totalin e dëmeve të paguara në favor të klientëve. Autoriteti i Mbikëqyrjes......
7 ankande bonosh e obligacionesh për qershorin/ Vlera 39.1 miliardë lekë. Rihapen obligacionet 7-vjeçare
Gjatë muajit qershor janë planifikuar të zhvillohen 7 ankande bonosh dhe obligacionesh me një vlerë të përgjithshme 39.1 miliardë lekë. Dy ankande......
Projekt për “herbarium” në Lazarat - Tenderi 6.3 milionë lekë për dy parcela
Bashkia e Gjirokastrës ka shpallur një tender me vlerë rreth 6.3 milionë lekë për ngritjen e dy parcelave që do të shërbejnë si ‘herbarium’ në funksion të......
Posta e Tiranës drejt transferimit/ Projekti: Rikonstruksione në 20 filiale. Krijohen dhoma për paratë e postën sekrete!
Posta e Tiranës pritet të transferohet e t’i ofrojë shërbimet në ambientet e Drejtorisë së Përgjithshme të Postave në Tiranë. Projekti vjen si pjesë e një......
Peshkatarët, para’ për investime në anije - Udhëzimi/ Financim për blerjet dhe instalimin e pajisjeve të ndryshme
Së fundmi sektori i peshkimit ka marrë një vëmendje të shtuar nga ana e qeverisë me qëllim zhvillimin e tij dhe shfrytëzimin e potencialeve që ka në ekonomi......
Bizneset “imunë” ndaj krizës/ 4-mujori 2022: Mbi 5 mijë sipërmarrje të reja, shifra më e lartë në 4 vjet
Kriza e rritjes së çmimeve dhe kostot e shtuara mbi bizneset, nuk e ka ndërprerë vrullin e iniciativave të reja. Referuar të dhënave zyrtare të Ministrisë së......
Rusia pranon pagesa në kriptovalutë - Banka qendrore merr vendimin kundër sanksioneve perëndimore
Në një moment që perëndimi ashpërson sanksionet ndaj Rusisë, banka qendrore e vendit deklaroi se është e gatshme të lejojë përdorimin e kriptovalutave për......
Lamborghini shet më shumë sesa prodhon - Lista e pritjes është më e gjatë se një vit. 13% më shumë shitje se në 2021
Çdo muaj shiten më shumë se sa prodhohen. Është kjo deklarata e Stephan Uinkelmann, president dhe CEO i Lamborghini. Ai shton se lista e pritjes për klientët......
