Risitë për lidhjen në rrjet të vetëprodhuesve të energjisë - Kadiu: Do të lejohet edhe më shumë se 0.5 MW, por pa të drejtë kompensimi
Miratimi i ndryshimeve ligjore në mbledhjen e fundit të qeverisë në lidhje me vetëprodhuesit e energjisë elektrike nga panele diellore, i hap rrugë lidhjes me rrjetin edhe për ata konsumatorë që kanë instaluar kapacitet më të lartë se 0.5 MW, që ishte kufizimi i deritanishëm. Drejtori i Politikave të Energjisë, në Ministrinë e Infrastrukturës dhe Energjisë, Besjan Kadiu bën me dije për TV SCAN detajet, duke shtuar se kushti për këtë kategori do të jetë mospërfitimi i kompensimit për sasinë e energjisë të hedhur në rrjet.
“Është një kategori e re, që i shtohet portofolit të vetëprodhuesve në Republikën e Shqipërisë, të cilët nuk do të përfitojnë skemë mbështetëse, qoftë në formën e faturimit neto, qoftë në formën e matjes neto. Duke qenë se ky grup prodhuesish nuk përfiton skemë mbështetëse, siç përfitojnë vetëprodhuesit e tjerë, kufizimi prej 500 kW për vetëprodhuesin brenda skemave mbështetëse do të hiqet për këtë grup të ri vetëprodhuesish”, - tha ai.
Kadiu bën me dije dhe të dhënat më të fundit sa i takon konsumatorëve që kanë instaluar panele diellore për vetëprodhimin e energjisë elektrike.
“Aktualisht kemi rreth 1300 konsumatorë në skemën e vetëprodhuesve me mbështetje, për një total kapaciteti të instaluar prej rreth 120 MW. Kryesisht teknologjia është fotovoltaike dhe këtij grupi do t’i shtohet edhe ky grup i ri, i cili do të ketë edhe një qasje tjetër, edhe për impaktin që sjell në rrjetin e shpërndarjes”, - tha Kadiu.
Paralelisht me këto ndryshime, qeveria miratoi edhe rregulla të reja sa i takon investitorëve që aplikojnë për ndërtimin e centraleve të prodhimit të energjisë nga era.
“Era është një teknologji, që ka nevojë për siguri teknike dhe siguri të dhënash. Pikërisht kjo, i jepet secilit prej investitorëve të mundshëm. Iu jepet si e drejtë, në një fazë paraprake, në mënyrë që këta investitorë të mbledhin të dhënat dhe t’i përdorin pastaj për realizimin e hapave të mëtejshëm të investimeve të tyre. Parashikimi ligjor aktual kufizonte kryesisht periudhën e marrjes së të dhënave. Nga të dhënat teknike dhe standardet e mira ndërkombëtare, kjo periudhë e marrjes së të dhënave të erës është minimalisht 12 muaj, ndërkohë që periudha që këta aplikues mund të realizonin matje ishte e kufizuar në 6 - 9 muaj, sipas rregullimit aktual”, - u shpreh drejtori i Politikave të Energjisë në ministri.
Sipas Kadiut, ndryshimet ligjore pritet të lehtësojnë investimet në energji të rinovueshme.
Ola Mitre / SCAN
Sondazh
Java mbyllet negativisht për valutat kryesore!
Dollari amerikan e ka mbyllur këtë javë negativisht pasi në raport me ditën e djeshme ka pësuar sërish zbritje të vlerës duke u blerë sot me 94.8 lekë dhe duke......
Hendeku gjinor i pagave: Vetëm një vend në Europë paguan gratë më shumë se burrat!
Hendeku gjinor i pagave është ende shumë i dukshëm në Europë. Disa tregues tregojnë pabarazinë midis grave dhe burrave në shumë fusha, por jeta ekonomike është......
Hyjnë në fuqi rregullat për tregjet online në BE - Gjashtë “Big Tech” duhet zbatojnë Aktin e Tregjeve Digjitale
Në vendet e Bashkimit Europian ka hyrë në fuqi Akti i Tregjeve Digjitale (DMA), një rregullore historike që synon të sigurojë konkurrencë më të madhe në......
Vaji i ullirit ekstra i virgjër, shumë i shtrenjtë - Një në tre italianë nuk arrin ta blejë. Kanë ndryshuar zakonet e konsumit
Çmimi i vajit të ullirit ekstra i virgjër në Itali ka arritur në 9 euro për litër dhe një në tre konsumatorë nuk e blen më si dikur. Të dhënat janë publikuar......
Barazia gjinore në punë rrit PBB me 20% - Banka Botërore: Hendeku aktual, më i gjerë se sa vlerësohej
Gjysmës së popullsisë së botës i mungojnë të drejtat e plota, me gratë që gëzojnë afërsisht 2/3 e të drejtave të burrave sipas ligjeve globale. Megjithatë,......
Inflacioni turk arrin në gati 70%, duke shkatërruar shpresat për një pauzë të rritjes së normës!
Instituti i Statistikave Turke njoftoi se norma vjetore e inflacionit të vendit u rrit në 67.07% në shkurt, duke tejkaluar parashikimet. Analistët e anketuar......
Sa më shumë mund të rritet Bitcoin gjatë vitit 2024?
Bitcoin (BTC) pritet të arrijë një rekord të ri prej 88,000 dollarë (82,000 euro) gjatë gjithë vitit, përpara se të vendoset rreth 77,000 dollarë në fund të......
Shqipëria, në “ethet” e të punuarit si agjent imobiliar - Nga rroga me përqindje, e deri te ndërmjetësimi i klientëve.
Në rrjetet tona sociale na ndodh shpesh që shohim të rinj që reklamojnë apartamente e prona të paluajtshme duke e kthyer atë në një profesion trend të ditëve......
