Kredi pa interes për 300 punonjës - Mete: Programi i mbështetjes do të vijojë, synohet zgjerim i përfituesve!
Ministri i Financave dhe Ekonomisë, z. Ervin Mete, mori pjesë në ceremoninë e akordimit të kredive të buta për strehim për kategoritë e punonjësve të Policisë së Shtetit, Forcave të Armatosura dhe personelit mjekësor, në prani të Kryeministrit Edi Rama dhe ministrave të tjerë të kabinetit qeveritar.
Në fjalën e tij, Ministri Mete e konsideroi akordimin e kredive me zero interes për punonjësit e policisë së shtetit, forcave të armatosura dhe personelit mjekësor si shprehje të mbështetjes dhe angazhimit të qeverisë për një trajtim dinjitoz dhe cilësor të punës dhe shërbimit të tyre, si dhe shprehje e detyrimit që momentin e mirë ekonomik që po kalon vendi të përkthehet në më tepër solidaritet dhe rishpërndarje edhe më të drejtë në funksion të mirëqenies së qytetarëve.
“Jam i bindur që ky lajm sot ju gëzon jo vetëm ju, por patjetër edhe familjarët tuaj në këtë prag festash, pasi sigurimi i kushteve të përshtatshme të strehimit është thelbësor dhe me rëndësi të veçantë për standardet e jetesës. Në këtë frymë, iniciativën e këtij viti, për të mbështetur me kredi me zero interes 300 punonjës të rendit, mbrojtjes dhe shëndetësisë, do ta shtrijmë edhe në vitin tjetër, me synim për të përmbushur sa të e jetë e mundur nevojat e punonjësve që jetojnë larg vendeve të punës, apo që kanë nevojë për më shumë hapësira për strehim”, tha Ministri, ndërsa shtoi se synim është gjithashtu që vitin tjetër të konsiderohet edhe zgjerimi i përfituesve dhe kategorive nga këto lehtësi.
Nga ana tjetër, Ministri informoi se është alokuar edhe një fond të posaçëm për rritjen e pagave për vitin e ardhshëm, në mënyrë që të avancohet me një rritje domethënëse të pagave për sektorin publik, përfshirë edhe sektorin e rendit, të mbrojtjes dhe të shëndetësisë, me synimin për të ofruar punësim cilësor, një pagë konkurruese edhe në rajon dhe me ambicien për të mos ndaluar këtu, por për të vazhduar më tej drejt një mbështetje më të madhe të shërbyesve publikë.
“Me të njëjtën shprehje solidariteti, në aktin normativ që sapo miratuam, ju kemi dhënë mbështetje shtresave në nevojë, si edhe pensionistëve, të cilët morën bonusin e dytë brenda këtij viti, me synimin që gjatë vitit të ardhshëm të angazhohemi në një diskutim të thelluar për reformimin si të skemës së sigurimeve shoqërore, pra të pensioneve, ashtu edhe të shtyllave të tjera të mbrojtjes sociale për shtresat në nevojë”, u shpreh Ministri.
E . S / SCAN
Fjala e Ministrit Ervin Mete në ceremoninë për akordimin e kredive të buta për strehim me KM
I nderuar zoti Kryeministër
Të nderuar kolegë të kabinetit
Të dashur punonjës të Policisë së Shtetit, të forcave të armatosura dhe personelit mjekësor
Është kënaqësi e veçantë për mua të kem fjalën hapëse në këtë event sot, si një shprehje e mbështetjes dhe angazhimit të Qeverisë për një trajtim dinjitoz dhe cilësor të punës dhe të shërbimit tuaj.
Njëkohësisht, kjo mbështetje që jepet sot për ju, në formën e kredive me zero interes, është shprehje e detyrimit tonë që momentin e mirë ekonomik që po kalon vendi, pasi është përballur me një sërë krizash, ta përkthejmë në më tepër solidaritet dhe një rishpërndarje edhe më të drejtë në funksion të mirëqënies së qytetarëve.
Ky është një program, i aplikuar për herë të parë këtë vit, mundësuar përmes ndryshimeve të posaçme ligjore, administruar online në e-Albania, si një zgjerim i programeve të strehimit, duke mundësuar në bashkëpunim me bankat e nivelit të dytë kredi të lehtësuara, interesi i së cilave subvencionohet tërësisht nga buxheti i shtetit.
Ju jeni shpallur fitues, sipas procedurave dhe kritereve përzgjedhëse, pas administrimit të një numri të konsiderueshëm kërkesash. Dhe jam i bindur që ky lajm sot ju gëzon jo vetëm ju, por patjetër edhe familjarët tuaj në këtë prag festash, pasi sigurimi i kushteve të përshtatshme të strehimit është thelbësor dhe me rëndësi të veçantë për standardet e jetesës.
