Shqipëria mikpriti turistë edhe në dimër/ Strukturat akomoduese patën rreth 42% më shumë vizitorë të huaj
Shifrat më të fundit mbi strukturat akomoduese për muajin janar të këtij viti përforcojnë edhe njëherë rekordet e turizmit. Sipas të dhënave të INSTAT rezulton se numri i vizitorëve gjithsej gjatë muajit janar të këtij viti ishte 96,256 duke shënuar rekord krahasuar me numrin e vizitorëve të regjistuar në të njëjtin muaj të 7 viteve të fundit. Ndërkohë, krahasuar me janarin e një viti më parë, shohim se këtë vit u regjistruan 27.1% më shumë vizitorë. Nga ana tjetër, numri i netë qëndrimeve gjithsej ishte 169,714 ose 49.4% më shumë krahasuar me janarin e vitit 2023.
“Scan Intel” ndër të tjera ka analizuar edhe numrin e vizitorëve dhe netë qëndrimeve sipas tipologjisë së tyre. Sipas shifrave të “Institutit të Statistikave” në strukturat akomoduese u regjistruan rreth 49,248 vizitorë të huaj, duke shënuar një rritje me 42.3%, krahasuar me vitin paraardhës,
Po ashtu edhe netë qëndrimet nga vizitorët e huaj gjatë muajit janar të këtij viti u rritën me 69.3%, krahasuar me një vit më parë. Numri i tyre u regjistrua në afërsisht 95,000. Përsa i përket netë qëndrimeve nga vendasit numri është më i ulët, pasi në muajin janar në strukturat akomoduese qëndruan 74,949 vizitorë vendas ose 24.6% më pak se të huajt.
Përsa i përket origjinës së turistëve që na vizituan gjatë muajit janar, shifrat tregojnë se peshën më të madhe e zënë vizitorët nga Kosova me 14.3% dhe vizitorët nga Italia me 13.3%. Pjesa tjetër shpërndahet mes vizitorëve nga Gjermania, Greqia dhe Mbretëria e Bashkuar, të cilët kanë qenë më të paktë në numër.
Theksojmë se duke filluar nga muaji janar 2024, të dhënat e Anketës së Strukturave Akomoduese janë mbledhur nëpërmjet vrojtimit tërësor pranë këtyre strukturave përkundrejt vrojtimit me kampionim që përdorej në vitet paraardhëse. Këto të dhëna janë grumbulluar, prodhuar dhe publikuar për të
gjitha strukturat akomoduese pjesë e Regjistrit Statitistikor të Ndërmarrjeve të vitit 2023
Sondazh
Inflacioni barazon mesataren e BE-së/ Çmimet në shkurt u shtrenjtuan me 2.8%. Shqipëria ka inflacionin më të ulët në rajon
Në muajin shkurt të vitit 2024, të dhënat e publikuara nga INSTAT mbi inflacionin e matur sipas metodës europiane konfirmojnë një rritje më të ngadaltë të......
Vijon “drama” e eksporteve edhe në shkurt/ Ranë me 16%, u ndikuan kryesisht nga hidrokarburet dhe tekstilet
Në muajin shkurt të këtij viti duket se eksportet në vlerë u ulën më pak se në muajin janar ku rënia u regjistrua në 29.2%. Kështu, shifrat nga “Instituti i......
Rreth 45% e popullsisë, në rrezik varfërie/ Eurostat: Shqipëria, e para në Europë, por shënon përmirësim nga viti i kaluar
Gati 45% e popullsisë në vendin tonë është në rrezik varfërie apo përjashtimi social, sipas të dhënave të fundit nga “Instituti i Statistikave”. Por, çfarë do......
Zhvillimi njerëzor, Shqipëria e 74-ta/ UNDP: Në 32 vite vlera e indeksit u rrit me 21.6%, por jemi më keq se një vit më parë
Vlera e "Indeksit të Zhvillimit Njerëzor" për Shqipërinë në vitin 2022 është 0.789, vlerë që e pozicionon vendin në kategorinë e lartë të zhvillimit human,......
Analiza/ Çfarë do të fitonte rajoni nga integrimi në BE? Banka Botërore: Kostot e tregtisë do të reduktoheshin me 4%
Në kohë tensionesh gjeopolitike dhe besimi të reduktuar në rritjen e jashtme, është e rëndësishme të kuptojmë se cilat janë përfitimet e mundshme të politikave......
Indeksi i Njohurive, Shqipëria e 65-ta në botë/ Ngjitet me tre pozicione, performancën më të mirë e pati për arsimin e lartë
Shqipëria renditet në vend të 65-të, nga 133 vende në total, në “Indeksin Global të Njohurive” për vitin 2023 dhe vlerësohet me 47.1 pikë. Krahasuar me vitin......
Dy vite pas, si e ndikoi lufta Shqipërinë? Konflikti “preku” importet me Rusinë, bie ndjeshëm pesha e tyre
Kanë kaluar dy vite nga lufta në Ukrainë dhe Shqipëria si pjesë e Europës nuk ka qenë e imunizuar nga ndikimi që kanë patur këto ngarje. Lufta midis Rusisë dhe......
Inflacioni në Shqipëri, mbi mesataren e BE-së/ Çmimet janë shtrenjtuar me 3.8% në janar, sipas metodës europiane
Sipas të dhënave të publikuara nga "Instituti i Statistikave", Indeksi i Harmonizuar i Çmimeve të Konsumit për muajin Janar të vitit 2024, në Shqipëri,......
