Energjia, ku e mbështesim furnizimin? Hidrokarburet, burimi kryesor, me 49.5% të peshës. Varësia nga importet, 35.9%
“Scan Inelligence Unit” ka analizuar shifrat e “ Agjencisë Europiane të Statistikave” për të kuptuar se cilat janë produktet energjitike që përbëjnë energjinë bruto të disponueshme në vendin tonë. Energjia bruto e disponueshme nënkupton furnizimin e përgjithshëm me energji për të gjitha aktivitetet në territorin e Shqipërisë, dhe përfshin prodhimin, importin, eksportin, si dhe produktet e rikuperuara. Pra, përfshihet çdo burim energjetik, jo energjia elektrike, por edhe hidrokarburet. Nga analiza e shifrave rezulton se produkti kryesor me peshën më të madhe në energjinë e disponueshme bruto janë nafta dhe produktet e saj. Gjatë vitit 2020, nafta dhe produktet e saj përbënin 49.5% të energjisë. Përzierja e energjisë gjithashtu përbëhet nga 33.1% burime të rinovueshme, 6.8% lëndë djegëse të ngurta fosile ose qymyr dhe 1.7% gaz natyror. Krahasuar me rajonin, Shqipëria është vendi më përqindjen më të lartë të naftës dhe produkteve të saj në energjinë bruto të disponueshme. Pra vendi ynë mbështetet në lëndët djegëse siç janë hidrokarburet, për konsumin e energjisë. Kosova mbështetet kryesisht në lëndët djegëse fosile për furnizimin të përgjithshëm me energji, ku ky burim zë 57.9% të energjisë së disponueshme bruto. Po ashtu dhe vende si Bosnje Hercegovina, Serbia dhe Mali i Zi kanë si produkt kryesor lëndët djegëse fosile. Ky ndryshim i ndjeshëm në strukturën e burimeve të energjisë mes Shqipërisë dhe rajonit duket të jetë rrjedhojë e mospërdorimit në masë të drurit dhe qymyrit për ngrohje, si dhe si pasojë e industrisë së rëndë jo shumë të zhvilluar.
Gjatë vitit 2020 Shqipëria në total importoi 35.9% të energjisë që ka konsumuar. Krahasuar me vitin 2019-të vërehet një rënie, si pasojë e kërkesës së kufizuar për shkak të pandemisë Covid-19. Nga të dhënat krahasuese të “Agjencisë Europane të Statistikave” shohim se importet neto të energjisë nga lëndët djegëse fosile zë 53.9% të totalit, ndërsa importet neto të energjisë nga nafta dhe nënproduktet e saj zënë 37.4% të totalit. Nga ana tjetër shohim se vendi ynë renditet mes vendeve të para në Europë që kanë normën e lartë sa i përket varësisë nga importi i energjisë së rinovueshme. Importet neto të energjisë së rinovueshme zënë 14.7% të totalit. Varësia e lartë shihet sidomos në raport me disa vende të rajonit të cilat kanë më pak burime të rinovueshme se Shqipëria.
Pra, nisur nga të dhënat kuptojmë se sfida kryesore e sektorit të energjisë në Shqipëri është ulja e varësisë nga importi dhe kjo mund të arrihet duke përdorur pontencialet që vijnë sidomos nga burimet e rinovueshme për plotësimin e nevojave nga burimet e vendit.
Sondazh
Investimet e huaja, rekord gjatë 2021-shit/ 1 mld euro IHD në një vit, stoku arrin në 9.5 mld. Holanda konfirmohet e para, “tkurret” më tej Zvicra
Investimet e huaja direkte gjatë vitit të kaluar në vendin tonë prekën shifrën e 1.03 mld eurove, duke regjistruar jo vetëm një vlerë mjaft të përafërt me......
Turistët shpenzuan 1.91 mld euro në Shqipëri vjet/ 988 mln euro më shumë se në 2020-ën. Me 199 euro për frymë, “thyhet” edhe 2019
Gjatë vitit të kaluar, turistët në vendin tonë shpenzuan rreth 1.91 mld euro, dy herë më shumë krahasuar me vitin e pandemisë, 2020-ën, kur fiksoheshin në......
Remitancat prekin rekordin 12-vjeçar/ Arrijnë në 761 mln euro, niveli më i lartë që pej 2009-ës
Dërgesat nga emigrantët kanë prekur gjatë vitit të kaluar nivelin më të lartë që prej 2009-ës, duke i`u rikthyer kështu niveleve të para krizës financiare......
A kursejmë me dritat e makinës fikur ditën? PO! Shqipëria mund të kursejë deri në 18 mln euro në vit
Qeveri të ndryshme të botës, përfshirë atë shqiptare, kanë ndërmarrë masa të ndryshme, deri diku edhe jo konvencionale, për të përballuar disi krizën......
27.1% më shumë të huaj në shkurt/ Ulen hyrjet nga Kosova me 13.4%, Greqia me rritjen më të lartë
Shifrat e publikimit “Lëvizjet e shtetasve në Shqipëri” nga “Instituti i Statistikave”, tregojnë rritje të të gjithë treguesve të tij. Hyrjet e shtetasve të......
Franca tërheq 55% të azilantëve shqiptarë/ Në 2021-shin Franca rrit ndjeshëm pjesën e saj në "tortën" e destinacioneve, tkurret Gjermania
Të dhënat e “Agjencisë Europiane të Statistikave” tregojnë se gjatë vitit 2021 janë regjistruar më shumë kërkesa për azil për herë të parë nga qytetarët të......
Shqiptarët, populli më pro-amerikan në NATO/ GALLUP: 82% e shqiptarëve aprovojnë lidershipin amerikan, nga 56% që ishin vjet
Shqipëria dhe shqiptarët janë vendi dhe populli më pro-amerikan mes shteteve anëtare të NATO-s, tregon një anketë e publikuar së fundmi nga Gallup. Anketa......
Shqiptarët presin euron brenda 2025-ës/ Adoptimi i monedhës europiane, në Shqipëri, dëshira dhe pritshmëritë, më të larta se në çdo vend tjetër
“Scan Intellignce Unit” ka analizuar të dhënat më të fundit të raportit të Bankës Qëndrore të Austrisë, i cili bazohet mbi anketimin e 1000 individëe nga 10......