Në këtë frymë, inicivitën e këtij viti, për të mbështetur me kredi me zero interes 300 punonjës të rendit, mbrojtjes dhe shëndetësisë, do ta shtrijmë edhe në vitin tjetër, me synim për të përmbushur sa të e jetë e mundur nevojat e punonjësve që jetojnë larg vendeve të punës, apo që kanë nevojë për më shumë hapësira për strehim. Synimi është gjithashtu që vitin tjetër të konsiderohet edhe zgjerimi i përfituesve dhe kategorive nga këto lehtësi.
Siç e dini, kemi alokuar gjithashtu, një fond të posacëm për rritjen e pagave për vitin e ardhshëm, në mënyrë që të avancojmë me një rritje domethënëse të pagave për sektorin publik, patjetër përfshirë edhe sektorin e rendit, të mbrojtjes dhe të shëndetësisë, me synimin për të ofruar punësim cilësor, një pagë konkurruese edhe në rajon dhe me ambicjen për të mos ndaluar këtu, por për të vazhduar më tej drejt një mbështetje më të madhe të shërbyesve publikë.
Me të njëjtën shprehje solidariteti, ne aktin normativ që sapo miratuam, ju kemi dhënë mbështetje shtresave në nevojë, si edhe pensionistëve, të cilët morën bonusin e dytë brenda këtij viti, me synimin që gjatë vitit të ardhshëm të angazhohemi në një diskutim të thelluar për reformimin si të skemës së sigurimeve shoqërore, pra të pensioneve, ashtu edhe të shtyllave të tjera të mbrojtjes sociale për shtresat në nevojë.
I njëjti akt normativ akordoi edhe kompensimin ushqimor për punonjësit e Policisë së Shtetit, pikërisht nën frymën e një trajtimi dinjitoz të atyre që shërbejnë nën uniformën e shtetit shqiptar.
Sepse siç e theksova, është detyrimi ynë që të jemi solidarë, të bëjmë politika së më të drejta dhe të mbështesim sa të jetë e mundur të gjithë ata që me dinjitet dhe ndershmëri japin shërbimin e tyre në këtë vend. Shumë faleminderit dhe festa të gëzuara!
DPSHTRR: 69 493 mjete të regjistruara për herë të parë në janar-nëntor / Cilat janë vendet nga importojmë?
Drejtoria e Përgjithshme e Transportit Rrugor ka publikuar të dhënat e fundit mbi automjetet që janë regjistruar për herë të parë në vendin tonë për periudhën......
Fillojnë punimet për linjën 400 kV me RMV - Balluku: Shton kapacitetet tona transmetuese
Ministrja e Infrastrukturws dhe Energjisw, Belinda Balluku, ka njoftuar sot nisjen e punimeve pwr ndërtimin e linjës së interkonjeksionit të tensionit të lartë......
Udhëtimet për pushime shënojnë rekord në Europë - Pavarësisht paralajmërimeve për sigurinë, njerëzit zgjedhin të largohen
Udhëtimet brenda Europës në sezonin e festave po i tejkalojnë nivelet e vitit 2022, pavarësisht paralajmërimeve të sigurisë nga autoritetet në mbarë Europën......
Serbia prodhon çdo vit 50 milionë litra raki - Rreth 20 milionë litra janë për përdorim personal
Në Serbi prodhohen rreth 50 milionë litra raki në vit. Prej tyre, 30 milionë litra prodhohen nga distileri të regjistruara në Ministrinë e Bujqësisë,......
“Ekonomia e Kosovës, më e fortë” - Kryeministri Albin Kurti: Gjatë vitit 2023 u mbështetën 218 biznese
Ekonomia e Kosovës nuk ka qenë asnjëherë më e fortë se tani. Deklarata u bë nga kryeministri i vendit, Albin Kurti, gjatë konferencës vjetore “Strategjia për......
Kina planifikon zotërimin e tregut të kobaltit - Minerali përdoret gjerësisht në sektorin e automjeteve elektrike
Kobalti përdoret gjerësisht në sektorin e automjeteve elektrike, ku kombinohet me nikelin për të prodhuar densitet më të lartë energjie në bateritë litium-jon.......
Institucioni gjerman kërkon 20 mijë punonjës - Bonus prej 3 mijë euro për këdo që punësohet në “Commerzbank”
Pas vitesh ristrukturimi, duke përfshirë shkurtimin e mijëra vendeve të punës, ‘Commerzbank’ në Gjermani tani po punëson punëtorë të rinj në numër të madh.......
BE asgjëson 4 miliardë euro vaksina anticovid - Arsyeja kryesore ishte skadimi i tyre
Të paktën 215 milionë doza të vaksinave kundër COVID-19 të blera nga vendet e BE-së në kulmin e pandemisë janë asgjesuar, me një kosto të vlerësuar për......
