FED ka një punë të vështirë me inflacionin - Ulja e kostove të strehimit dhe të shërbimeve, objektivat kryesorë
Në teori, sjellja e inflacionit pranë objektivit prej 2% nga një bankë qendrore nuk tingëllon tmerrësisht i vështirë. Fajtorët kryesorë aktualisht lidhen me shërbimet dhe kostot e strehimit, ku shumë nga komponentët e tjerë tregojnë shenja të dukshme lehtësimi. Pra, targetimi i vetëm dy fushave të ekonomisë nuk duket një detyrë shumë e vështirë, nëse e krahasojnë për shembull me verën e vitit 2022, kur gjithçka po rritej. Megjithatë, në praktikë mund të jetë më e vështirë se sa duket.
Rënia e çmimeve në këta dy komponentë kryesorë ka rezultuar të jenë më e vështirë se sektori i ushqimeve dhe karburanteve, apo edhe te makinat e përdorura dhe të reja, të cilat të gjitha priren të jenë ciklike ndërsa rriten dhe bien, në varësi të ecurisë së ekonomisë më të gjerë. Në një situatë të tillë nevojitet një kontraktim i ekonomisë. “Kemi nevojë për një recesion”, shprehet Steven Blitz, kryeekonomist pranë GlobalData. “Nuk mund të zbresim me magji në një inflacion prej 2%, shtoi ai.
Inflacioni vjetor i matur me indeksin e çmimeve të konsumit ra në 3.7% në shtator, ose 4.1% nëse përjashtojmë kostot e paqëndrueshme të ushqimit dhe energjisë, që janë rritur vazhdimisht kohët e fundit. Të dyja shifrat janë shumë larg objektivit të Rezervës Federale, por kanë regjistruar një rënie domethënëse nga niveli i 9% një vit më parë.
Komponentët e Indeksit të Çmimeve Konsumatore, megjithatë, treguan për progres të pabarabartë. Çmimet e automjeteve të përdorura dhe shërbimet e kujdesit mjekësor patën një tendencë në rënie, por kjo rënie është zbehur nga rritja e mprehtë e strehimit (7.2%) dhe shërbimet (5.7%).
Pra, nëse nuk do të ketë progres në strehim dhe në shërbimet e kujdesit shëndetësor, do të jetë shumë e vështirë që Rezerva Federale të arrijë objektivin e inflacionit prej 2% në terma afatshkurtër apo afatmesëm. Analistët mendojnë se këto forca që po nxisin inflacionin, në një kohë të papunësisë shumë të ulët, do të mbizotërojnë derisa të vijë recesioni. Në këtë pikë analistët janë të ndarë. Ka nga ata që mendojnë se inflacioni do të çrrënjoset nga një recesion i cekët dhe i shkurtër në kohë, por nga edhe nga ata që mendojnë se recesioni i shumëpritur mund të mos ndodhë, sikurse vlerësojnë ekonomistët e Goldman Sachs. Por, ndërkohë, mbizotëron pasiguria.
Tregjet janë në mëdyshje se cili do të jetë hapi i ardhshëm i bankës qendrore: A do të mbështesin politikëbërësit një tjetër rritje të normës bazë të interesit përpara fundit të vitit, apo thjesht do t’i përmbahen skenarit të ri, se normat e interesit do të qëndrojnë të larta për një kohë më të gjatë, derisa inflacioni të shkojë pranë objektivit.
“Inflacioni që ka ngecur pranë 3.7%, së bashku me raportin shumë pozitiv për punësimin gjatë shtatorit, mund të jenë të mjaftueshme për ta shtyrë Rezervën Federale, të rrisë edhe një herë tjetër normën e interesit, deri në fund të vitit,” deklaroi Lisa Sturtevant, kryeekonomiste e Bright MLS, kompani e pasurive të paluajtshme.
