Indeksimi dhe bonusi, sa do rriten pensionet? - Deri në dhjetor do ndahen rreth 7.8 mld lekë. Në tre vite fondi do rritet me 13%
Ada Hazizolli/SCAN
Ndryshimi i paralajmëruar i skemës së pensioneve do të paraprihet nga indeksimi i përvitshëm, bazuar në normën e inflacionit. Vendimi pritet të zyrtarizohet muajin e ardhshëm. Në total janë rreth 7.8 miliardë lekë ose rreth 78 milionë dollarë, që do të ndahen për pensionistët, këtu përfshihet edhe fondi për bonusin apo shpërblimin, që ndahet me rastin e festave të fundvitit. Konkretisht, janë rreth 4.1 miliardë lekë që do të përdoren për indeksimin dhe 3.7 miliardë të tjera që do të shkojnë për bonusin.
Nisur nga sasia e fondit, por edhe trajektorja e ndjekur nga norma e inflacionit në harkun e një viti, shtesa e cila do të aplikohet në muajin tetor, pritet të jetë më e ulët se 5 për qind.
Sa i takon fondit për tri vitet e ardhshme, për vitin 2025 janë parashikuar të shpenzohen 7.9 miliardë lekë, ose 126 milionë lekë më tepër. Për vitin 2026 janë planifikuar rreth 8.3 miliardë lekë dhe pas tri vitesh, pra, në 2027-ën, fondi i dedikuar për rritjen e pensioneve do të jetë 8.8 miliardë lekë, duke njohur një rritje me gati 13 për qind. Por, kjo nuk do të thotë domosdoshmërisht më shumë para në xhepat e pensionistëve, për vetë faktin që fondi vjetor është i lidhur më së shumti me rritjen e numrit të personave që dalin në pension. Aktualisht, janë rreth 700 mijë të moshuar në skemë, por në 2027-ën numri i tyre pritet të jetë më i lartë. Në këto kushte, edhe fondi që shkon në adresë të pensionistëve parashikohet të vijë në rritje.
Brenda këtij viti, do të prezantohet edhe reforma e re e pensioneve. Prej muajsh, me asistencën edhe të Bankës Botërore, Qeveria është duke punuar për hartimin e një skeme të re, që do të amortizojë problematikat e shfaqura përgjatë 10 viteve, duke mundësuar në të njejtën kohë pensione dinjitoze për të moshuarit, që janë aktualisht në skemë por edhe ata që dalin rishtazi. Vetë Kryeministri Rama, në një daljet publike, ka bërë të ditur se me rishikimin e skemës nuk do të ketë më pensione nën kufirin apo pragun e 150 eurove. Aktualisht, janë rreth 140 mijë të moshuar, kryesisht në zonat rurale, që kanë një masë pensioni më pak se 150 euro në muaj, e që do të preken nga këto ndryshime.
Sondazh
4.5 milionë euro shtesë për bashkitë - Mbështetje financiare për 5 vjet, synon administratë vendore më të “fortë”
Elisabeta Dosku/ SCAN Një fond prej 4.5 milionë eurosh do të shkojë për 61 bashkitë në vend në formën e mbështetjes teknike për sistemin e financave......
Euro poshtë 100 lekëve, një normalitet i ri - Meka: Është thyer niveli psikologjik, po zbehen edhe luhatjet sezonale
Lidion Kulla/SCAN Tregu i brendshëm valutor është futur në një normalitet të ri, me euron që do të mësohemi ta shikojnë shumë gjatë pranë niveleve......
Ky shtet po rrit moshën e pensionit – Shkak, popullsia e moshuar që po kërcënon ekonominë e vendit!
Edel Strazimiri / SCAN Kina do të rrisë moshën e saj të daljes në pension për punëtorët duke filluar nga 1 janari 2025, thanë të premten media......
Si do të ndahen fondet për ujitjen në 29 bashki? - Projektet kapin vlerën e 18 milionë eurove të ndara në 3 vite
Elisabeta Dosku/ SCAN Qeveria ka miratuar listën e re të projekteve ku do të alokohen fondet për infrastrukturën e ujitjes dhe kullimit, duke përfshirë......
Rreth 34 mijë shqiptarë u "shkëmbyen" me 3 mijë italianë! - Italia, Gjermania dhe Greqia lëshuan më shumë leje qëndrimi për shqiptarët
Xhorxhina Deda/SCAN Mbi 3.7 milionë leje qëndrimi për herë të parë u lëshuan në vendet e Bashkimit Europian për shtetasit që nuk janë anëtarë në vitin......
Rezerva valutore arrin në 5.7 mld euro - Rritet me 3.3% në korrik. Titujt e borxhit përbëjnë 76% të totalit
Ledina Elezi/SCAN Që prej fillimit të vitit, rezerva valutore ka regjistruar vlerën më të lartë në muajin korrik, duke u rritur me 3.3% krahasuar me......
Pse prodhuesit europianë të makinave po luftojnë në tregun e automjeteve elektrike?
Edel Strazimiri / SCAN Shitjet e automjeteve elektrike në korrik 2024 arritën në 853,000 globalisht, duke u rritur me vetëm 6% nga viti në vit, një......
Në KPP u adresuan 123 ankesa për tenderët - Përfitohen 5.2 milionë lekë tarifa financiare në buxhet
Diamila Leka/ Scan Në Komisionin e Prokurimeve Publike janë adresuar 123 ankesa për muajin korrik. Referuar buletinit mujor të Komisionit të......
