“Më ndihmoni të shpenzoj paratë”! - Trashëgimtarja e pasur do të ndajë 25 milionë euro për 50 persona
Një grup prej 50 shtetasish austriakë do të përfitojnë shuma të konsiderueshme parash nga një trashëgimtare të pasur, duke e ndihmuar atë për të vendosur se si t'i shpërndajë milionat që i ka lënë gjyshja. Marlene Engelhorn, 31 vjeç, e cila jeton në Vjenë, është pasardhëse e Friedrich Engelhorn, themelues i kompanisë gjermane kimike dhe farmaceutike BASF. Pas vdekjes së gjyshes së saj në shtator 2022, ajo trashëgoi miliona euro.
Në intervista të ndryshme ajo shprehet se ka trashëguar një pasuri, dhe për rrjedhojë pushtet, pa bërë asgjë për ‘të. Përveç kësaj shteti nuk do as taksa, pasi Austria hoqi tatimin mbi trashëgiminë në 2008-ën. Ajo synon të japë 25 milionë euro.
Gjyshja e saj, Traudl Engelhorn-Vechiatto, vlerësohet sipas revistës amerikane Forbes të ketë pasur një pasuri prej 3.8 miliardë eurosh. Mbesa e saj kishte shprehur dëshirën për të shpërndarë rreth 90% të trashëgimisë së saj para vdekjes.
Kështu trashëgimtarja 31-vjeçare nisi t'u dërgonte ftesa njerëzve të zgjedhur rastësisht në Austri. Ata që dëshirojnë të marrin pjesë në nismën e Engelhorn, të quajtur ‘Këshilli i Mirë për Rishpërndarje’, mund të regjistrohen në internet ose me telefon. Qëllimi i saj është të dërgojë ftesa për 10 mijë austriakë mbi moshën 16 vjeç, për të përzgjedhur 50 persona nga mosha, rajone dhe klasa të ndryshme shoqërore, si dhe 15 zëvendësues. Ajo shpjegon se meqënëse politikanët nuk bëjnë punën e tyre dhe rishpërndajnë, atëherë ajo duhet ta rishpërndajë vetë pasurinë e saj.
Të 50 personat në grup do të ftohen të kontribuojnë me idetë e tyre, në mënyrë që së bashku të arrijnë në zgjidhje që do të jenë në interes të shoqërisë në tërësi. Në këtë kuadër, ata do të marrin pjesë në një sërë takimesh me akademikë dhe organizata të shoqërisë civile, të cilat do të zhvillohen në Salzburg nga marsi deri në qershor.
Pjesëmarrësve do t'u mbulohen shpenzimet e udhëtimit, do të sigurohet kujdesi për fëmijët dhe një pagë prej 1200 eurosh për çdo fundjavë, pasi Engelhorn beson se debatet e tyre do të jenë një ‘shërbim për demokracinë’ dhe për këtë arsye duhet të kompensohen siç duhet.
Ajo sqaron se nuk ka të drejtë vetoje. Këtyre 50 personave i ka vënë në dispozicion pasuritë dhe u beson atyre. Megjithatë, nëse grupi nuk mund të marrë një vendim që ka mbështetje të gjerë midis anëtarëve të tij, atëherë paratë do të kthehen tek Engelhorn. Ende nuk është e qartë saktësisht se çfarë përqindje të trashëgimisë së saj synon të dhurojë 31-vjeçarja.
Dorina Kurtaj / SCAN
Sondazh
Tatimorët synojnë tregun e rrobave të përdorura - Rregulla të reja për shitjet përmes platformave digjitale në shumë vende
Ndërsa gjithnjë e më shumë njerëz shesin rrobat e tyre të përdorura përmes platformave digjitale, autoritetet tatimore të Britanisë së Madhe kanë vendosur të......
Në 2023 u shitën më shumë automjete elektrike - Ritmi po ngadalësohet pasi synohen modele më të mira, më të vogla e më të lira
Shitjet globale të automjeteve plotësisht elektrike dhe hibride u rritën me 31% në 2023-shin, nga 60% rritje në vitin 2022, sipas firmës së kërkimit të tregut......
Si e ka ndryshuar euro Europën? - Një analizë në 25-vjetorin e monedhës së përbashkët
Pas stabilitetit relativ gjatë periudhës pas Luftës së Dytë Botërore, trazirat në tregjet e monedhave ndërkombëtare kërcënuan sistemin e çmimeve, një shtyllë......
Rritje rekord e burimeve të rinovueshme - IEA: Trefishimi i prodhimit të energjisë deri në vitin 2030 është i arritshëm
Objektivi për të trefishuar kapacitetin e prodhimit të energjisë elektrike nga burimet e rinovueshme deri në vitin 2030 është i arritshëm, pas një viti të......
Ndryshimi në qeveri / Rama: Për një shtysë të re të forte. Gonxhe një nga drejtuesit më të sprovuar
Kryeministri Rama gjatë komunikimit të mbajtur me mediat ka folur gjithashtu edhe për ndryshimet e bëra në qeveri duke treguar arsyet pse bashkoi Ekonominë me......
Rama për Porto Romano: “Do të kalojë me financim të brendshëm”
Gjatë komunikimit të mbajtur me mediat, kryeministri u ndal edhe te Porto Romano ku u shpreh se është ndryshuar strategji dhe se tashmë do të kalohet me......
Nga akset e reja rrugore e hekurudha me Prishtinën te Porti i ri i Durrësit/ Çfarë u diskutua në mbledhjen e qeverisë në Shëngjin
Kryeministri Edi Rama ka mbajtur një komunikim publik për mediat duke dhënë detaje se mbi çfarë është diskutuar duke u shprehur se puna është ndarë në 3......
Si e dyfishoi Arabia Saudite vlerësimin e burimeve të saja minerale?
Arabia Saudite pothuajse dyfishoi vlerësimin për vlerën e burimeve të saj minerale dhe po sheh marrëveshje fitimprurëse të nënshkruara gjatë Forumit të saj të......