Ndikimi më i madh i normave të larta të interesit ka qenë në tregun e banesave për sa i përket shitjeve dhe kostove të financimit. Megjithatë, çmimet janë ende të larta, për shkak të shqetësimeve se normat e larta do të pengojnë ndërtimin e apartamenteve të reja dhe do të mbajnë ofertën e kufizuar. Këta faktorë do të çojnë vetëm në çmime më të larta të qirave dhe përkeqësim të kushteve për të përballuar qiranë, në terma afatgjatë. Gjithashtu, rritja e interesave kërcënon fuqinë e tregut të punës dhe ekonominë.
Por, ideja se rritja e normës bazë të interesit në 5.25%, ende nuk ka kaluar nëpër ekonomi, është një faktor që mund ta detyrojë Rezervën Federale të qëndrojë në pritje. Në këtë pikë kthehemi te ideja se ekonomia duhet të ftohet akoma, përpara se banka qendrore të ndërmarrë hapin e fundit të rritjes së interesave, në luftën e saj për ta çuar inflacionin pranë objektivit prej 2%.
Lidion Kulla / SCAN
Sondazh
Tre tarifa të reja për bursën e energjisë - ERE nis procedurën. Kërkesa u bë nga ALPEX, do aplikohen për anëtarët
Enti Rregullator i Energjisë ka nisur procedurën për rishikimin e tarifave që aplikohen nga Bursa Shqiptrae e Energjisë Elektrike, ALPEX. Hapja e procedurës......
Vendoset taksë e re për tokat pyjore - Nga 0.1%-0.3%, sa do të paguajnë njerëzit në bashki të ndryshme?
Projektligji i ri për pasuritë e paluajtshme përfshin edhe taksimin me metodologjinë e re të tokave pyjore, të cila deri më tani kanë qenë të përjashtuara.......
13 sektorë, “pengojnë rrugën” për në BE - Strategjia/ Eliminim i barrierave tarifore dhe jo tarifore deri në 2030-ën
13 sektorë të ekonomisë përballen me barriera tarifore dhe jo tarifore duke e bërë shumë të vështirë depërtimin e bizneseve shqiptare në tregjet europiane.......
2 miliardë lekë kredi të ristrukturuara në 2023, kryeson ndërtimi - Banka e Shqipërisë: Kryesisht hua në valutë dhe kompanive ndërtuese
Ristrukturimet e kredive dhe fshirjet e kredive të humbura nga bilancet e bankave, kanë vijuar me ritëm mjaft më të ulët këtë vit se vitet e mëparëshme.......
Elbasan-Qafë Thanë, hapet tenderi 23.7 mln euro - FAZA III/ Aksi është pjesë e korridorit VIII, gjatësia 11.26 km
Me një fond limit prej 2.5 mld lekë apo 23.7 mln euro, Autoriteti Rrugor Shqiptar ka hapur tenderin për fazën e tretë të aksit rrugor Elbasan – Qafë Thanë, që......
Të ardhurat e familjeve rriten më ngadalë se shpenzimet - BSH: Pjesa më e madhe vijojnë të deklarojnë të ardhura mujore 17-50 mijë lekë
Shpenzimet e familjeve po rriten shumë më shpejt se të ardhurat e tyre. Konkluzioni vjen përmes një analize që Banka e Shqipërisë u ka bërë dy zërave. Sipas......
Google paditet në SHBA për diskriminim të Gjuhës Shqipe – Padia është ngritur nga dy shtetas amerikane me kombësi shqiptare!
Gjiganti teknologjik Google është paditur në Gjykatën e Lartë të Kalifornisë për mospërfshirjen e gjuhës shqipe në gjuhët e mbështetura nga Google. Ky......
BE nuk rinovon zgjatjen 10-vjeçare të përdorimit në bujqësi të substancës kimike glifosat!
Shtetet anëtare të BE-së nuk kanë arritur të bien dakord për rinovimin e propozuar 10-vjeçar të Komisionit Europian për përdorimin e glyphosate, një substancë......
